sheyar bajar men labh hetu karen jyotish ka prayog vinay garg a j ke bhautik yug men har vyakti jald se jald kam se kam samay men adhik se adhik dhan kama lena chahta hai. iske lie sheyar bajar ko log bahut hi asan v sugam madhyam samajh lete hain, jabki vartaman sthiti ko dekhakar aisa manna bemani lagta hai. kya sheyar bajar labhdayak rahega? jyotish ki drishti se kisi vyakti vishesh ke lie sheyar bajar labhdayak v safltadayak hoga ya nahin, iske lie hamen uske lagn se ashtam bhav par vichar karna hoga. ashtam bhav jahan ashubh sthanon men sabse ashubh sthan mana jata hai, vahin is bhav se shubh falon ki prapti ka akalan bhi kar sakte hain, jaise kisi vyakti ko bima se labh hoga ya nahin, iske lie ashtam bhav ka vichar karenge. jatak ko paitrik sanpatti milegi ya nahin, iske lie bhi ashtam bhav ka vichar karenge arthat kisi bhi prakar ki aisi dhan-sanpatti, jisko jatak bina adhik parishram kie prapt karta hai, uska vichar ashtam bhav se kiya jata hai. sheyar bajar se kamaya gaya dhan bhi kuch isi prakar ka dhan kahlaega. isaprakar jiska ashtamesh bali ho usko achche dhan ki prapti adhik parishram ke bina ho sakegi. yahan yah bat hamen nahin bhulni chahie ki yadi dvadshesh, ashtam sthan men sthit ho ya shashthesh ashtam bhav men sthit ho to viprit rajyog ka nirman ho jata hai, parantu iska tatparya yah hai ki jatak ko ashtam bhav se sanbandhit ashubh fal nahin milenge arthat jatak ko ashtam bhav se sanbandhit shubh fal se kam parishram dvara adhik dhan ki prapti is prakar, sheyar bajar jaise labh ki bhi prapti nahin hogi arthat jiski kundli men dvadshesh ya shashthesh ya donon ashtam bhav men sthit ho jaen to aise vyakti ko sheyar bajar men kabhi bhi nivesh nahin karna chahie, anyatha labh ki apeksha hani ki sanbhavna hi adhik rahegi. iske atirikt yadi shashthesh pancham bhav men rahu ke sath sthit ho to aise vyakti ko sheyar bajar men akasmat dhan prapti ki sanbhavna adhik rahti hai. parantu aise vyakti ko adhik lalach nahin karna chahie. aise vyakti ko yadi ek bar dhan labh ho jae to kuch samay ke bad hi fir apna bhagya ajmana chahie. vishesh taur par jab rahu men shashthesh ki dasha ho aur rahu uchch ka hokar pancham bhav men sthit hoga to atyadhik labh dega. kaun-sa sheyar khariden ? har jatak ko pratyek prakar ki kanpniyon ke sheyar labhaprad nahin ho sakte. aise men kis jatak ko kaun sa sheyar adhik labh de sakta hai, iska vishleshan karna hoga. prayah lagnesh ka sanbandh jin vastuon se ho, jatak ko un vastuon ke vyapar karne vali kanpniyon ke sheyar kharidne chahie. jaise kisi vyakti ka makar ya kunbh lagn hai to lagnesh shani hoga arthat aise vyakti ko shani se sanbandhit lohe, petrol, kerosin, koyla, khan se sanbandhit utpadit vastuon ka karya karne vali kanpniyon jaise stil athariti aef indiya limited, rilayans petro kemikals tatha utkhanan ka karya karne vali kanpni ke sheyron se labh hone ki sanbhavna adhik hoti hai. iske atirikt lagn ke ansh aur rashi ke adhar par nakshatra svami se sanbandhit grah ka chunav karke usse sanbandhit vastuon ka vyapar karnevali kanpniyon ka sheyar kharidna bhi labhaprad ho sakta hai. aise grah se sanbandhit vastuon ke vyapar karne vali kanpniyon ka chunav karen jo kundli men sabse adhik balvan ho. yogkarak grah se sanbandhit vastu ka vyapar karne vali kanpni ka sheyar kharidna adhik labhaprad hoga. jaise makar lagn ke lie shukra yogkarak hoga to aise vyakti ko vyakti ko ilektraeniks, saundarya prasadhan utpadon ki kanpni, abhushan, hire ka vyapar karne vali kanpni ka chunav kiya jana chahie. yadi ashtamesh lagn men sthit ho aur uchch, svarashi, mul trikon ya mitra ki rashi men ho to aise grah se sanbandhit vastu ka vyapar karnevali kanpni ka chunav bhi sheyar kharidne ke lie kiya ja sakta hai. yadi ham sabhi grahon se sanbandhit grahon ki vastuon ko jan jaen to