shodash vargajanmakundli ke adhyayan men shodash varg ka kya mahatva hai. janmakundli ke sath shodash vargon ka adhyayan kaise kiya jata hai? udaharan sahit siddh karen. janmakundli ke sukshm adhyayan aur falon ki pushti men shodash varg ka vishesh mahatva hai. varg ka arth hai bhag ya hissa. arthat, kisi ek bare bhag ka sukshm hissa. jyotish men pratyek bhav ke nishchit karak tatva hote hain aur inhin karak tatvon ke sukshm falit ya falon ki pushti ke liye vargon ka upyog kiya jata hai. iske atirikt, grahon ka balabal nikalne ke liye bhi varg kundliyan mahatvapurn hain. janmakundli aur vargon men yog hone ya n hone ka arth yah nahin lagana chahiye ki vah sthiti jivan paryant rahegi. iska tatparya keval itna hai ki jatak ko prarabdh ke rup mane un yogon ka fal bhogna hai.
yogon ka shubhashubh fal anukula/pratikul dasha men hi ghatit hota hai aur vah bhi tab, jab dasha ka gochar se bhi samanvay ho. yog, dashaon aur gochar ke samanvay se hi bhav-siddhi sanbhav hai. dashanath aur gochar grahon ko janmakundli aur sanbandhit vargon men rakh kar anukulta/pratikulta ka bhi akalan karna chahiye. shodash varg ka mahatva, falit ki satikta barhane, falon ki pushti karne, grahon ka balabal nikalne adi men hi chipa hai jiske upyog ke bina falit adhura hai. brihat parashar horashastram ke ath shodashavargadhyay evan faldipika varg vibhag adhyay men 16 vargon ka ullekh hai jinko punah nimn char shreniyon men vibhajit kiya gaya hai:
shadvarga: rashi (di-1), hora (di-2), dreshkan (di-3), navansh (di-9), dvadshansh (di-12) aur trinshansh (di-30) saptavarga: shadvarg aur saptamansh (di-7) dashavargah saptavarg dashmansh (di-10), shodshansh (di-16) aur shashthyansh (di-60) shodashavarga: dashavarg, chaturthansh (di-4), vinshansh (di-20), chaturvinshansh (di-24), saptavinshansh (di-27), khavedansh (di-40) aur akshavedansh (di-45)
1. lagn kundli (di-1) janm ke samay purva kshitij men udit rashi ko lagn manakar banayi gayi kundli ko lagna/janm kundli kahte hain. janm ke samay chandra dvara grihit rashi ko lagn man kar banayi gayi kundli ko rashi kundli kahte hain. vargon ke liye lagn kundli hi adhar hoti hai. fal prapti ke liye janmakundli men yog hona avashyak hai.
varg kundli ka mahatva ya to us fal ki pushti karna, nakarna ya uske svarup ko kam ya adhik karna hota hai. nimn udaharan janmakundli ka vishleshan shodash vargon ko samjhne ke laye karenge purush jatak 12 farvri 1965, pratah 07ah30, agra grah rashi ansh lagn kunbh 090 05’18’’ surya makar 290 47’46’’ chandra mithun 050 16’53’’ mangal (va) kanya 030 24’00’’ budh makar 200 43’06’’ guru mesh 240 29’36’’ shukra makar 150 06’06’’ shani kunbh 120 29’32’’ rahu vrish 270 35’22’’ ketu vrishchik 270 35’22’’
2. hora (di-2) upyog: hora kundli ka adhyayan mukhyatah jatak ki arthik samriddhi ko janchne ke liye kiya jata hai. dvitiya bhav ke anya karak tatvon ke liye bhi ise dekha ja sakta hai.
arthik samriddhi se tatparya svayan arjit kiye hue dhan se lena chahiye n ki parivar se prapt kiye hue hora ke svami: surya ki hora ka svamitva devon (sva prayas se hi dhan prapti hogi) ka aur chandra ki hora ka svamitva pitri/purvajon (mehanat ki apeksha fal adhik kyonki purvajon ka ashirvad hota hai) ka hota hai. kuch mukhya niyam - hora kundli men purush grahon (surya, guru, mangl) ka surya ki hora men hona samriddhi ke liye shubh hota hai. stri grahon (chandra, shukra) aur shani ka fal chandra hora men shubh hota hai.
budh, donon hora men shubh hote hain. - surya ki hora men sthit atmakarak (sarvadhik bhogansh vala grah) unnati ke liye shubh mana jata hai. uprokt hora kundli men jatak ka atmakarak surya, surya ki hora men hai, arthat samriddhi ke liye shubh hai. adhikatar grah, surya/dev hora men hain arthat, jatak ko sva prayas se hi arthik samriddhi prapt hogi. iska prabhav sanbandhit grah dasha/antardasha men dekhne ko milta hai. jatak arthik rup se samriddh hai aur sva-prayas se softaveyar aur jute ka vyavsay sthapit kiya hua hai.
