dhan prapti  

prashnah dhan, sanpatti evan vaibhav prapt karne hetu jyotishae vastu evan tantra.mantra ke anubhut evan karagar dhan lakshmi prapti ke totkon ka vistarpurvak varnan karen?

sansar ka pratyek vyakti chahe vah kisi bhi jatie dharm v sanpraday ka kyon n ho, ‘dhanvan banne evan vaibhvshali jivan vyatit karne ki prabal ichcha uske hriday men pratipal.pratikshan vidyaman rahti hai. ved.puran v shastron men char purusharth kahe gaye hain. ‘dharm, arth, kam, moksha’. dharm ko arth kha gaya, kam arth men vilopit ho gaya. moksh ki kisi ko ichcha nahin hai. atah le.dekar keval ‘arth hi rah gaya jis par garib, amir, rogi, bhogi aur yogi ka bhi dhyan kendrit hai. ’

yahan yah batana avashyak hai ki dhan lakshmi prapti ke totkon ka prayog kyon kiya jae. vastav men har vyakti ki ichcha hoti hai ki vah adhik se adhik dhanarjan karen. parantu dhan ka jama hona to ‘mata mahalakshmi’ ko prasann karke hi kiya ja sakta hai. mata lakshmi ko prasann karne ke lie vaidik, mantrik, yantrik anushthan atyadhik kharchile hote hain aur samay bhi adhik lagta hai jo karna har vyakti ke lie sanbhav nahin. falasvarup dhan prapti ke lie andhi daur lagane ke pashchat bhi nirasha ka samna karna parta hai. etadarth adhunik paristhitiyon men dhan lakshmi prapti ke totkon ka saral evan sugam prayog sabhi ke lie kalyankari hai.

jari-butiyon dvara dhan prapti ke ati saral aur chamatkarik upay

lankadhipti ravan kahta hai- he priya mandodri ! jagjnni mata parvati ne jin jari-butiyon ke kalp ki mahima ke sanbandh men mujhe bataya hai, vah tumhen batlata hun, dhyanpurvak shravan karna. sarva pratham un jari-butiyon ke gun batata hun, jo dhan prapt karne men param labhdayak hain.

1. ‘‘bharni nakshatra’’ men ‘‘kush’’ ka banda lakar apne ghar ke puja sthal men lal kapre men lapet kar rakhne se arthik samasya dur ho jati hai.

2. ‘‘mrigshira nakshatra’’ men ‘‘kele’’ ke patte ka ek chota sa tukra pile kapre men lapetakar tabij ki tarah banakar pile dhage men gale ya dayin baju men dharan karne se dhan prapti ke avasar prapt hote hain sath hi man-samman aur yash-pratishtha men bharpur vriddhi hoti hai.

3. ‘‘pushya nakshatra’’ men ravivar ke din ‘shvetarka’’ (safed akaua) ki jar vidhipurvak lakar safed vastra men lapetakar dahini bhuja men dharan karne se dhan prapti ke avasar prapt hote hain.

4. ‘‘ashlesha nakshatra’’ men ‘‘bargd’’ (vatvriksha) ka patta lakar lal vastra men lapet kar tijori, kaish baeks ya rupye-paise rakhne ke sthan par rakhne se dhan ghar men bhara rahta hai aur khajana kabhi khali nahin hota. ise ann ke sthan men rakhne se ghar men ann ki kami kabhi nahin hoti hai.

5. ‘‘magha nakshatra’’ men ‘‘parijat’’ (har shringar) ka banda lakar pile vastra men lapetakar puja sthal par rakhne se dhan ka labh hota hai.

6. ‘‘shatbhisha nakshatra’’ men lal rang ki ‘‘ghunghchi’’ (ratti jisse svarnakar svarn ki taul karte hain) ki jar lakar lal vastra men rakhakar gale ya dayin baju men dharan karne se dhan-vriddhi ke sath samast karyon men bhi saflta prapt hoti hai.

