aram se sone ke lie - kabhi-kabhi aisa dekha gaya hai ki bachcha ho ya stri purush, sote samay vah achanak chaink jate hain athva dar jate hain. isse chutkara pane ke lie apne sirhane men ek fitkri ka tukra rakh den, to is samasya se chutkara mil jayega.
- hajar dana dudh ke sath pisakar dene se jin mataon ko dudh n a raha ho unhen dudh ane lag jayega. aisa prayah dekha gaya hai. kisi rog se grasit hone par - sote samay sirhana purva ki or rakhen. shayan kaksh men ek madhya akar ke katore men sendha namak ke tukre rakhen.
sath hi char raÿai ka sunaila chandi ki anguthi men jarvakar guruvar ko shukla paksh men dahine hath ki tarjani anguli men dharan karen. vyapar vriddhi hetu
- is prayog ko shukla paksh ke pahle shukravar ko praranbh karen. sabse pahle sadhak brahm muhurt men shayya tyagakar dainik nitya karyon se nivriÿa ho ghar par vyapar sthal ke uÿari kon men ganga jal se dhokar pavitra karen.
us par shuddh pisi haldi jismen mirchadi ka ansh n ho, lekar ek sundar svastik banaen. svastik men char bindiyan avashya hon, svastik ke madhya bhag men chane ki dal 50 gram tatha 50 gram gur rakhakar avashyak ho to ek nai tokri se dhank den ya aise hi khula chor den. ise bar-bar n dekhen. pratyek guruvar ko is kriya ko karen tatha ashuddh stri ki chaya se isko bachae rakhen.
- jis vriksh par chamgadar rahte hon, us vriksh ki ek tahni ravi-pushya ya guru-pushya yog men lakar gaddi ke niche daba den. vidhi yah hai ki tahni lane ke ek din purva, sandhya ke samay vriksh ki puja pradakshina kar jis tahni ko lana ho, us par raksha sutra (mauli) bandh den tatha chavlon se use nimantran dete hue yah kahen ki ‘he vanaspati devi, main kal pratah apko lene aunga.
ap apne sanpurn bal se yukt rahen tatha apka tej apse prithak n ho,’ aisa kahakar vapas a jaen tatha punah dusre din suryoday ke samay jab pushya nakshatra ho, naha dhokar vah tahni le ayen tatha dhup, dip naivedya se puja kar vyapar sthal men gaddi ke niche rakhen. gaddi ke niche rakhte samay ‘mam karya siddhi kuru kuru svaha..’ mantra ka 21 bar uchcharan karna paryapt rahta hai.