हाथ की महत्वपूर्ण रेखाए

hath ki mahatvapurn rekhae  

Future Point
Views : 17558 | July 2014

1. ayu rekha: yah rekha anguthe aur uske pas vali ungli ke madhya se aranbh hokar kalai ki or jati hai. yadi yah rekha sundar, gahri, lanbi aur kisi dusri rekha se bina kati ho aur kalai tak pahunchi ho to vah vyakti dirghayu, nirog, shaktishali aur svasth rahta hai.

2. mastak rekha yah rekha mastishk rekha ke nam se bhi jani jati hai. yah rekha bhi ayu rekha ke pas se nikalakar hath ko prayah do bhagon men bantti hai tatha bahar ki or jati hai. yah rekha jitni spasht aur sundar hogi, vah vyakti utna hi buddhiman hoga. iska terha-merha hona kalpana lok ki or sanket karta hai. vah vyakti bari-bari yojnaen banane vala parantu kam men asafal hota hai. yahi rekha hath ke bahar tak chali jaye to ashubh hoti hai. bahar niklna mansik rog, unmad ka karak bhi hota hai.

3. bhagya rekha: yah rekha prayah sabke hathon men hona avashyak nahin. jiske hath men bina tuti-futi aur sundar bhagya rekha hogi vah safal aur bhagyashali vyakti hoga. jiske hath men yah rekha n ho athva tuti futi ho vah ajivan daridra rahega. uska jivan kashton men vyatit hoga. yah rekha kai prakar ki hoti hai jaise kalai se aranbh hokar hatheli ke bichon bich hokar bich vali ungli tak pahunchne vali, ayu rekha se aranbh hone vali aur madhya se bhi aranbh hone vali. iski ganna savdhani se karen.

4. surya rekha: ise vidya rekha athva prabhav ki rekha bhi kaha jata hai. isse hath ki dusri rekhaon ko sahayta milti hai. yah chaithi ungli ke niche se praranbh hokar niche kalai ki or jati hai. yah tirchi bhi ho sakti hai. yah jitni hi svachch, sundar aur lanbi hogi vyakti utna hi prasiddh vidvan aur yashasvi hoga.

5. hriday rekha: yah rekha choti ungli ke niche se nikal kar anguthe ke sath vali ungli ke niche tak pahunchti hai. jis vyakti/jatak ke yah rekha svachch, sundar hogi aur n usmen se rekhaen idhr-udhar futti hon, n yah tuti ho to vah jatak saf hriday ka, imandar hoga. iske viprit yadi rekha vikrit, tuti-futi shakhaon vali ho to vah vyakti vachal, kapti tatha dhokhebaj ho sakta hai tatha binduon se grasit ho to hriday rog se pirit rahta hai.

6. mangal rekha: yah bhi ayu rekha ke niche se kalai ki or jati hai. yah rekha purn, sundar ho to samjhna chahie ki vyakti vir, pranon par khel jane vala aur himmati hota hai. yah fauj ya prashasnik seva ka karak bhi hai. jatak khun savar hone jaisa krodhi bhi ho sakta hai.

7. arogya rekha- yah rekha kalai se nikalakar choti ungli ke niche tak barhti hai. iska dusra nam svasthya rekha bhi hai. purn arogya rekha svasthya, shakti aur drirhta ka chihn (pratik) hai. tuti-futi ho to svasthya kharab rahta hai tatha yada-kada koi bhi bimari ho sakti hai.

8. vivah rekha: choti (kanishtha) ungli ke niche kinare par jitni saf aur bari rekhayen hogi utne hi us jatak ke vivah samjhne chahie. jitni barik rekhayen ho utni hi striyon men prem ka pradarshan batati hai. choti-choti, tuti-futi rekhayen ho to vivah yog men badha tatha keval avaidh yog ka karak banta hai.

9. santan rekha: hriday rekha aur kalai ke madhyam kinare jitni rekhaen svachch, lanbi aur sundar hongi utne hi purush santan, tirchi terhi-merhi hane to utni hi kanyaen hongi. madhyam aur tuti futi rekhaen santan hokar marne ka sanket karti hai. in par yav ho to garbhapat yog banta hai. yadi rekhaon ka abhav ho to bandhya yog hota hai.