7. ‘‘surya ya chandra grahn’’ ke samay ‘‘shankhpushpi’’ ki jar lakar ghar ke puja sthal par rakhne se dhan men purn vriddhi hoti hai tatha dhan prapti ke avasar bhi prapt hote hain.

8. mata mahalakshmi ke chitra ya pratima par 41 din tak anvla fal prasad rup men charhayen tatha lagatar 41 din tak anvlavriksh ki jar men jal charhayen.

9. ‘‘pipal vriksha’’ ki jar men pratidin dudh, shakkar ya gur mishrit jal charhaen.

10. ‘‘sahdevi paudhe ki jar’’ ko kisi bhi shubh muhurt men lakar lal vastra men lapet kar gale ya baju men dharan karne se daridrata ka nash hota hai tatha tantrik badhaen bhi dur hoti hain aur dhan ki prapti hoti hai.

11. somvar ke din ‘‘ekakshi nariyal’’ ghar ke puja sthal par sthapit karne se dhan prapti ke raste khulte hain.

12. ‘‘nirgundi ki jar’’ pili sarson ke sath pile vastra men bandhakar dukan ya vyavsay sthal par latkane se vyavsay men chamatkarik saflta prapt hoti hai.

13. ‘‘tulsi’’ ka paudha ghar men lagakar pratidin pratah snanadi kar us par jal charhayen tatha sugandhit dhup jalayen tatha sham ko bhi shuddh hokar ghi ka dipak jalakar dhup jalaen.

14. ashok, anar, am, gular, pipal, baragad adi vrikshon men kisi ka banda shubhmuhurt men lakar dhan sthan men rakhne se dhan ki vriddhi hoti hai.

15. jis vriksh par chamgadron ka sthai nivas ho us vriksh ki ek choti si tahni ravivar ko torakar kapre men lapetakar apne vyavsay ki gaddi ke niche rakhen ya kursi se bandh den to dhan ke sath-sath vyavsay men vriddhi hogi.

16. haridra arthat haldi kai prakar ki hoti hai. ek haldi khane ke kam ati hai v chot lagne tatha aushdhiya rup men prayog hoti hai. ye sabhi pile rang ki hoti hain aur pavitrata ka tatva sabhi men hota hai. inhin haldiyon men se kali haldi bhi prapt hoti hai. yah agar kisi ko prapt ho jaye to samjhna chahie ki lakshmi prapt karne ka ek shreshth devi sadhan prapt ho gay hai

17. durva arthat dub. yah ek prakar ki ghas hoti hai. shri ganesh bhagvan ko yah atyant priya hai. koi bhi vyakti is upay ko shukla paksh ke pratham budhvar se praranbh kar sakta hai. pratah snanadi se nivritt hokar shri ganesh ji ke chitra ya pratima ke samaksh dhup-dip jalakar gur ka bhog lagayen aur 108 durvadal shri ganesh ji ke charnon men arpit karen. yah kriya 41 din lagatar karen. iske pashchat dhan uparjan ke karya hetu kahin jayen to chitra ya pratima par arpit durvadlon men se 9 durvadal prasad svarup lal vastra men lapetakar apni jeb men rakh len. yah upay dhanoparjan evan karya siddhi ki adbhut evan chamatkarik kunji hai.

18. pipal ke paÿo par ‘‘ram’’ likhakar us par koi mishtann rakhakar shrihnuman mandir men charhane se dhan labh hota hai.

19. kisi bhi mas ke pratham shukravar ko lal kamal ka pushp lakar kumkum se tilak lagakar lal vastra ke upar rakhakar dhup-dip dikhakar usi vastra men lapetakar dhan sthan par rakhne se dhan vriddhi hoti hai.

20. ‘‘ashok vriksha’’ ki jar ka tukra lakar puja sthal men rakhakar nitya dhup-dip karne se dhan sampatti ki prachurta rahti hai.

shankh tantra dvara dhan prapti ke upay:

1. mata lakshmi ji ke chitra ya pratima ke donon charan shankh men jalabhar kar dhoyen aur unke samaksh dip v dhup jalakar namaskar karen.

