vibhinn karyon ke lie tithi, var, nakshatra adi ke adhar par jin muhurton ka chayan kiya jata hai, unmen atharvaved ke anusar tithi, var, karan, yog, tara, chandrama tatha lagn ka fal uttarottar hajar guna tak barhta jata hai. parantu maharshi garg, narad aur kashyap muni keval lagn ki prashansa karte hain kyonki lagn shuddhi ka vichar n karke kiya gaya koi bhi kam purnatah nishfal ho jata hai. in sabse upar sthaniya madhyanh kal men 248 pal ka abhijit namak muhurt samast shubh karyon ke lie sarvashreshth hai. parantu budhvar ko is muhurt ka bhi parityag karna chahie garbh dharan se antyeshti tak sabhi sanskaron tatha anya manglik karyon men muhurt ki mahatvapurn bhumika hoti hai. ab prashn uthta hai ki muhurt kya hai?
kisi karya ke safal sanpadan ke lie jyotishiya ganna par nirdharit samyavdhi ko muhurt kaha jata hai. dusre shabdon men ham kah sakte hain ki achche (balvan) samay ya shubh avasar ke chayan ki prakriya ko shubh muhurt kahte hain. muhurt shastra ke anusar tithi, var, nakshatra, yog, karan adi ke sanyog se shubh ya ashubh yogon ka nirman hota hai. muhurt jyotish shastra ka sabse prachin aur mahatvapurn ang hai. muhurt ke karan hi jyotish shastra ko ved ka netra kaha gaya hai. shubh muhurt hetu tithi, var, nakshatra ko chayan shubhvar- som, budh, guru aur shukravar. shubh muhurt hetu shubh var hain. shubh tithi- donon pakshon ki 2, 3, 5, 7, 10, 12vin tithi aur krishn paksh ki pratipda tatha shukla paksh ki trayodshi ye shubh tithiyan hain.
buy detail numerology report
shubh nakshatra - ashvini, rohini, mrigshira, punarvasu, pushya, uttarafalguni, hast, chitra, svati, anuradha, uttarasharha, shravan, dhanishtha, shatbhisha, uttara bhadrapad, revti - ye shubh nakshatra hain. tara bal- janm nakshatra se ishtakalin nakshatra (jis din karya karna ho us din ke chandra nakshatra) ki sankhya ko 9 se bhag dene par yadi shesh sankhya 1,2,4,6,8,0 rahe to shubh tarabal prapt hota hai. yadi 3,5,7 shesh rahe to tara ashubh hoti hai. muhurt men ashubh tara ka tyag karna chahie. kintu tarabal ka vichar sirf krishn paksh men hi karna chahie. chandrabl- apni janm rashi se 1,3,6,7,10,11 ven sthan ka chandrama shubh hota hai. iske alava shukla paksh men 2,5,9vin rashi sthan ka chandrama bhi shubh hota hai. yadi chandrama krur grah se yukt athva krur grahon ke madhya men ho to shubh karya nahin karna chahie. yadi chandrama se saptam sthan men krur grah surya, shani ya mangal ho to vivah, yatra, churakarm tatha grih pravesh nahin karna chahie. shubh muhurt men lagn ka bal sarvadhik hota hai
- atharvaved ke anusar muhurt men tithi ka fal ek guna, nakshatra char guna, var ka fal ath guna, karan ka fal solah guna, yog ka fal battis guna, tara ka fal sath guna, chandrama ka fal sau guna aur lagn ka fal ek hajar guna hota hai. maharshi garg, narad aur kashyap muni keval lagn ki prashansa karte hain. iske anusar lagn ka vichar chorakar jo kuch kam kiya jaye, vah sab nishfal hota hai. jaise grishm ritu men kshudra nadiyan sukh jati hain. vaise hi tithi, nakshatra, yog athva chandrama ke bal ka koi mahatva nahin hai. log kahte hain ki chandrama ka bal pradhan hai, kintu shastron ke anusar lagn ka bal hi pradhan hai.
varsh maso dinan lagn muhurtashcheti panchakam. kalasya gani mukhyani prablanyuttarottam.. varsh, mas, din, lagn aur muhurt ye uttarottar bali hai. lagn shuddhi
- shubh muhurt hetu upachay rashi ka lagn, grahan, karna chahie. apni janm rashi se 8vin ya 12vin rashi ka lagn grahan nahin karna chahie.
- lagn se 8ven, 12ven sthan men koi grah n ho.
- muhurt lagn ke kendra-trikon sthanon (1,4,7,10,5,9) men shubh grah ho tatha 3,6,11ven sthan men papagrah hon.
- jo lagn jitne adhik shubh grahon se yukt, drisht ho utna hi adhik bali aur falaprad hota hai.
