hinduon ke dharmik utsavon men navratron ka utsav atyant shraddha aur bhakti bhav se manaya jata hai. ghar-ghar se uthne vali havan samagri aur dhup-agarabatti se pratyek nagar mahak uthta hai. nam se spasht hai navratra nau dinon ke bhagvti jagdanba ki vishesh puja ayojan ka nam hai. adhikansh vyaktiyon ko yahi gyat hai ki navratra varsh men do hi bar hote hain. jinhen basanti aur shardiya kaha jata hai. parantu dharm shastron ke anusar varsh men char navratra hote hain. char navratra: bhartiya varsh ka praranbh chaitra mas ki pratipda se hota hai. iska arth hai ki hamara navavarsh chaitra mas ki pratham tithi se praranbh hota hai aur isi din pahle navratra shuru hote hain. dvitiya navratra chaithe mas arthat asharh men, tritiya ashvin men tatha chaithe magh men hote hain. ashvin mas ke navratra ko sarvashreshth pad diya gaya hai. ise varshiki navratra bhi kahte hain. dusre mahatvapurn navratra basant ritu men chaitra mas ke mane jate hain. in donon navratron se to sabhi grihasth jan parichit hain. charon navratron ka praranbh sanbandhit mas ke shukla paksh ki pratipda ko aur samapti navmi ko hoti hai. nav durga ke vandna mantra is prakar hain.
1. shail putri: vande vanchitlabhay chandrardhakritshekhram. vrisharurhan shuldhran shailputri yashasvinim..
2. brahmacharini: dadhana karpdmamyamakshamalakamandalu. devi prasidtu mani brahmacharini yaduttama.. navratra rahasya evan vandna mantra satyapal thakur
3. chandraghanta: pindajapravrarurha chandakopastrakairyuta.. prasadan tanute mahyan chandra ghanteti vishruta..
4. kushmanda: surasampurnakalashan rudhiraplutmev ch. dadhanan hastapadamayan kushmanda shubhdastu me.
5. skandamata: sinhasnagta nityan padmashritakaradvaya. shubhdastu sada devi skandmata yashasvini..
6. katyayni: chandrahasojjavalakara shardulavar vahna. katyayni shubh dadyadevi danav ghatini..
7. kalratri: ek veni japkirnapura nagna kharasthit. lamboshthi karnikakarni tailabhyakt sharirini.. vam padollasallohltakantak bhushna. vardhanamurdhadhvaja krishna kalratri bhaynkri..
8. mahagauri: shvete vrishe samarurha shvetambaradharashuchiah. mahagauri shubhan dayanmahadev pramodda..
9. siddhidatri: siddhagandharvayagyadyair surairmrairpi. sevyamana sada bhuyat siddhida siddhidayini..