लिखते-लिखते लव कराने वाले- विक्रम कोठारी

likhte-likhte lav karane vale- vikram kothari  

Future Point
Views : 387 | February 2020

rotomaik brand ka pen banane vali kanpni ke malik vikram kothari abhi surkhiyon men hain. nirav modi ke bad bainkon se lie gaye karj ki failane khulne ke bad ab vikram kothari sabki nigahon men a gaye hain. vikram kothari par bainkon se 3700 karor rupye ke gaban ka arop hai.

vikram kothari v unke pita ke parivar ke sangharsh ki kahani kafi rochak hai. vikram ke pita mansukh kothari 50 ke dashak men kanpur men saikil chalakar pan masala bechte the. 60 ke dashak men parle utpad ka kanpur kshetra ka distribyutrship lene ke bad kothari parivar majbut hone laga. is bich kanpur men pan masale ke pahle brand ‘badshah’ ke band hone ke bad ‘pan bahar’ ko takkar dene ke lie market men ‘pan parag’ utara gaya.

70 ke dashak ki shuruat men 5 rupye ke 100 gram ke pan masale ke pauch ne desh videsh men aisi dhum machai ki sab jagah ‘pan parag’ cha gaya aur pan masalon ka dusra nam ‘pan parag’ ho gaya. dhire-dhire yah khari deshon men, amerika v yurop tak bhi pahunch gaya aur lagatar barhte karobar ne is grup ko bulandiyon tak pahuncha diya.

isi bich kothari grup ne rotomaik pen, yas minaral vatar bhi lanaich kie jo ki bahut safal rahe.

kahte hain n ki itni saflta ras ana bhi mushkil hota hai. islie charam par pahunche vyapar ke bich kothari parivar men bhi khatapat shuru ho gai. sal 2000 ke aspas samuh men bantvara hua. jankaron ke anusar mansukh apne chote bete dipak ke sath ek taraf the to vikram dusri taraf the. kahte hain ki vikram ko grup se bahar ka rasta dikhane ke lie 1250 karor rupye ki dil hui thi jismen 750 karor rupye vikram ko kaish diye gaye the.

parivar se alag hokar vikram ne rotomaik ke vistar aur majbuti par dhyan nahin diya. yas braind se namkin ki bari renj ke alava ‘dam’ pan masala aur ‘bren kanpyutarsa’ ko bhi bajar men utara gaya par sab kuch aundhe munh gir gaya. isi bich doston ki salah par staek market ke alava riyal stet men bhari bharakam nivesh kiya. shahar ke ek badnam bare hausing projekt men bhi vikram ka sheyar hai. kaha yah bhi jata hai ki tin sal pahle vinasam daymand kes men mili dayri men vikram ka nam aya tha aur is mamle men ve ‘pravartan nideshaly’ (idi) ke nishane par ae the.


apni kundli men rajyogon ki jankari paen brihat kundli riport men


vikram kothari ko mahangi gadiyon aur partiyan karne ka bhi bahut shauk hai. doston v apne chahne valon ke samne vikram bahut shan ka jivan jite rahe hanai. ve apne partiyon men film stars ko amantrit karte rahe hain aur pichle ek sal se kharab samay ke bad bhi partiyon ka daur thamne ke bajay aur jyada ho gaya tha.

kothari ko achchi gariyon ka shauk bhi hai. market men koi gari ati to sabse pahle kisi aur ke kharidne se pahle kothari ke pas vo gari hoti.

kothari ko daelar kharidne v bechne ka bhi kafi shauk tha. ve aise gurap se jure hue the jismen char panch log sabhi isi tarah satta khelte the halanki is khel men vikram ko hamesha nuksan hi hua lekin tab bhi unhonne satta khelna band nahin kiya. ek samay men rotomaik ne daelar tred men 1100 karor rupye ka nuksan bhi uthaya aur ismen se 400 karor rupye khud vikram kothari ke the. iske bad kothari ke bure din shuru ho gaye aur karib 25 varsh tak arsh men rahne vale vikram agast 2016 men farsh par pahunch gaye aur divaliya ghoshit ho gaye. jankaron ki manane to galat nivesh aur fijulakharchi unke vyavsayik patan ka karan bani jabki unka bhai aj bhi bahut charam par hai.

