budh ratn panna-prakriti v jyotishiya svarup  

budh ratn panna-prakriti v jyotishiya svarup dae. tipu sultan ‘‘faij panna apni haritima se ankhon ko sukh deta hi hai lekin is ratn ka prakritik vaigyanik tatha chikitsiya sakaratmak svarup kya hai, yah atyant mahatvapurn paksh hai. aur pathak apne lagn ke adhar yah nirnay kar sakte hain ki yah ratn aur uparatn unke lie labhaprad hoga ki nahin. hare rang ki prakritik abha se yukt patthar panna sanskrit men haritmani, marakat, pachi, garutmat, soparni adi namon se bhi sanbodhit kiya jata hai. atah apni gun-visheshi vishishtataon v sundar svarupon ke falasvarup sadiyon se akarshan ka kendra rahe tatha saj-sajja, shrringarik, aushdhiya v jyotishiya karyon ke hetu ullekhniya panne ki ganna sansar ke nau ratnon men ek bahumulya ratn ke rup men ki jati hai. panna ke udgam kshetra: panna utpadak ke rup men rus, misra, iran, brajil, dakshini afrika, astreliya, itli adi deshon ka nam pramukhta se liya jata hai, parantu shreshthata ke drishtikon se kolambiya desh se prapt hone vale panne uchch shreni ke mane jate hain. bharat men madhya pradesh ke pathari tatha ajmer v udypur ke registani kshetron ki ganna panna prapti ke mukhya sthalon ke rup men ki jati hai. panne ke prakritik gun: sadharan taur par panna grenait chattanon ke antrik ghatkon se rupantrit hone vala ya in chattanon ki partdar dheron se utpann hua ek patthar hai, jo prakritik taur par dub ki hari ghas ke saman, tote v mayur pankhon ke saman vividh hare rangon men, prakash ke saman dipt, sundar tejasvi chamak tatha jal ki bhanti svachch paradarshita se yukt hota hai. iske kon uÿam koti ke tatha sanpurn kaya anya pattharon ki apeksha adhik komal hoti hai, jo sparsh karne par atyant chikna mahsus hota hai. vaigyanik svarup: vaigyanik drishti se panna kromiyam aksaid, silika, ayaran aksaid, glusina, elyumina, chuna adi jaise rasaynik sangthnon ka ek thos svarup hai jismen in tatvon ke atirikt sodiyam poteshiyam, lithiyam v kailshiyam jaise kshariya padarthon ki kuch matraen bhi pai jati hai. prasiddh shodhakarta vohalar ne apne anusandhan men in yaugikon men kromiyam aksaid ki upalabdhata ko sabse mahatvapurn mana hai. isi ki vajah se panna purn rup se hara dikhai deta hai. prakhyat vaigyanik grevail ne apni navinatam shodhon ke pashchat yah nishkarsh nikala hai ki yadi panne ko garam kiya jae to uske andar upasthit jal ki matraen nasht ho jati hain parantu panne ka harit gun nasht nahin hota. bhautik taur par panne ki kathorta 7.75, apekshik ghanatva 2.69 se 2.80, vartanank 1.57 se 1.58 tatha duravartan apkiranan, 0.14 ke lagabhag tak anki jati hai. mithun lagn men budh lagn arthat sharir v chaturth arthat matri, vahan sukh v hriday se sanbandhit vishyon ke hetu mukhya rup se vicharniya mana gaya hai. islie is lagn ke jatkon hetu panna pure kal ke lie shubh v faldayak ratn samjha jata hai. 0.14 ke lagabhag tak anki jati hai. asli panne ki parkh: vaigyanik shodhon v anusandhanon ke dvara panne ke bhautik v rasaynik gunon ko parakhakar uski satyata ka pata laga pana atyant saral hai. iske atirikt is karya men chechas filtar namak ai glas jaise upakaran bhi asli panne ki aprivartit kirnon ki parakh karne men purn sahayak mane gaye hain. parantu yah suvidha ya gyan am n hone ke karan har kisi ko iska labh nahin mil pata. is pariprekshya ko dhyan men rakhte hue asli panne ki parakh hetu kuch paranpragat saral vidhiyan v prayog is prakar hain- panne ke upar tarch ko fokas karne se uske andar se halki lal ya gulabi-si kirnen paravartit