वैदिक विवाह संस्कार पद्धति

vaidik vivah sanskar paddhati  

Arun Bansal
Views : 3931 | March 2014

sho'sh sanskaron men vivah sabse mahatvapurn sanskar hai. hindu shastron men isko karne ki vistrit paddhati di gai hai. aj ke yug men iski jankari bahut kam rah gai hai. atah yah paddhati vistrit rup men yahan par pesh kar rahe hain jisse putra/putri ka vivah vidhivat purn kiya ja sake.

chayn: pratham jab vara/kanya ke chayan ki prakriya praranbh ki jati hai to kundli milan kisi yogya pandita/jyotishacharya dvara kara lena chahie. lekin yadi kundli milan thik hai to isko pratham bindu nahin banana chahie, arthat janmapatri milan men adhik gun mil rahe hain to usko adhik manyata di jae yah avashyak nahin hai. donon parivaron mane sambhav, var kanya ke kad, shiksha, ay adi men sambhav hona adhik avashyak hai. kanya ke ghar se var ka ghar adhik samriddh hona vivah sukh men shubh hota hai.

rokna: jab vara/kanya ka chayan ho jae to kanya ke pita ko var ko rokna chahie. iske lie var ka chandi, svarn ya dravya se tilak karen, mishtann khilaen v kanya ke baron ko yathashakti dravya (milni) dvara samman karen. var ke pita ko bhi chahie ki kanya ko svarnabhushan ya dravya v fal, vastra pradan kar usko svikar karen.

vagdan (sagai): koi shubh muhurt shodhakar kanya ka pita vagdan (kanya dan ka vachn) karen. ise iske lie pratham kanya ka pita var ke pita ko amantrit karen. sarvapratham ganesh pujan pashchat shodshopchar sahit indrani pujan ka mahatva hai. taduprant nariyal v fal mishtann sammukh rakh tin pirhiyon ke nam uchcharan sahit var ko svikar karen. grahon ke nimitt dan karen. yagyaopvit, fal, svarn anguthi, vastra, dravya var ke pita ko den. var ke bujurg v baron ka dravya (milni) dvara man karen. var ki or se suhagin striyan vastra, svarn, anguthi, churi, shringar ka saman v khilaune kanya ko den aur uska shringar karen. brahman ko tilak kar dakshina pradan karen. ant men bhoj v sangit ke sath karyakram ko purn karen.


fri men kundli maiching riport prapt karne ke lie klik karen


ganpti sthapna: vivah sanskar vivah ke din se 2, 3 ya 5 din pahle se hi vivah sanskar tatha vivah ke karyakram shuru ho jate hain. sarvapratham gauri ganesh ka pujan kar par men unhen sthapit kiya jata hai aur unse prarthana ki jati hai ki sanskar men koi vighn n ae. inki sthapna ke pashchat var ya kanya ko ghar se bahar nahin niklne diya jata hai. gauri ganesh ko urad ki dal ke pakaurane ka bhog prasad charhana shubh mana jata hai.

lagn patrika: ganpti sthapna pashchat kanya ke ghar par pandit dvara vivah ka shubh muhurt lagn patrika men likha jata hai. sath hi kanya v var ki rashyanusar unke telvan ki sankhya ka vivaran bhi likha jata hai. lagn patrika ke sath men supari, haldi, akshat, chandi ka sikka adi bandhakar var ke ghar pahunchaya jata hai. is prakar kanya paksh dva ara var paksh ko barat sahit ane ka nimantran diya jata hai. var ke ghar pandit dvara nimantran svikar kiya jata hai. rasm haldi/telban: lagn patrika men nirdisht tel sankhyanusar haldi, tel, dahi mishrit mangal dravya se var v kanya ka abhishek karaya jata hai. yah kriya ghar men upasthit suhagin striyon dvara sanpann ki jati hai.

mehandi: sabhi striyan var-vadhu v kanyaen mehandi lagati hain. mana jata hai ki vadhu ki mehandi jitni achchi ho bhavishya men utna hi achcha unka vaivahik jivan rahega.

sangit v jagrta: var v vadhu donon ke gharon men der rat tak sangit karyakram rakha jata hai.

bhat/mayra: var v vadhu ke mama ke ghar se logon ko uphar adi bhent di jati hai. var v kanya ko vastra adi bhi mama dvara die jate hain. sarvapratham krishn ji ne sudama ki larki ko bhat diya tha. tabhi se yah pratha prachlit hai. toran pataka: ghar ke dvar ko toran dvara sajaya jata hai. var is toran ko ek sink/dandi se chukar ane vali vadhu ke lie buri najron se bachane ka totka karta hai.

sehrabandi: barat lekar jane se pahle larke ko navin vastron se sajakar uski arti ki jati hai. var ki bahan usko sehra bandhti hai. shubh bhagya ke lie var ko tika kar dravya pradan kiya jata hai. var ki bhabhi buri najar se bachav ke lie use surma lagati hai. var ke sabse chote bhai, bhatije ya bhanje ko bhi var ki tarah se sajakar uske sath sarbla ke rup men baithaya jata hai.