3700 karor rupye ke bainkon se fraed karne ke mamle men fanse vikram par inkam taiks dipartament ne apna shikanja kas diya hai. dipartament ne kanpni ke 14 baink khaton ko ataich kar liya hai. vikram kothari aur uske bete giraftar kar liye gaye hanai aur unse gahan puchtach ki ja rahi hai.

bainkon ne vikram kothari ki kai kanpniyon ko khairat ki tarah karj banta. ilahabad baink ne jin sanpattiyon ke badle vikram ko 352 karor ka lon diya unki kimat keval 12 karor rupye thi . atah sanpattiyon ki nilami ke bad bhi ilahabad baink ka 330 karor rupye bakaya hai.

vikram kothari keval bainkon ke hi nahin apne karmachariyon ke difaeltar bhi hain. panki sthit rotomaik global pra. li. men karyarat karmachariyon ka pi. ef ka paisa kai salon se unhonne jama nahin kiya hai.

nirav modi ke ghotale ke ujagar hone ke bad hi vikram kothari ka mamla samne aya hai kyonki baink ko dar lagne laga hai ki kahin nirav modi ki tarah vikram bhi desh chorakar n chale jaen.


kariyar se juri kisi bhi samasya ka jyotishiya upay paen hamare kariyar eksapart jyotishi se.


vikram kothari ki janmakundli ka jyotishiya vishleshn

inki janmakundli men dvadshesh surya ke sath lagnesh budh baithe hain. islie tikrmi to bahut hain aur apne buddhi v stetas ke bal par bainkon se itna bara karj lene men saksham ho pae. bhagyesh v dhanesh shukra tritiya bhav men baithakar bhagya bhav evan labhesh chandra ko dekh rahe hain. islie in par lakshmi ji ki vishesh kripa rahi aur bhagya ne bhi sath diya aur apna ab tak ka jivan puri shan shaukat men bitaya.

pancham bhav par nich ke guru aur mangal ke prabhav ke karan inhonne apni kamai satte men lagana behatar samjha. sath hi pancham bhav ke svami ki dvadash bhav men sthiti bhi yah sanket de rahi hai ki satte men ye ul-julul nirnay lekar paisa laga dete the. inke pas jama jamaya bijnes tha par jaise hi alag hue apna paisa galat dhang se maltipal karne ke lie galat hathkande apnae.

ajakal 2017 se shani ki ashtam dhaiyya chal rahi hai aur ashtamesh mangal par rahu ka gochar bhi chal raha hai. lagn kundli ka rahu bhi nichasth mangal ko purn drishti de raha hai. islie jel ka purn yog bana aur anttah inhen jel ho gayi.

shani ki dhaiyya chaithe ghar par chal rahi hai aur chaitha ghar sukh chain ka ghar hota hai. dukh ke grah shani ke gochar ne vikram ka sukh-chain chinne men koi kasar nahin chori aur ve sabhi tarah ki kanuni samasya evan archnon men fanste chale gaye tatha rahi-sahi kasar ashtamesh mangal par rahu ke gochar ne puri kar di.

janmakundli men rahu ki lagn, lagnesh v dvadshesh par bhi purn drishti hai aur lagn v dvadshesh surya par gochar men ashtam dhaiyya ke shani ki bhi drishti hai. islie vikram ke samaksh sabhi tarah ki kanuni samasyaen a rahi hain aur manhani bhi ho rahi hai.

abhi vartaman samay men jab tak shani ki dhaiyya chal rahi hai tab tak inhen rahat milne ki sanbhavna najar nahin ati. shani ki dhaiyya khatm hone ke bad markesh guru par shani mangal ke paraspar drishti yog ka prabhav sakriya ho jaega. agami panch varshon tak rahu ka gochar bhi pratikul chalta rahega. kul milakar inka agami samay purnataya kathinaiyon vala pratit ho raha hai. aprail 2019 men yadyapi dhaiyya chalti rahegi parantu rahu ka gochar dasham bhav par hone se ho sakta hai ki inhen kuch rahat mile.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

farvri 2020 visheshank  February 2020

futuresamachar-magazine

fyuchar samachar ke is visheshank men - naukri, vyavsay, padonnati varsh 2020, talak kyon? jyotishiya karan aur nivaran, mangli dosh kitna manglkari, jyotish se janen-naukri ya vyapar, dilli ki rajniti adi sammilit hain .

Subscribe


.