10. bhai-bahan rekhaen: anguthe ke jar se kalai tak kinare par dikhai parne vali svachch rekhaen bhai, bahnon ka suchak mani gayi hain. sundar aur chamkdar rekhaon se bhai, madhyam aur terhi rekhaon se bahnon ka gyan hota hai. apurn tirchi rekhayen bhai bahnon ki marak hoti hai. vishesh: yadi hath men ek rekha purn dikhai pare ya ashtakon, chatushkon ke chihn hon athva hans ke panv, pushp, khadg, til, tara, trikon, trishul, hathi, ghora, shakti, tomar, sinh, chandra, surya, chakra, ankush, kundal, parvat, mandir, machli adi ke chihn ho to vah jataka/vyakti/mhila dhani, data aur chinta rahit jivan bitane vala hoga. yadi do rekha purn ho athva jhande ka chihn ho to jatak dhani aur samjhdar hoga. jiske hath men tin rekha purn ho athva ukhal ka chihn ho to vah jatak kasht sahne vala aur daridra hoga.

yadi sarp, bichchu, girgit, chipkili adi ke chihn ho to jivan men anek sankat evan karya viflta ka yog yada-kada banta rahega. vibhinn ungliyon ka svami-ganna

1. tarjani - svami brihaspati-netritva yog.

2. madhyama- svami shani-vivah men vilanb

3. anamika- svami surya-sahitya, vidya, svasthya shubh yog.

4. kanishtha- svami budh-shilpakari, pratibha prakhrta, bahumukhi yog. angutha - hatheli ka mukhiya, shubh nyayakarta, pahchan karta evan sakshi bhi mana gaya hai.

mansik svami chandra evan mangal shukra ka prabhav bhi rahta hai. parivarik drishti evan samajik samrsta ka pratik angutha hai.

1. jivan rekha

2. mastishk rekha

3. hriday rekha

4. bhagya rekha

5. surya rekha

6. svasthya rekha

7. vivah rekha

8. abhas rekha

9. mangal rekha

10. shukra valy

11. manibandh rekha

12. brihaspati valy

13. shani valy

14. santan rekhaen

15. bhai bahan rekhaen

16. yatra rekha (parivarik)

17. videsh gaman rekha (dharmik)

18. ichcha shakti rekha

19. kshamata rekha

20. santulan rekha

21. matsya rekha-mast jivan lakshan battisi hatheli ke kuch pramukh lakshan (akritiyan) 32 prakar ke mane gaye hain.

1. chatra - raja tulya sukh

2. kaml- dhan vaibhav yog

3. dhanush- shatru hanta yog

4. rath - vahan prapti yog

5. vajra - vir - shask

6. kachua - samundrapariya yatra

7. ankush- vijyi, dhani

8. vapi- paropkari

9. svastik - vidvan/sant

10. toran - bhumi bhavan sukh

11. trishul - dharmik, dhani

12. sher- prabhavshali

13. kalpavriksh - dani yog

14. chakra- vaibhvshali

15. shankh - punyatma

16. gaj- sanpatti, sanpannata

17. van - bhumipti yog

18. kalash - dharma-karm yog

19. prasad - sukhdayk

20. matsya - yatra, premi bhi

21. yav - pratishtha prapti

22. stanbh - yagyakatrta

23. math- sadhu sevi- dharmik

24. kamandala- dharm prachark

25. nag- unchi- unchi bhavna

26. chanvr- vaibhvshali

27. lakshmi -bhumi sanpannata

28. darpan - uchch pad asin

29. uksha - krishk/gau palk

30. pataka- nam roshan katrta

31. fulmala - pujari, shubh

32. mayur-bhogi evan pratishtha prapti yog.

pata: vedang jyoti, sarra bajar, merta siti jila nagaur (raj.)

Kya aapko lekh pasand aaya? Subscribe


Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business


.