barat prasthan: var evan sahbala ko ghar se bahar nikala jata hai. is samay var ki bahnen raste men neg leti hain aur bhai ko achchi si bhabhi lane ki duaen deti hain. ghori par baithne ke pashchat ghori ko chane ki dal ko khilaya jata hai. var pahle mandir men jata hai. vahan par prabhu ke darshan kar nirvighn yatra ki kamna ki jati hai. yahan se barat vivah sthal ke lie prasthan ho jati hai.

barat svagt: vivah sthal par barat ekatrit ho, var punah ghori par savar ho sabhi baratiyon sahit dhol-baje ke sath vadhu ke dvar pahunchte hain. vadhu ki man var ki arti utar kar svagat karti hai. vadhu ke pita v anya rishtedar var ke pita v anya ka fulon dvara svagat karte hain.

gram ganesh pujn/khet: kanya ka pita v kul purohit var v uske bandhu bandhvon sahit ganesh pujan karte hain. vadhu paksh var paksh ko milni v uphar pradan karte hain.

jaymala: vadhu var ko mala pahnakar apni svikriti pradan karti hai. badle men var bhi vadhu ko mala pahnakar apni svikriti pradan karta hai.

vivah sanskar: vadhu ka pita vivah sanskar ka sankalp kar vivah sanskar praranbh karte hain. var ko vishnu svarup manakar pujan karte hain. ghi, dahi, madhu ko kanse ke patra men milakar var ke satkar men madhupark khilaya jata hai. ganesh v navagrah pujan kiya jata hai. vadhu ka pita var ke kulguru ko godan deta hai. vadhu ko bulakar suhagin stri dvara vadhu ka shringar kiya jata hai, svarn abhushan pahnae jate hain.

kanya ka lakshmi svarup men mata-pita pujan karte hain. taduprant mata-pita apni kanya ke hath pile kar lakshmi svarup kanya ka hath vishnu svarup var ke hath men dekar kanya dan ka sankalp lete hain aur unke shubh vaivahik jivan ki kamna karte hain. var dvara agni sthapan kiya jata hai. chandan, ghi, akshat, shakkar v navagrah vanaspatiyon ke sath havan kiya jata hai.

kanya ka bhai bahan ke hath men khil (laja) deta hai jise vadhu var ke hath men deti hai aur var agni men hom karta hai. var kanya ka gathbandhan kar agni ke charon or fere lie jate hain. pahle tin feron men kanya age rahti hai. bad ke char feron men var age rahta hai. yah mangal karyon men patni ka age rahna darshata hai, taduprant dharm, arth, kam v moksh men pati ka age rahna hi shreshth hai. feron ke pashchat saptapadi hoti hai arthat var kanya ko sat vachan deta hai evan kanya bhi var ko sat vachan deti hai.

iske pashchat var kanya ko apne vamang leta hai aur kanya ke svarn shalaka se mang men sindur bharte hain. var dvara vivah sanskar yagya ki purnahuti ki jati hai. sabhi bandhu bandhav var v kanya par pushpanjli dvara shubh vaivahik jivan ki kamna karte hain.

kangna: var-vadhu ek-dusre ke hath ke kangan kholte hain. kanya apne hath ki anguthi roli, ful v dub vale jal se bhare patra men dal deti hai. donon jal men se pahle anguthi nikalne ki koshish karte hain. mana jata hai jo pahle nikalta hai vah vaivahik jivan men bhi age rahta hai.


yah bhi padhen: kundli milan ka mahatva


juta churai: jab var yagya sthal par ata hai to vah apne jute utarakar ata hai. isi samay uske jute kanya ki choti bahnen chupakar rakh deti hain. yagya purn hone par bahnen apne jija se neg lekar jute vapas karti hain. vidai: kanya ke parivarajan var v kanya ka tilak karte hain v kanya ko dravya, vastrabhushan v khadya samagri pradan karte hain aur kanya ko doli men vida karte hain.

vadhu agmn: var ki man v anya vadhu ke sir par mangal kalash rakhakar gate hue uska ghar men pravesh karate hain. lal roli ya mehandi ko pani men bhigokar kanya ka hastachap darvaje ke donon or lagate hain. kanya apne daen pair se akshat kalash ko failate hue ghar men pravesh karti hai. yah is bat ka sanketak hai ki ghar men kabhi ann ki kami n ho.

bahu-bhat: vadhu pratham mithe chaval ya khir adi banakar sabko khilati hai v sab bare vadhu ko uphar pradan karte hain. dviragmn: kuch din pashchat vadhu apne pita ke ghar jati hai evan pati use lekar vapas ghar ata hai. vahan ganesh evan dvar matrikaon ka pujan hota hai.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

vivah visheshank  March 2014

futuresamachar-magazine

fyuchar samachar patrika ke vivah visheshank men sukhi vaivahik jivan ke jyotishiya sutra, vaidik vivah sanskar paddhati, kundli milan ka mahatva, vivah ke prakar, vartaman paripekshya men kundli milan, talak kyon, shadi ke samay nirdharan men sahayak yog, shani v mangal ki vaivahik sukh men bhumika, shadi men deri: karn-nivaran, dampatya jivan sukhi banane ke upay tatha kanya vivah ka achuk upay adi vishyon par vistrit jankari dene vale alekhon ko sammilit kiya gaya hai.

Subscribe


.