hoti hain. parantu kritrim ya nakli panne ki kirnon ka rang parivartit nahin hota balki vah hara hi rahta hai. kritri panne ko haldi ke sath rakhakar patthar par ghisa jay to haldi ka rang lal ho jata hai. asli panne ki satah par pani ki bund nahin failti jabki kritrim ya nakli panne ke upar pani ki bund fail jati hai. asli panne ko pani ke gilas men dalakar prakash ke samaksh rakha jay to pani ke andar se hari kirnen si niklti dikhai deti hain. prakritik panna ausat vajan se halka pratit hota hai. jyotishiya prakash men panna: budh grah ke karan utpann doshon v usse sanbandhit kisi bhi prakar ke anisht ko dur karne ke lie jyotish shastra men budh ratn panna ko mukhya rup se vicharniya mana gaya hai. vastutah is shastra men ratn ko budh-dosh shodhak, vishnashak, ruchi karak, urja v buddhi varddhrak ke rup men bhi jana jata hai. shikshan, chikitsa, lekhan kala, kanun, vanijya, bainking, ganit, sels, marketing, inkmtaiks, padadhikar adi se sanbandhit karyon se apni ajivika chalane valon tatha vidyarthiyon ki buddhi ki tikshn ata, gyan v shaikshanik safltaon v vikas ki nirantrta men is ratn ki atyant mahatvapurn bhumika mani gai hai. anna-dhan adi ki vriddhi men yah ratn mukhya rup se sahayak hota hai. ise dharan karne se sarp, bhut-pret adi ke bhay se mukti milti hai tatha jadu-tona adi jaise kisi bhi nakaratmak tatva ka sharir par koi prabhav nahin parta. budh-dosh ke karan utpann shit pitt amla, hriday, snayu se sanbandhit v napunskta jaise rogon par bhi is ratn ke kafi labhaprad prabhav dekhe gaye hain. atah is panna ratn ki rashigat v lagn se sanbandhit bhumikaon hetu disha-nirdesh, savdhani v vidhiyon ke bare men kuch jyotishiya paramarsh is prakar hain- panne ki rashigat prishthabhumi: budh ka pradhan ratn hone ke karan panna mithun v kanya rashiyon hetu atyant shubh faldayak ratn mana jata hai. iske atirikt budh ke sath mitrabhavi sanbandh rakhne vale surya ki rashi sinh, shukra ki vrish v tula tatha shani grah ki makar v kunbh rashiyon ke lie bhi panna atyant shubh v sakaratmak prabhav vala ratn samjha jata hai. parantu budh ke sath v shubhfldayak sanbandh n hone ke karan chandra ki rashi kark, mangal ki mesh v vrishchik tatha guru grah ki dhanu v min rashiyon ke jatak ko panna dharan karte samay vishesh savdhani bartte hue, jyotishiya paramarsh avashya hi le lena chahie. lagn se sanbandhit vichar: mesh lagna: is lagn men budh grah tritiya v shashth bhav ke svamitva tatha lagnesh mangal ke sath yog karak sanbandh n hone ke karan is lagn ke jatkon ko panna dharan karte samay jyotishiya paramarsh avashya hi le lena chahie. vrish lagna: budh dvara dhan v pancham trikon arthat buddhi, vidya v santan bhav ke svamitva tatha lagnesh shukra ke sath is grah ke mitrabhavi sanbandh hone ke karan is lagn hetu panne ko atyant shubh v yogkarak ratn mana gaya hai. mithun lagna: mithun lagn men budh lagn arthat sharir v chaturth arthat matri, vahan sukh v hriday se sanbandhit vishyon ke hetu mukhya rup se vicharniya mana gaya hai. islie is lagn ke jatkon hetu panna pure kal ke lie shubh v faldayak ratn samjha jata hai. kark lagna: budh dvara tritiya v dvadash bhav ke svamitva tatha lagnesh chandra grah ke sath iske purn karak sanbandh n hone ke karan is lagn ke jatak ko panna ratn dharan karte samay jyotishiya paramarsh avashya le leni chahie. sinh lagna: sinh lagn men budh grah ke dvitiya (dhan), ekadash arthat labh bhav ke svamitva hone v lagnesh surya ke sath iske shubh faldayak sanbandh hone ke falasvarup is lagn hetu panna atyant siddhidayak