kuch upyogi totke  

kuch upyogi totke sant fatah sinh karobar men unnati ke lie yadi parishram ke bavjud karobar men unnati nahin ho rahi ho to shubh chandra ke din guru pushya yog men pratah kal hare rang ke kapre ki ek choti thaili taiyar karen. shri ganesh ji ke chitra ke samaksh sankat nashak ganesh stotra ka path kar is thaili men 7 mung, 10 gram sabut dhaniyan, ek panchmukhi rudraksh, chandi ka 1 rupye ka ek sikka, 2 supariyan aur haldi ki 2 ganthen rakhakar ganesh ji ko shuddh ghi ke modak ka bhog lagaen. fir yah thaili tijori ya kaish baeks men rakh den. yah upay nishthapurvak karen, labh hoga. shighra vivah hetu yadi kanya ke vivah men vilanb ho raha ho, to use guruvar ko pile aur shukravar ko safed vastra pahnaen. vastra nae hone chahie. yah prayog char saptah tak karen, achche prastav ane lagenge aur vivah shighra hoga. jis samay kanya ke parijan var-paksh se vivah vartalap ke lie ja rahe hon, us samay kanya apne balon ko khole rakhe tatha unke laut kar ane tak n jura banae n choti. kanya ko chahie ki apne parijnon ko vivah varta ke lie prasthan karte samay prasannatapurvak mishtann khilakar vida kare. shighra vivah ke lie kanyaon ko 16 somvar ka vrat tatha pratyek somvar ko shiv mandir men jakar jalabhishek karna chahie aur shiv ji se shighra vivah ki prarthana karni chahie. manonukul var ki prapti hetu kanya ko shiv gauri ki puja kar ‘¬ namah manobhilshitan varan dehi ”in ¬ gaura parvati devyai namah’ mantra ka ek mala jap karna chahie. vivah ke ichchuk larke ya larkiyan shukravar ko bhagvan shankar ka jalabhishek karen tatha shivling par ¬ namah shivay bolte hue 108 pushp charhaen. aisa 7 shukravar karen, vivah shighra hoga. guruvar ko lakshminarayan mandir men kalgi aur vesan ke 5 laddu charhaen aur bhagvan se shighra vivah ki prarthana karen. var ya kanyaen pipal ko 43 din tak lagatar jal charhaen, shadi men ane vali badhaen dur hongi. yah kriya ravivar ko nahin karen. kanyaen rajodharm ke samay jal n charhaen. yadi koi larka athva larki apne premi ke lie divani ho aur use us divanapan se mukt karana ho to lohe ke ek tukre ko tin bar ag men garm karke tin bar pani se bujhaen aur bujhate samay har bar yah kahte jaen ki jis prakar yah garm loha pani men shital hota hai iske man ko bhi shital kar den. har bar pani larke ya larki ke vakshasthal par bhi chirken. yah kriya 3 din tak karen, jatak aur jatka apne-apne premi ko bhul jaenge.