2. ‘‘dakshinavarti’’ shankh puja sthal men sthapit kar nitya dhup-dip jalayen.

3. nitya pratah snanadi se nivritt hokar shankh men jal bharakar tulsi vriksh ki jar men charhayen sath hi dhup jalakar namaskar kar ek tulsi ka paÿaa torakar prasad samajhakar mukh men dal len.

4. mah ke pratham shukravar ko ek ‘‘moti’’ shankh men chandi ka ek sikka rakhakar usmen sabut chaval bhar den fir lal kapde par rakhakar roli v kesar ka tilak karen tatha kamalagatte ki mala se ‘‘un shrin shriyayai namah’’ mantra ka yathashakti jap karen. is prakar lagatar 5 shukravar tak jap karen. antim din kisi kanya ko bhojan karayen. dakshina dekar vida karen fir us shankh ko usi lal vastra men lapetakar dhan sthan par rakh den. arthik asthirta se mukti milegi.

5. mah ke pratham ravivar ko sayankal moti shankh men chandi ka sikka dalakar usmen jalabhar den agle din somvar ko pratah uthte hi vah jal pi len. is upay se chandra ki anukulta ke sath mata lakshmi ki kripa prapt hogi. jinki patrika men chandra pratikul ho vah bhi is upay se labh utha sakte hain.

kauri tantra dvara dhan prapti ke upay:

1. guruvar ya ravivar ke pushya nakshatra men haldi se rangakar 21 kauriyan pile vastra men bandhakar dhan sthan par rakhne se dhan ki sthirta bani rahegi.

2. kisi bhi mah ke shukla paksh ke pratham guruvar ya ravivar ko 21 kauri tatha 11 gomti chakra pile vastra par rakh haldi se tilak karen v dhup-dip dikhakar usi vastra men bandhakar puja sthal par rakhne se mata lakshmi ki sadaiv kripa bani rahti hai.

3. sat pili kauri apne galle ya tijori men rakhne se ay men vriddhi hoti hai.

kale chaval dvara dhan prapti:

ye chaval kisi bhi prajati ke ho sakte hain. safed chavlon men hi kabhi-kabhi kale chaval ke kuch dane bhi a jate hain. yadi yah apko prapt ho jaye to vidhanpurvak inki puja kar dhup-dip dikhakar apne pas rakhen. jab avashyakta ho to nimn upay karen:

1. kale chavlon ko lal vastra men dhan sthan par rakhne se arthik asthirta dur hokar dhan vriddhi hoti hai.

2. arthik samriddhi chahne vale kisi bhi mas ke pratham shukravar ko lal ya pile reshmi vastra men kuch kale chaval ke dane, 7 kali haldi ki ganth, 7 gomti chakra tatha 11 pili kauri bandhakar dhan sthan par rakh den. is upay se apke nivas men mata lakshmi sthayi rup se nivas karengi.

hattha jori ka prayog:

yah kush vriksh ki jar men prapt hoti hai. iski akriti hath ke panje jaisi hoti hai. dikhne men aisa lagta hai jaise hath ke do panjon ko mutthi ka rup dekar kalai ki taraf se jorakar ek sath kar diya gaya hai. kisi shubh muhurt men ise prapt karen tatha lal reshmi vastra men sindur, 11 sabut laung aur hattha jori ke sath dhan sthan par rakh den. dhan vriddhi ke sath gupt shatruon tatha tantrik badhaon se mukti milti hai..

ullu ke nakhun dvara dhan prapti:

kisi bhi shubh samay men ullu ka nakhun ya nakhun sahit panja prapt karen v lal reshmi vastra men lapetakar dhup-dip dikhakar almari men rakhne se man lakshmi ki asim kripa prapt hogi.

unt kataila ka dhan prapti men prayog:

yah paudha rajasthan men paya jata hai. kante vala yah paudha unton ke dvara bare chav se khaya jata hai. shayad isi karan iska nam unt kataila rakha gaya.

