उदर रोग

udar rog  

Avinash Singh
Views : 17222 | March 2015

udar sharir ka vah bhag ya ang hai jahan se sabhi rogon ki utpatti hoti hai. aksar log khane-pine ka dhyan nahin rakhte, parinam yah hota hai ki pachan pranali garbra jati hai jisse mandagni, afara, kabj, ji michlana, ultiyan, pechish, atisar adi kai prakar ke rog utpann hote jate hain jo bhavishya men kisi bare rog ka karan bhi ban sakte hain.

yadi savdhani purvak santulit ahar liya jaye to pachan pranali sucharu rup se karya karegi aur ham svasth rahenge. udar men pachan pranali ka kay bhojan chabane se praranbh hota hai. jab ham bhojan chabate hain to hamare munh men lar granthiyon se lar nikalakar hamare bhojan men mil jati hai aur karbohaidrets ko glukoj men badal deti hai.

gras nali ke raste bhojan amashay men chala jata hai. amashay ki jhilli men pepsin aur rainet namak do ras utpann hote hain jo bhojan ke sath milakar use shighra pachane men sahayta karte hain. iske pashchat bhojan choti ant ke akhir men chala jata hai. yahan bhojan ke avashyak tatva rakt men mil jate hain tatha bhojan ka shesh bhag bari ant men chala jata hai, jahan se mutrashay aur malashay dvara mal ke rup men sharir se bahar ho jata hai.


for immediate problem solving and queries, talk to astrologer now


jyotishiya drishtikon: jyotish ke anusar rog ki utpatti ka karan grah nakshatron ki khagoliya chal hai. jitne din tak grah-nakshatron ka gochar pratikul rahega vyakti utne din tak rogi rahega uske uprant mukt ho jaega. janmakundli anusar grah sthiti vyakti ko hone vale rogon ka sanket deti hai. grah gochar aur mahadsha ke anusar rog ki utpatti ka samay aur avdhi ka anuman lagaya jata hai.

udar rogon ke jyotishiya karan janmakundli men sabse adhik mahatvapurn lagn hota hai aur yadi lagn asvasth hai, kamjor hai to vyakti rogi hota hai. lagn ke svasth hone ka abhipray lagnesh ki kundli men sthiti aur lagn men baithe grahon par nirbhar karta hai. lagnesh yadi shatru, akarak se drisht ya yukt ho to kamjor ho jata hai. isi prakar yadi lagn shatru ya akarak grah se drisht ya yukt ho to bhi lagn kamjor ho jata hai.

kal purush ki kundli men dvitiya bhav jihna ke svad ka hai. pancham bhav udar ke upri bhag pachan, amashay, pittashay, agnashay aur yakrit ka hai. shashth bhav udar ki anton ka hai. udar rog men lagn ke atirikt dvitiya, pancham aur shashth bhav aur inke svamiyon ki sthiti par vichar kiya jata hai.

vibhinn lagnon men udar rog mesh lagna: mangal shashth ya ashtam bhav men budh se drisht ho, surya shani se drisht ya yukt ho, shukra lagn men ho to jatak ko udar rog se pareshani hoti rahti hai. vrish lagna: guru lagn, pancham ya shashth bhav men sthit ho aur rahu ya ketu ye yukt ho, lagnesh shukra ast hokar dvitiya ya pancham bhav men ho. mithun lagna: lagnesh budh ast hokar pancham, shashth ya ashtam bhav men ho,


apni kundli men sabhi dosh ki jankari paen kampalit dosh riport men


mangal lagn, dvitiya ya pancham bhav men sthit ho ya drishti de to jatak ko udar se sanbandhit pareshani hoti hai. kark lagna: chandra, budh donon shashth bhav men hon, surya pancham bhav men rahu se yukt ya drisht ho to jatak ko udar rog hota hai. sinh lagna: guru pancham bhav men vakri shani se drisht ho, lagnesh rahu/ketu se yukt ya drisht ho, mangal se pancham ya shashth ho to jatak ko udar rog hota hai.