v yogkarak ratn mana jata hai. kanya lagna: kanya lagn men budh lagn v dasham sthan ka svami hokar sharir, pratishtha, karm, rojgar v pita-sukh ka karak grah hai. islie is lagn ke jatkon ko panna ratn dharan karna atyant shubh faldayak hoga. tula lagna: is lagn men dvadash sthan ke atirikt budh grah navam arthat bhagya bhav ka svami hokar lagnesh shukra ka param mitra bhi hai. islie tula lagn ke jatkon ko panna ratn avashya hi dharan karna chahie. vrishchik lagna: is lagn men budh grah dvara ekadash arthat labh bhav ke svamitva ko ek karak avastha mana gaya hai. parantu dusri taraf is grah ke lagnesh mangal ke sath akarak sanbandh ashtam arthat marak bhav ke pratinidhitva ke karan is lagn ke jatkon ko panna dharan karte samay jyotishiya paramarsh lena atyant hitakar hoga. dhanu lagna: is lagn men budh grah ke saptam v dasham bhav ke svamitva hone ke parinamasvarup kendradhiptidosh jaisi avasthaen utpann hoti hain. islie is lagn ke jatak ko panna dharan karte samay vishesh savdhani bartni chahie. makar lagna: is lagn men budh grah dvara shashth bhav ke pratinidhitva ki avastha ko shubh faldayak nahin mana jata, parantu dusri taraf is grah ke navam arthat bhagya bhav ke svamitva v shani grah ke sath paraspar mitrata purn sanbandh ke karan panna kafi prabhavkari v shubhfldayak ratn mana jata hai. kunbh lagna: is lagn men budh grah dvara ashtam arthat marak sthan ke pratinidhitva ko ek shubhfldayak avastha nahin mana jata, parantu dusri taraf is grah ke pancham trikon ke svamitva v lagnesh shani ke sath mitrabhavi sanbandh ke karan is lagn hetu panna atyant hi yogkarak ratn mana jata hai. min lagna: is lagn men budh grah ke saptam v chaturth sthan ke svamitva ko kendradhiptidosh ka karak mana gaya hai. islie panna dharan karte samay is lagn ke jatak vishesh savdhani barten. panne ke uparatna: adhik bahumulya hone ke karan sabhi vyaktiyon ke lie panne ko dharan kar pana sanbhav nahin ho pata. atah is bat ko dhyan men rakhte hue ratn visheshagyaon v vaigyanikon ne athk-shodh ke pashchat panne ke kuch nimn uparatnon ki khoj ki hai- ekvamerin: ise beruj nam se bhi jana jata hai. yah paradarshak v hare rang ka patthra hai, jo halke nil v safed rangon men bhi paya jata hai. margj: chini bhasha men is patthar ko yu nam se bhi jana jata hai. paradarshak, halki si hari jhani se yukt is patthar ko sarvadhik rup se barma desh men paya jata hai. pitpni: yah chikne halke hare rang ka patthar hai, jismen halke pile v lal rang ki chiten bhi pai jati hain. sangapanna: yah hare rang ka komal, rukha v vajan men halka patthar hai, jiske kinare adhik gahre rang ke pratit hote hain. auneksa: yah sundar hare rang ka paradarshipatthar hai, jo sasta hone ke karan kafi lokapriya hai. panna dharan karte samay kuch avashyak nirdesh: panne ko dharan karte samay anukul var, nakshatra, samay, kal adi jaise shubh muhurton ka avashya hi chayan karna chahie tatha is bat ka bhi dhyan rakhna chahie ki dharan karne vale ratn men jal, guchche, madhu ke saman pilapan, udasinta, khurdrapan, darar ya tuti hui dhariyan, kale v lal rang ke dhabbe adi jaise dosh n hane anyatha labh ki apeksha hani ki sanbhavnaen adhik barh jati hai. ratn dharan karne ki vidhi: ashlesha, revti v jyeshtha nakshatron vale kisi budhvar ko athva budh ki hora men kansa ya svarn dhatu men nirmit anguthi men panch raÿai se adhik vajan ke panna ratn ko jarvakar, pratah brahm muhurt men apne dahine hath ki kanishtha anguli men dharan karen tatha tatpashchat budh grah se sanbandhit vastu ka dan karen.