‘‘purva falguni’’ nakshatra men vidhi purvak amantrit kar lal vastra men lapetakar ghar laen v dhup-dip arpit kar lal vastra men lapetakar dhan sthan par rakhne se arthik vriddhi hoti hai.

ashvajihva dvara prapti:

jab ghori ka prasav hota hai to uski jibh ka agla bhag svatah tut kar gir jata hai. jo isko prapt kar leta hai uski kismat hi badal jati hai. yah billi ki jer ki tarah hi durlabh hai.

kisi shubh samay men ise abhimantrit karvakar is par haldi lagakar chandi ki dibbi men rakh den fir dhup-dip arpit karen tatha man lakshmi se prarthana karte hue dhan sthan par rakh den. man lakshmi ka sthayi vas hoga.

yantron dvara prapti:

1. dhan vriddhi yantra: is yantra ko alu ke ras men likhakar (kagaj, bhojapatra) ‘‘un lan san pan dan ban nan namah’’ mantra se abhimantrit kar dhup-dip dikhakar puja sthal par surakshit rup se rakhen v nitya subh-sham dhup-dip dikhayen. mata lakshmi prasann hongi v dhan ki kami nahin rahegi.

2. shri kuber yantra: is yantra ko shuddh ghi men sindur milakar vyapar sthal ki divar tatha dhan sthan par rakhne vali jagah par likhen. rojana dhup-dip jalayen. vyapar ki v dhan ki pratidin vriddhi hogi. bhojapatra par likhakar dayin bhuja par dharan karne se ayu ki vriddhi hogi.

3. dhan prapti yantra: is yantra ko shukla paksh ke pratham guruvar se kesar ki syahi se bhojapatra ke upar pratidin 125 ki sankhya men likhen. 40 din men 5000 ho jayenge. 41ven din ek yantra ko chorakar jo antim din antim bar banaya ho shesh ko bahte jal men pravahit karen v ek yantra ko chandi ke tabij men bharakar dhup-dip dikhakar gale ya dayin bhuja men dharan karen to ajivan ashcharyajanak rup se dhan prapt hota rahega tatha jivan men kabhi bhi dhan ki kami n hogi.

4. svastik bisa yantra yantra: is yantra ko safed kagaj ya bhojapatra par lal syahi se likhakar ghar ke puja sthal ya vyapar sthal par rakhakar pushp, dhup-dip arpit kar ‘‘un hrin shrin krin parmeshvari svaha’’ mantra ka ek mala nitya jap karne se lakshmi ki prapti v har manokamna purn hoti hai. man-samman barhta hai.

5. mahalakshmi bisa yantra: is yantra ko safed kagaj par kesar se likhakar tanbe ke tabij men dalakar ‘‘un hrin shrin namah’’ mantra se abhimantrit kar dhup-dip dikhakar apne pas rakhen to dhan prapti ke sath man-samman men vriddhi hogi.

6. dhanaprad bhagyodykari yantra: is yantra ko dukan ya makan ke puja ghar ki divar par shuddh ghi aur sindur milakar likhen v panchopchar puja karen tatha ek mala ‘‘un shrin lakshmi daivye namah’’ ka rojana jap karne se karj se mukti, vyapar vriddhi, dhan vriddhi hokar sare sukh prapt hote hain.

7. lakshmi prapti v vyaparavardhak yantra: uprokt yantra krah 7/8 ko ravi pushya men kesar, lal chandan, kumkum se ya ashtagandh se likhakar (likhne hetu bhojapatra) ‘‘un hrin shrin klin mahalakshmyai namah’’ ka jap karne se dinon din dhan ki vriddhi hoti hai tatha dhan ki kami nahin hoti hai.

8. manokamna yantra: (kalam anar ki) kanch ke frem men manrhvakar ghar ya dukan ke puja sthal par sthapit karen v nitya ek mala lakshmi mantra ‘‘un hrin shrin klin mahalakshmyai namah’’ ka jap karne se dinon din dhan ki vriddhi hoti hai tatha dhan ki kami nahin hoti hai.

