ghar ki samriddhi evan suraksha ka pratik sanpurn vastu yantra acharya ramesh shastrai sanatan hindu dharm sanskriti men prachin yug se hi vastu devta ki prasannata ke lie unki puja ka vishisht sthan raha hai. chahe nagar nirman ho ya bhavan nirman athva karmakand ke laghu evan vrihat yagyanushthan adi hon, in sabhi karyon men saflta men ane vali badhaon ke shaman ke lie vastupurush ki vidhipurvak puja ki jati hai. aj nagron men nivas karne vale sabhi logon ke lie vastushastra ke sanpurn niyamon ke anusar bana grih kharidna aj ki paristhitiyon ke anusar asanbhav sa ho gaya hai. aisi sthiti men sanpurn vastuyantra ko apne ghar men sthapit karne se vastu devta prasann hote hain jisse ghar ki sukh-samriddhi men vriddhi hoti hai. is yantra ko ghar, vyavsay sthal, karyalay adi men sthapit kar sakte hain. isse vyapar men ane vali badhaon ka samadhan hota hai. sthan ki suraksha bani rahti hai. upadravon ka nash hota hai. man men prasannata bani rahti hai. is sanpurn vastuyantra men barah anya mahatvapurn yantron ki sthapna ki gai hai jisse yah yantra adhik shaktishali ban gaya hai. shri gayatri yantra: gayatri yantra ke pujan, darshan se ghar men satvik vatavaran banta hai jisse ghar ke sabhi sadasyon men pavitra bhavna ka vikas hota hai. mahamrityanujay yantra: is yantra ke darshan, pujan se ghar men duahkh, bimariyon se raksha hoti hai, vyakti unnati ki or agrasar hota hai. shri kali yantra: mahakali yantra ke darshan, pujan se akal mrityu se raksha hoti hai. atmavishvas men vriddhi hoti hai. shri vastu mahayantra: is yantra ke darshan, pujan se ghar men vastudosh ka nivaran hota hai. ghar ki suraksha bani rahti hai. shri ketu yantra: ketu yantra ke darshan, pujan se achanak hone vali ashubh ghatnaon ka purvabhas hota hai. vyakti savdhanipurvak vikat sthitiyon ka samna karne men safal hota hai. shri rahu yantra: is yantra ke darshan, pujan se karyon men ane vali archnen dur hoti hain. samanya sangharsh ke bad vyakti saflta prapt karta hai. shri shani yantra: shani yantra ke pujan, darshan se hin bhavnaon ka nash hota hai. vyakti sthirtapurvak karyakshetra men safal hota hai. shri mangal yantra: mangal yantra ke pujan, darshan se dhairya evan sahas men vriddhi hoti hai jisse vyakti nidar hokar karya karta hai. shri kuber yantra: kuber yantra ke pujan, darshan se ay ke sroton men vriddhi hoti hai. dhan ka sadupyog hota hai. shri yantra: shri yantra ke sthapan, pujan se ghar-parivar men yash, kirti, dhan aur aishvarya ki vriddhi hoti hai. jivan men dhanabhav ki sthiti men shighra sahayta prapt hoti hai. shri ganpti yantra: shri vighn vinashak ganpti ji ke yantra ke darshan, pujan se vighna-badhaon se raksha hoti hai tatha uttam vidya, buddhi ki prapti hoti hai. baglamukhi yantra: is yantra ke darshan, pujan se shatruon ke sharyantron se raksha hoti hai. anavashyak shatrukrit sabhi prakar ki badhaon ki nirakaran hota hai. pujan evan sthapna vidhi: is yantra ko somvar, budhvar brihaspativar, shukravar in shubhvaron men se kisi bhi var men apne ghar, vyavsay sthal adi men sthapit kar sakte hain. yantra men sthapit sabhi yantron par roli, akshat, pushp, dhup, dip, naivedya, dakshina adi se pujan karke yantra ko uÿar-purva disha men sthapit karna chahie. uske pashchat nimn mantra ka ek mala jap karen. mantra: vastudev namaste'stu bhushayyanirat prabho. madgrihan dhan dhanyadi samriddhan kuru sarvada..
Kya aapko lekh pasand aaya?
Subscribe