chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
vyapar men niryatkon ki tarakki ka upay
jin vyapariyon ka niryat ka kam hai unko chahie ki ek chandi ki anguthi dharan karen. pratah kal somvar ko anguthi ko gangajal men dhokar isko gay ke kachche dudh men dubaen. tulsi ke patte thodi shakkar v safed ful ko dalakar shuddh kar len v dhup dekar anguthi ko pahan len. iske bad vyapar unnati ke shikhar par svayan apko chadhta hua pratit hoga.
isi men jo vyaparik sthal hai kachcha sut lekar usko shuddh kesar men rang len tatha use sukha kar vyapar sthal par bandh den tatha yah mantra bolen- mantra: un hrin shrin klin namo bhagvti maheshvari annapurna svaha. isko pratah sayan 21-21 bar jap karte rahen. jitna adhik jap karenge labh bhi utna hi adhik hota hai.
shakti sadhna ke bad lakshmi sadhna hi mukhya hai. yah spasht kah diya hai he ! daridrate tera abhinn mitra akal hai. jahan par tu rahti hai vahan tera mitra akal svayan a jata hai. atah lakshmi mata se yah prarthana karni chahie he. mate is daridrata ko dabhri mantra ka chamatkar ukt mantra ko grahan men sava lakh ka jap kar isko siddh kar len fir taje jal men gangajal dalakar isko 31 bar abhimantrit kar len fir isko makan, dukan, pratishthan v kanpni adi men chidkav karne se samast dosh mit jate hain.
mantra:
jay bhavani mahakali, raksha kare charon dupari kaudi khel jag nagar moho raja moho kharidar moho, asan baitha jogi moho. sakal sansar hatheli base hanumant bhairav base lilar. meri bhakti guru ki shakti baba gorkhnath ki duhai puro mantra ishvaro vacha.
yah bahut hi upyogi mantra hai ismen vashikaran bhi hai jo samne baithne vale par ho jata hai.
dhan labh ka ek vishesh labhkari upay shanivar ko donon samay jab mil rahe hon arthat godhuli bela udad ke do bade sabut dane lekar unapar thodi dahi, sindur chidak kar pipal ke patte par rakh kar pipal ki jad men rakh den. yah 21 din tak karen. ate samay mud kar nahin dekhna chahie.