kanya lagna: mangal dvi tiya ya shashth bhav men ho, budh ast hokar mangal ke prabhav men ho, guru ki pancham bhav men sthiti ya drishti ho to jatak ko udar rog hota hai. tula lagna: pancham ya shashth bhav guru se drisht ya yukt ho, shukra ast aur vakri ho kar kundli men kisi bhi bhav men ho to jatak ko udar rog hota hai.

vrishchik lagna: budh lagn men, dvitiya bhav men, pancham bhav, shashth bhav men sthit ho aur ast n ho, lagnesh mangal rahu-ketu yukt ya drisht ho to jatak ko udar rog hota hai. dhanu lagna: shukra, rahu/ketu se yukt hokar pancham ya shashth bhav men ho, guru ast ho aur shani ki drishti ho to jatak ko udar rog hota hai. makar lagna: guru dvitiya bhav ya shashth bhav men vakri ho aur rahu/ketu se drisht ya yukt ho to jatak ko udar rog deta hai.

kunbh lagna: shani ast ho, guru lagn men pancham bhav men, mangal shashth bhav men rahu/ketu se yukt ho to udar rog hota hai. min: shukra shashth bhav men, shani dvitiya ya pancham bhav men, chandra ast ya rahu ketu se yukt ho to jatak ko udar se sanbandhit rog hota hai. ayurvedik drishtikon: ayurved ke anusar kisi bhi rog ka karan tin vikar hain arthat vat, pitt, kaf ka asantulit ho jana. udar rog men bhi in vikaron par vichar kiya jata hai. vat vikar ki vriddhi se agni visham hote hain, pitt ki vriddhi hone se agni tej hoti hai; kaf vriddhi se agni mand hoti hai jisse pachan pranali prabhavit hokar udar rog utpann karti hai.

yadi samay rahte vikar ka upchar kar liya jae to rog se bacha ja sakta hai.


apni kundli men rajyogon ki jankari paen brihat kundli riport men


gharelu upchar: -ajvayan ka churn aur kala namak milakar garmapani ke sath lene se turant pet dard se aram milta hai. afra aur gais bhi nikal jata hai.

- amritdhara ki do-tin bunden batashe men ya khand men dal kar lene se udar shul men aram milta hai.

-kali harar ke churn ko gur men milakar khane se bhi esiditi men aram milta hai.

- isbgol ki bhusi ko sham 5-6 baje ke karib taje pani ya dudh ke sath lene se amlata aur kabj dur ho jate hain.

- bhojan karne ke bad ek laung chusne se bhi pet rogon men aram milta hai.

- bhojan se adha ghanta pahle adarak ko namak lagakar khane se bhukh thik se lagti hai. hajma thik hota hai. pet dard, afra, badhjmi, kabj men labh hota hai.

- rat ko sote samay trifla churn dudh ke sath lene se kabj thik ho jata hai. rat ko sone se pahle 100 gram gulkand dudh ke sath lene se kabj dur hota hai.

-gur aur pili harar ke churn ko barabar matra men milakar goli bana kar subh-sham pani ke sath ek mah tak lene se pachan tantra sucharu rup se karya karta hai. yakrit aur tilli thik hoti hai tatha amlata se rahat milti hai.

savdhaniyan:

- khali pet chay n pien.

- pratah uthne ke bad kam se kam ek gilas pani pien.

- pratahkal khuli hava men bhraman karen aur lanbi-lanbi sans len.

- nashta halka aur santulit len. tel ki tali chijen nashte men n len.

- bhojan men tel, masale santulit matra men istemal karen tatha lal mirch ka upyog kam se kam karen.

- ratri ke bhojan ke pashchat turant n soen.

- jitni bhukh ho usse adhi roti kam khaen.

- bhojan men hari sabjiyan adhik se adhik len. - salad bhojan se 15-20 minat purva khaen n ki sath-sath.


jivan ki sabhi samasyaon se mukti prapt karne ke lie yahan klik karen !


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  March 2015

futuresamachar-magazine

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe


.