samanyatah kaha jata hai ki ruchak yog men janm lene vala jatak sahsi, netritvakarta, yashasvi, prabhavshali vyaktitva vala, shatruon par vijay prapt karne vala, udyamshil, lik se hatakar chalne vala aur parishrami hota hai. vastutah anya yogon ki bhanti ruchak yog bhi lagn, bhav evan bhavesh ke anurup tatha mangal ki nakshatriya sthiti ke anurup fal deta hai. mangal ko dasham bhav men vishesh bali mana jata hai. dasham bhavagat uchchasth mangal se kuldipak yog ki rachna hoti hai.
halanki mangal ko anishtakari grah mana gaya hai lekin kisi bhi prakar ka koi faisla tatkalik adhar par lena shreyaskar nahin hai, kyonki papi grahon ke shubh bhavon ke svami hone par inke papatva men kshinta ati hai. mangal bhai ka karak hote hue bhi krur grahon men agrani hai. kark v sinh lagn ki kundli dekhte hi jyotishi ke munh se pahla shabd niklta hai rajyog ki kundli, kyonki in donon lagnon ke lie mangal sadaiv rajyog karak kaha gaya hai. in donon lagnon valon ke lie mangal ki mahadsha v antardasha kal jivan ka svarnim kal hota hai.
basharte yah dasha sahi umra men ae. jyotish men kaha gaya hai ki raja ko santoshi v jyotishi ko asantoshi nahin hona chahie, kyonki jyotish shubh grahon ke prabhav se banta hai aur rajyog banane vale krur grah hote hain jinmane mangal mukhya hai. yadi mangal kendra, tritiya adi men ho ya karm sthan par drishti adi dvara prabhav banae to jatak pulis vibhag men naukri karta hai. yadi chandra lagn balvan hai to usse bhi yahi fal hota hai. nimn kundliyon ke adhyayan se yah vishay spasht ho jaega.
kundli nan. 1 ek ai.pi.es. ki hai jinka janm u.pra. men 22.10.1979 ko 14.30 baje hua. ismen lagn men ruchak yog bana hai jisne jatak ko karmashil v nirbhik banaya aurat tinon gaddhe khali hone se prabal rajyog bana. navmesh v dashmesh ki yuti ne punah rajyog banaya. kundli men kendra men surya v chandrama ke alava koi bhi do grah yadi panchmhapurush yog ka nirman kar rahen ho to jatak raja hota hai. ai.pi.es. afasar raja ki shreni men hi ate hain. jatak ke bhagyesh budh ki mahadsha bhi shiksha ke samay v bhagyoday ke samay men rahne ke karan yogon ne apna shubh fal samay par diya. navansh men makar ke mangal ne apna shubh fal karne men koi kami nahin rakhi, halanki saptam ke ketu v lagn ke rahu ne antarjatiya prem vivah karaya. aj ye prasiddh v imandar varishth pulis adhikshak hai.
kundli nan. 2 ek anya ai.pi.es. adhikari ki hai jinka janm u.pra. men dinank 3.2.1956 ko 14.00 baje hua. inki kundli men saptam men ruchak yog bana hai v navansh men mangal makar ka hai. kendra ke charon bhavon men grah hone se uchch pad ki prapti hui. kintu saptam men mangal, shani v rahu ki yuti ke karan inka vivah nahin ho saka. aj ye ai.ji. pad par hain.
kundli nan. 3 ke jatak bhi ek ai.pi.es. adhikari ki hain jinka janm u.pra. men dinank 26.12.1953 ko 13.40 par hua. inhen saptam men apne uchchanath digbali shani se bal mila v navansh men makar ke mangal hone, dasham bhav men mangal ki uchch ki makar rashi par drishti hone v tinon gaddhe khali hone se uchch pad prapt hua. aj ye ai.ji. pad par hanai. pancham men matra stri grah chandrama ke hone v panchmesh surya par kisi purush grah ka prabhav n hone se inke do putriyan hi hanai.
kundli nan. 4 ek pi.pi.es. adhikari ki hai. inka janm u.pra. men dinank 19.4.1958 ko 19.00 baje hua. chaturth bhav men uchch ke mangal ne inhen pi.pi.es. star ka rajpitrat adhikari to banaya lekin navansh men sinh ke mangal ke karan ai.pi.es. n ho sake. inhen bhi lagn ke rahu v saptam ke ketu ne prem vivah karne ko majbur kiya. pancham men stri grah shukra ke hone se, panchmesh shani par kisi bhi purush grah ka prabhav n hone se v putra karak grah guru ko rahu dvara nigle jane se inke tin putriyan hi huin. mangal yadi tisre, chathe, dasham ya ekadash bhav men ho to uttam fal karta hai. iska spasht udaharan hai
kundli san 5. inka janm u.pra. men dinank 1.11.1947 ko 4.02 baje hua. inki chandra kundli balvan hai jisse bhi mangal ne tisre bhav men v navansh men shani ki kunbh rashi men hokar v apne uchchanath ke sath bal pakar inhane ek pi.pi.es. adhikari banaya aur aj ve vibhagiya padonnati pakar di.ai.ji. pad par hain. tinon gaddhe khali hone se bane rajyog ne uchch pad par pahunchaya.
kundli n. 6 u.ni. star ke ek pulis adhikari ki hai. inka janm u.pra. men dinank 7.10.1967 ko hua. chaturth men ruchak yog ne pulis ki naukri to dilai kintu navansh men kunbh ke mangal ne rajapatrit adhikari ka pad nahin diya. ashtam ke shani v sukh sthan men nich ke chandrama tatha mangli yog ke karan inka vivah nahin hua hai aur aj ek adher ayu ki kai bachchon ki man ke sath jivan vyaytit kar rahe hain.
kundli nan. 7 u.ni. star ke ek adhikari ki hai jo vibhagiya padonnati pakar aj dipti es.pi. pad par hanai. inka janm 26.12.1944 ko 11.30 baje u.pra. men hua. inka mangal dasham men digbali v svarashi ka hokar balvan to hai, kintu min ke navansh men hone se v dhanesh guru ke ashtam men jane se praranbh men uchch pad se naukri shuru n ho saki.
kundli nan. 8 kani. star ke ek pulis karmi ki hai. inka janm uttaranchal men dinank 13.1.1962 ko subah 6.00 baje hua. ye kani. pad par bharti hue aur ab tak hed kani. hi ho pae hain. mangal ne lagn par prabhav dalakar pulis men ane ke yog to banae par navansh men tula ke hone se tatha lagnesh guru ke ninch ke hone se anshik kalasarp yog v kemduram yog ke karan uchch pad ki prapti nahin ho saki.
kundli nan. 9 kani. star ke ek pulis karmi ki hai. inka janm u.pra. men dinank 15.10.1965 ko subah 5.05 baje hua. tritiya ke mangal ne karm sthan par drishti dvara pulis men ane ka yog banaya par chandrama par shani v mangal ki drishti, gandmul nakshatra ke janm v kemduram yog ke karan uchch pad nahin mil saka.
not: in yogon men ek tathya vishesh dhyatavya hai ki koi bhi gajeted pad bina dhanesh ki majbuti ke nahin milta hai aur yadi mangli yog bana hai to kisi n kisi prakar se mangal ne dampatya jivan ko prabhavit bhi kiya hai.