9. dhan prapt karne hetu bisa yantra: is yantra ko safed kagaj ya bhojapatra par kesar ki syahi se likhakar tanbe ke tabij men bharakar ‘‘un klin shrin dhanan kuru kuru svaha’’ mantra se abhimantrit kar dhup-dip dikhakar apne gale men dharan karen v uprokt mantra ki ek mala jap nitya karen.

10. ajivika v dhan prapti ka bisa yantra: is yantra ko manglvar ya guruvar ko bhojapatra par kesar se likhakar (anar ki kalas se) dhup dekar tanbe ke tabij men dalakar dahini bhuja men dharan karne se naukri v dhan prapt hota hai.

11. lakshmi prapti ka amogh chaintisa lakshmi yantra: is yantra ko keshar ki syahi se anar ki kalam se bhojapatra par guru ya ravi pushya men likhen tatha frem karvakar dukan ya ghar ke puja sthal men sthapit kar nitya dhup-dip kar gyarah mala ‘‘un hrin shrin krin parmeshvari svaha’’ mantra ka jap karen ya tanbe ke tabij men dalakar gale men dharan karne se sampatti, vyapar, yash man-pratishtha men dinon din barhoÿari hogi.

12. lakshmi prapti ka bisa yantra: is yantra ko kesar se bhojapatra par likhakar apne pars, puja sthan, tijori ya kaish baeks men rakhne se kabhi dhan ki kami nahin hogi.

sukh-samriddhi v man-samman dilane vale achuk upay:

• shukravar, guruvar v manglvar ko bhulakar mans-mandira ka sevan n karen.
• grihasvamini pratah uthakar ek lota shuddh jal se pure ghar men chinte maren v shesh jal ghar ke mukhya pravesh dvar par dal den.
• parivar ki mukhya stri bina snan kie bhojan n banaye.
• gehun hamesha somvar ya shanivar ko pisvaen aur isse purva gehun men grihasvami se ek mutthi kale chane dalvaen.
• pratidin bhojan bante hi pahle agni dev ko bhog lagayen, pratah bhojan ki pratham roti gay ko tatha sayan ki antim roti kuÿo ko khilaen.
• bhojan ki pratham thali sadaiv devon ko arpit karen uske pashchat hi parivar vale bhojan karen.
• pratidin snanadi se nivritt hokar ek lota jal pipal vriksh ki jar men dalen.
• snan kie bina bhojan n karen. agar aisa karte hain to daridrata ko ane se koi rok nahin sakta.
• koi vastu dan karen to dan lene vale ko ghar ya pratishthan ke pravesh dvar ke andar n ane den, dan pravesh dvar ke bahar hi karen.
• mata lakshmi ko lal rang pasand hai atah ghar men rui ki jagah mauli (kalava) ki bati istemal karen.
• yadi koi atithi puja ya archana ke samay aye to use jalpan avashya karvaen.
• puja-archana ke samay udhar mangne vale ko bilkul n den. yadi kisi ko bhugtan karna hai to puja-archana ke bad hi karen.
• saptah men kisi bhi ek din kisi vriddh ya apahij bhikhari ko bhojan karaen.
• jis sthan par kalh-klesh hota hai, vahan lakshmi ka vas nahin hota.
• yadi ghar ki mahilaon ko samman nahin diya jata hai to man lakshmi us ghar se rusht hokar prasthan kar jati hain.
• shukravar ke din man lakshmi ki puja-archana avashya karni chahie. yadi shukravar ke din koi saubhagyashali mahila apke ghar ati hai to use jalpan avashya karayen v koi bhi saubhagya samagri use pradan karen.
• shukravar ke din mata lakshmi ko arpit koi safed prasad kanyaon men bantne se man lakshmi ki kripa avashya hoti hai.
• ghar ke jhadu-poche ko aise sthan par rakhen jahan kisi bahri vyakti ko dikhai n de.
• pratyek amavasya ko ghar ki saf-safai kar kabara bahar fek den.
• dhan rakhne ke sthan par lal kapra bichayen, dhan sanchay hoga.