us grah se sanbandhit hora men kanpni ke sheyar ko shubh chaighriya ka prayog karte hue ham kharid kar adhik labh kama sakte hain. vibhinn grahon se sanbandhit vastuon ke nam is prakar hain- surya: indhan, bijli, chamre ki vastuen, un, sukhe anaj, gehanu, aushdhi, sarkar se sanbaddh karya. chandra: kapra, dudh, shahad, mithai, chaval, jau, jal, samudra, taral padarth. mangl: hathiyar, bhumi, makan, praeparti, aspatal, daektar, tanba, lal masur, tambaku, sarson. budh: panna, tilahan, mung, khadya tel, mishra-dhatuen, kapi, pen, pepar, samachar patra, patrika, mobail fon, sanchar madhyam. guru: baink, fainens, salahkar, jyotish samagri, dharmagranth, haldi, besan, kesar, chane ki dal, kela. shukra: kaesmetik padarth, redimed garmentas, restorent, hotal, itra, sajavat ki vastu, resham. shani: loha, koyla, petrol, bijli, mashin, yantra, sariya, nirmankarya, kerosin. kis samay sheyar khariden ya bechen? sheyar se labh kamane ke lie upyukt samay ka bhi kafi mahatva hai. achcha se achcha sheyar galat samay par kharidne par apko nuksan de sakta hai aur bekar se bekar sheyar bhi upyukt samay par kharide jane par apko labh de sakta hai. aisa nahin hai ki mandi ke daur men jatak labh nahin kama sakta hai. mandi ke daur men bhi jatak uchit sheyar uchit samay par kharidakar aur usko upyukt samay par bechakar teji ke daur men bhi achcha khasa dhan kama sakta hai. iske lie hamen hora muhurt aur chaighriya par vichar karke sheyar ko kharidne aur bechne ka samay nishchit karke hi sheyar vyapar karna chahie. udahrnarth, somvar ke din ap aisi sheyar kharidna chahte hain jo shani se sanbandhit arthat stil, lohe ka vyapar karne vali kanpni stil athaeriti aef indiya ka hai to uchit samay nirdharan ke lie shani ki hora aur shubh chaighriya ka vichar karen. iske lie yah dekhna hoga ki shani ki hora kab aegi, jabki chaighriya bhi shubh ho. somvar ke din shani ki hora dusri, navin, solhvin aur 23vin hogi. dusri, solhvin v teisvin hora ke samay sheyar bajar band hoga ya khula nahin hoga. sirf 9vin hora ke samay sheyar bajar khula hoga. is prakar us samay shani se sanbandhit vyapar karne vali kanpniyon ke sheyar kharid sakte hain. yadi 6.30 baje suryoday ho to 9vin hora ka samay dopahar 2.30 baje se 3.30 baje ke bich hoga. us samay shani ki hora hogi. somvar ko 2 baje se 3.30 baje tak ‘char’, 3.30 se 5.00 ‘labh’ aur 5 se 6.30 baje tak ‘amrit’ ki chaighriya hogi arthat sabhi shubh chaighriya hogi. yadi ham 2.00 se 3.30 baje tak ki ‘char’ chaighriya ka chunav karke ‘shani’ ki hora 2.30 se 3.30 ke bich ke samay ko nishchit karen to nishchit hi aise kharide hue sheyar ko kam samay men hi bechakar labh kamaya ja sakta hai isi prakar sheyar ko ek-do din rakhakar labh ki chaighriya men bechne par labh kamaya ja sakta hai. khas bat yah hai ki is samay rahukal bhi nahin hoga. yad rahe ki ek hora ki avdhi lagabhag 1 ghante ki hoti hai. pratyek din ya var ko pahli hora us din ya var ke pratinidhi grah ki hoti hai. fir ulte kram men ek chorakar ek var ka nam lete jaen usse sanbandhit grahon ki hora hogi aur har athvin hora punah ati hai. is prakar, grahon ka hora chart nimn prakar hoga:- hora ka praranbh suryoday se mana jata hai aur agle suryoday par punah agle din ki hora ka kram praranbh ho jata hai. chaighriya charta: chaighriya din aur rat ki alg-alag hoti hai. ham yahan din ki chaighriya hi lenge, kyonki din men hi sheyar bajar khula hoga. chaighriya suryoday se aranbh ho jati hai aur ek chaighriya ka samay lagabhag derh ghante ka hota hai. inmen se kuch chaighriya shubh hoti hai jinke nam hain - amrit, char, labh aur shubh. in chaighriya men hi sheyar se sanbandhit kiya gaya vyapar labhkari hoga. udveg, kal aur rog jaisi chaighriya ashubh chaighriya hain. inmen kharide gae sheyar labhkari nahin honge. chaighriya ka chart upar diya gaya hai.