kal sarp yog jitna kashtadayak hota hai utna hi aishvaryadayak bhi hota hai. nimnankit chah yog jatak ke bhagya nirnay men bahut mahatvapurn hote hain:
1. pahle se satven sthanon men banne vala yog.
2. dusre se athven sthanon men banne vala yog
3. tisre se naven sthanon men banne vala yog
4. chaithe se dasven sthanon men banne vala yog.
5. panchven se gyarhven sthanon men banne vala yog. 6. chathe se barhven sthanon men banne vala yog.
1. pahle se satven sthanon men banne vale yog se jatak ka vaivahik jivan nasht ho jata hai aur yahan tak ki vah sannyas bhi le sakta hai. is yog se jatak ko aranbh men sangharsh, madhyakal men pareshaniyan picha nahin chodtin. jivan men kisi mahila ki sahayta milti hai parantu tatpashchat koi dusri mahila piche kar deti hai.
2. dusre se athven sthanon men banne vale yog se jatak jivan bhar nirdhan rahta hai. jo paise pas hote hain vah bure karyon men laga deta hai aur logon ka vishvas kho deta hai. jatak kamuk aur kai striyon ke sanpark men rahta hai. jatak ki juban kali hoti hai, jo munh se nikalta hai vah pura hota hai.
3. tisre sthan se naven sthan vala kal sarp dosh yog ka sanbandh videsh se vyapar sthapit karvata hai. parantu use bahut hani hoti hai aur shatru badh jate hain tatha uchchadhikariyon se sanbandh bigad jate hain aur fir hani uthani padti hai.
4. chaithe se 10ven sthan vala kal sarp yog vale jatak ka man-samman nahin hota aur apayash hota hai. avaidh santan ya god liye huye putra se apman hota hai. jatak in sab karnon se paitrik sanpatti se bhi hath dho baithta hai.
5. 5ven se 11ven sthan ke kal sarp yog se yar doston se daga (dhokha) milti hai. isliye jatak apni manamarji par a jata hai. is adat ke karan use apman aur nuksan uthana padta hai.
6. chathe se 12ven sthan vala kal sarp yog bahut ghatak hota hai. jatak bimar rahta hai aur jel bhi jata hai. gupt shatru ise dhokha dete hain. is yog se jatak ya to sukhi jivan bitata hai ya bahut dukhi. lekhak bhi hota hai aur is kala se jatak achchi unnati karta hai. rahu pradhan vyakti ke gun: svabhiman - anyay ka mukabla karne vala, kisi bhi karya ke pure hone tak gopniya rakhne vala, kam par vishvas karne vala, vad-vivad men nipun, samajik-rajkiya karyon men netritva karne vala jatak rahu ke prabhav men hota hai. khansi-vat-kaf, pet dard, kainsar, peshab men rakt, guda evan dhatu kshay rog rahu ke anisht se hote hain. rahu ke karobar: koyla, afim, sharab, bhang, sigret, ganja, charas adi vastuon ki bikri rakt v peshab ki janch karne vala paitholaejist, haddiyon ka vyapari, shmashan men kam karne vala, chamde v dalon ka vyapari rahu ke adhipatya men hai. anya jankari:
1. lagnesh se koi sanbandh n rakhne vala panchmesh mangal ya rahu ki drishti men ho to santan ki mrityu ho jati hai.
2. rahu dusre sthan men ho, mangal satven men, shukra trik bhav men 6, 8, 12 men se kisi ek jagah par hone se shadi se pahle jatak ki mrityu ho jati hai. yadi shadi ho jaye to talak ho jata hai.
3. rahu panchven sthan men aur panchmesh bhi 5ven sthan men ho ya panchmesh ke sath rahu ki yuti ho to santan ka nash hota hai.
4. rahu panchve sthan men aur is par mangal ki drishti ho to garbhapat hota hai ya santan nahin hoti.
5. saptamesh shani evan rahu ki yuti ho to jatak ke tin vivah hote hain. kalasarp yog ke sadaiv sabhi kundliyon men bure fal nahin milte.
jaise javahar lal nehru, sachin tendulakar, dhiru bhai anbani, murari bapu, narayan datt tivari, indira gandhi, lata mangeshkar, rajesh pailat adi ki kundliyon men bhi kal sarp yog banta hai. iske bavjud bhi ye log jivan ki bulandiyon tak pahunche aur vishva prasiddh rahe. jaise udaharan ke taur par
1. kalasarp yog ki kundli men ek karak grah uchch ka balvan ho aur dusra koi bhi uchch ka ho to aisa jatak har kshetra men saflta ke jhande gad deta hai. mushkil se mushkil karya uske liye asan ho jata hai. parantu surya-chandrama ki yuti kisi bhi bhav men is yog ke sath ho to jatkon ko saflta milne men deri hoti hai. surya ke sath shani aur chandrama ke sath budh ki yuti ho to kalasarp vale jatak dharmik, prasiddh v dhanvan hote hain.
2. kalasarp yog ki kundli men kemadrum yog tatha shakat yog banta ho to aise jatak bina kisi mehanat ke saflta prapt karte hain. unhen apna dhan bahut kam lagana padta hai. aise jatkon ko dhan bahut mil jata hai parantu unke jivan kal men hi samapt ho jata hai. yadi vah koi faiktri lagata hai to use hani ho jati hai.
3. kalasarp yog ki kundli men chandrama se kendrasth guru v budh se kendrasth shani hone par jatak sukhi v aishvaryashil jivan jita hai. kam mehanat se adhik dhan milta hai. jatak ke pas sukh suvidhayen hone par bhi ghar-parivar men klesh rahta hai. guru ke prabhav vala jatak guru ki sharan men jakar tantra-mantra vidya men ruchi le to adhik prasiddh hota hai.
4. lagnesh shubh grah ho aur lagn men baitha ho uchch ya apne mitra ki rashi ka hokar kendra ya trikon men baitha ho to aisa jatak sada sukhi rahta hai. yadi kundli men chaturthesh-navmesh chaturth bhav men baitha ho to jatak bada adhikari hota hai. yadi chaturthesh lagn men mitra guru se drisht ho to bhi jatak uchch pad par hota hai. yadi chaturthesh ekadash.a bhav ko drishti de ya chaturthesh kisi sthan men baithakar chaithe ghar ko drishtakare to manushya ko apni ichchanusar vahnon ki prapti hoti hai. isi prakar chaturthesh lagnesh ke sath chaithe bhav men baitha ho to jatak ko bana banaya makan milta hai aur samaj men man-samman prapt hota hai.
5. yadi jatak ki janmapatrika men tritiya-shashtama-ashtam athva ekadash bhav men kisi ek bhav men mesh ya sinh rashi men rahu ho to prabal raj yog hota hai. yadi janmapatrika men rahu chathe bhav men aur guru kendra men ho to ashtalakshmi yog banta hai. is yog se jatak sukhamay jivan vyatit karta hai. rahu chathe sthan men aur guru dasven sthan par ho to bhi yahi yog banta hai aur shubh fal jatak ko deta hai.