- jis muhurt lagn se chandrama 3,6,10 ya 11ven sthan men ho to us muhurt men kiye gae sabhi karya safal hote hain. uprokt prakar se shodhit muhurt lagn sarvottam hota hai.
- yadi kendra ya trikon men sthit papagrahon par budh, guru ya shukra ki drishti ho athva kendra ya trikon men sthit budh, guru ya shukra ki drishti pap grahon par ho to pap grah bhi doshkarak nahin hota balki uska fal shubh ho jata hai.
û yatra lagn ke 6,8,9 bhavon ko chorakar anya bhavon men yadi pap grah ho tatha 4,3,11 bhav men shukra ho jis par kendrasth guru ki drishti ho to yah yatra lagn dhandayak hota hai.
- ashtavargen ye shuddhaste shuddha sarvakarmasu. sukshma'sht sanshuddhi sthula shuddhistu gochre.. rajmatrtand ke anusar yadi grah ko ashtakavarg men rekha bal prapt ho to sukshmashtak shuddhi hone par sthul man se 4,8,12ven gochriya grah (surya, chandra, guru) ashubh hone par bhi shubh hote hain.
lagn samay par surya, chandra, guru ka rekhashtak bal gyat karen. 4 se 8 tak rekha bal prapt hone par manglik karya praranbh karna shastra sammat hai. grah ki 1 se 3 rekha ane par grah nesht fal pradan karta hai. abhijit men samast karyon ki siddhi hoti hai suryoday ke bad chaithe lagn ko vijay lagn ya abhijit lagn mana jata hai. surya ki dasham bhav men sthiti bhi abhijit lagn men hoti hai. iski avdhi lagabhag 1 ghanta 40 minat hoti hai. abhijit muhurt men kiye gae samast karya safal hote hain. kyonki yah muhurt sabhi doshon ko dur karne vala hota hai. lagn din hanti muhutah sarvadushanam. tasmat shuddhi muhatrtasya sarvakaryeshu shasyate.. sthaniya samay ke anusar dopahar 11.36 se 12.25 baje tak (madhyahn kal men) abhijit muhurt hota hai.
sarveshan varnanam'bhijitsangyako muhurtasyat ashtamo divasasryorddh tvabhijitsangyakah kshanah.. madhyahn kal men 248 palon ka athvan muhurt abhijit sangyak hota. abhijit muhurt samast shubh karyon ke lie shreshth hai. is muhurt men kie gae samast karya siddh hote hain. abhijit muhurt sadhan isht din ke dinman ko adha karke use ghanta minat men parivartit karen, tatha ise sthaniya suryoday kal men joren, yah abhisht din ka madhyahn kal hoga. uprokt vidhi se prapt madhyahn kal se 24 minat purva aur 24 minat pashchat kul 48 minat arthat 2 ghati ka abhijit namak muhurt hota hai. budhvar ke din abhijit muhurt shubh nahin hota hai atah budhvar ko abhijit muhurt ka tyag karna chahie.
budhvar ko dopahar 12 baje ke bad rog namak ashubh chaighriya yadi suryoday 6 baje se purva ka ho to abhijit muhurt ka adhikansh samay rog chaighriya men chala jata hai. aise men abhijit vijay nahin dilata hai. rahu kal se dare nahin var vela ya kal vela ki bhanti varanusar ardhaprahar ko rahu kal kahte hain. dinman ka vah athvan hissa jiska svami rahu mana gaya hai. rahukal kahlata hai. rahukal gyat karne ke lie sthaniya dinman ke saman ath bhag karke is ashtamansh ko var ke gunak se guna karen. is gunanafal ko sthaniya suryoday men jor dene se rahukal ka praranbhik samay gyat ho jata hai.
is samay men din ke ashtamansh ko jor dene se rahukal ka samapti kal nikal ata hai. rahukal ko avdhi ashtamansh/ardhaprahar (lagabhag 1.30 ghante) ke barabar hoti hai. rahukal sadhan ke lie niche varon ke gunak die ja rahe hain. var ravi som mangal budh guru shukra shani gunak 7 1 6 4 5 3 2 rahukal dakshin bharat men bahut hi anishtaprad mana gaya hai. rahukal men yagya ki purnahuti, grih nirman, grih pravesh, yatra ka praranbh, rajadarshan, dhan nivesh adi shubh karya varjit hai. kintu ap rahukal se bhaybhit n ho. rahukal ka dosh vishesh rup se dakshin bharat karnatak, keral, madras, gova, andhrapradesh men manya hai. mithila v bangal men yamardh dosh tatha uttar bharat evan madhya pradesh men ashubh chaighriya shubh karyon men varjit hai, rahu kal nahin. islie ap rahukal se dare nahin.