kitab men vastu shabd ki vyakhya to prapt nahin hoti hai lekin vastu sanbandhi sutra - upay avashya milte hain. lal kitab dvara makan ki kundli banai ja sakti hai. dishaon ke anusar makan ki pratyek vastu ko grahon men banta gaya hai.
mukhay dvar (roshni), surya, andhera sthan-shani, jal sthan - chandrama, rasoi (agni) mangal, puja ghar - brihaspati, shauchalay - rahu, kachchi jamin - shukra, jina (sirhiyan) budh grah ke sanbandh hai.
iske alava grahon ki anya karak vastuon ke madhyam se unki sthiti anusar bhavan svami ke lie shubhashubh falon ki ganna ki ja sakti hai. lal kitab ke anusar makan banane ke karak shani hai jinki sthiti ka shubhashubh parinam janakar hi nirman kiya ja sakta hai.
karan yadi jatak ke bhagya men bhavan nahin hai to banvane ke bad bhi use paristhiti vash vah vechna par jata hai ya adha hi ban pata hai. kuch logon ke lie grih pravesh se shubhta prapt hoti hai aur kai log rog, rin, shatruon se ghir jate hain. inka avlokan shani ki sthiti ke anusar karna chahie.
jaise -shashth bhavasth shani ho to 39 varsh ke bad makan banana shubh rahta hai. dvitiya bhavasth shani ho ton makan jaisa banen, vaisa banne den shubh hota hai. ashtam bhavasth shani ho aur rahu-ketu shubh hon to bhavan nirman kiya ja sakta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!