bahirmukhi vyaktitva:- jo vyakti apne hastakshar ko thora bhar dekar likhta hai hastakshar ki chap ek pepar se dusre pepar par jati ho hastakshar ko bare evan golai men likhta ho jiski likhavat dayin bajuon se thori jhukti hui ho, aise vyakti samajik jivan men pratyek vyakti ke sath miljul kar karya karne men vishvas rakhte hain. samaj seva ke lie apna sab kuch nyauchavar karne hetu tatpar rahte hain. sath hi apne kiye gaye karyon ke prati garva mahsus karte hain. kai logon men samaj se kuch pane ki prabal ichcha dekhi jati hai.
antarmukhi vyaktitva:- jo vyakti apne hastakshar ko halke hath se likhta ho hastakshar ki koi chap ek pepar se dusre pepar tak n jati ho , hastakshar chote evan aspasht likhte hon jiski likhavat bayin baju se thori jhukti hui ho aise vyakti ka samajik jivan bachapan men upeksha ka shikar hone ke karan hin bhavna se grast hokar antarmukhi ban jate hain . aise vyakti ko samaj se jyada lagav nahin evan apne men hi rame rahne vale hote hain. unka vyavhar dusron ke prati achcha nahin rahta parantu dusron se achche vyavhar ki sadaiv as lagaye rahte hain. apne andar ki bat kisi ko sarlta se nahin batate.
madhyam vyaktitva:- (n bahirmukhi n antarmukhi ):- aise vyakti apne hastakshar ko n halke hath se n hi adhik jor dekar likhte hanai. hastakshar ki likhavat sidhi, hastakshar chote athva madhyam hokar ekadam spasht likhte hain . aise vyakti ka samajik jivan samanya hota hai