3. dreshkan (di-3) upyogah dreshkan kundli ka adhyayan mukhyatah jatak ke chote bhai-bahan ka hona/n hona, unse sanbandhit sukh-duahkh, jatak ka svabhav aur ruchiyon ke liye kiya jata hai. tritiya bhav ke anya karak tatvon ke liye bhi ise dekha ja sakta hai. 22 ven dreshkan ki ganna jatak ki mrityu ke svarup ko janne ke liye ki jati hai. dreshkan ke svami: pratham dreshkan ke svami narad, dvitiya ke agastya aur tritiya ke durvasa rishi. dreshkan svami apne svabhavanusar fal dete hain.
kuch mukhya niyam: - dreshkan kundli men janmakundli ke tritiyesh aur karak mangal ka susthit hona bahn-bhaiyon se achche sanbandh darshata hai. - dreshkan kundli ka bali lagna/ lagnesh bhai-bahan ka hona sunishchit karta hai. - dreshkan kundli ke tritiya/ tritiyesh ka nirikshan bhi sahodron ke hone ya n hone men bhumika nibhata hai. - dreshkan kundli ke ekadsh/ekadshesh ka nirikshan bare bhai-bahnon ke liye kiya jata hai. dreshkan kundli ke lagn par koi dushprabhav nahin hai, arthat bali hai. lagnesh shani, budh ki adhimitra rashi men (shubh), pancham men (shubh), shashthesh chandra se yut (ashubh) aur guru se drisht (shubh) hai. lagna/lagnesh ki shubh sthiti bhai-bahnon ka hona sunishchit kar raha hai. tritiya bhav par ekadshesh guru ki aur tritiyesh mangal ki drishti hai jo anek chote bhai-bahan hone ki or ingit kar raha hai. ekadash bhav bali hai kyonki usmen ekadshesh guru sthit hai, lagnesh shani, shashthesh chandra aur tritiyesh/dshmesh mangal ki drishti hai, kul milakar bhav/bhavesh bali hain jo bare bhai-bahan ke hone ki taraf ishara hai. jatak ke char chote bhai-bahan aur ek bari bahan hai.
4. chaturthansh (di-4) upyog: chaturthansh kundli ka adhyayan jatak ki chal-achal sampatti, vahan, charitra, mata-sukh, skuli shiksha adi ke liye kiya jata hai. mangal sampati ka, budh shiksha ka, chandra mata ka aur shukra vahan ke karak hain. chaturthansh ke svamiah pratyek bhag ke kramshah svami hain: sanak (apne anusar chalna jaise ek pagl/ sanki vyakti), sanand (saflta ya asflta khushi-khushi svikar karne vala), sanat (himmat n harne vala) aur sanatan (har paristhiti men prasanna). kuch mukhya niyam:
- chaturthansh kundli ke lagna/lagnesh agar bali hon to jatak ke sukhon men sthayitva bana rahta hai. lagn par guru (dhan ka kark) ki drishti arthik taur par shubh hoti hai.
- chaturthansh kundli men lagnesh aur chaturthesh ki paraspar shubh sthiti mata se sambandh ka star darshati hai .
- chaturth bhav aur shukra bali ho to jatak ko vahan adi sukhon ki prapti hoti hai.
- chaturth bhav aur mangal bali ho to jatak ko sampatti (char evan achl) adi sukhon ki prapti hoti hai.
- chaturth bhav ke sath chandra bhi pirit ho to jatak ka charitra achcha nahin hota aur jatak dhurt hota hai.
uprokt udaharan men, chaturthansh kundli ki lagn men yogkarak shani sthit hai aur guru se drisht bhi hai, arthat jatak ke pas arthik sukh evan sthayi sukh nirantar bana rahega. chaturth bhav, rahu/ketu aksh par hai aur chaturthesh surya shashtham men nich ka hai jo sukh-sampatti hani darshata hai. mangal, pancham men guru se drisht hai jo ki sampatti ko sunishchit kar raha hai, beshak chaturth ke pirit hone se unki matra samanya ho sakti hai. shukra, tritiya bhav men guru se drisht, yogkarak shani drisht aur budh ke sath hai. shukra ki shubh sthiti vahan sukh bhi dikhati hai. lagnesh shukra aur chaturthesh surya ke paraspar kendra men hone se mata se sambandh bhi achche hone chahiye. jatak ke pas mata sukh, sampatti sukh aur vahan sukh bharpur hai. skuli shiksha men kafi kathinaiyon ka samna karna para tha.
5. saptamansh (di-7) upyog: yah varg, janmakundli ke pancham bhav se sambandhit prajnn/ santti sambandhit falon ke sukshm rup ko darshata hai. isse pancham bhav men anya karak tatvon (uchch shiksha di 24 se dekhte hain), mann/ mantra, jivn-sathi ki samriddhi, srijnatmakata adi bhi dekh sakte hain. saptamansh ke svami: visham rashiyon men sthit grahon ke saptamanshon ka svabhav kramshah kshar (khatta/kthor khanij), kshir (khir), dadhi (dahi, kisi bhi prakar ka akar lene men saksham par khatta bhi), ikshuras (ganne ki bhanti sidha/kthor parantu bahut mithas bhi), madya (sharab) aur shuddh jal. sam rashi men yah kram viprit hota hai, arthat pahle saptamansh men sthit grah ka svabhav shuddh jal ke saman, dusre ka madya/nsha ke saman adi.
kuch mukhya niyam:
- saptamansh kundli ka bali lagna/ lagnesh santti utpatti sunishchit karte hain.
- saptamansh kundli men panchm/panchmesh evan karak guru ki shubh sthiti santti utpatti ki pushti karte hain.
- janm kundli ke lagnesh ki saptamansh kundli men shubh sthiti santan se achche sanbandhon ki or ishara karti hai.
- putra saham ki janm evan saptamansh kundli men sthiti bhi santan ke sath sanbandhon ki gunavatta ko darshati hai.
- bija/kshetra sfut se prajanan evan utpatti ki kshamata ka akalan hota hai. jatak ki saptamansh kundli men lagn men yogkarak shani sthit hai, lagn pap kartari men hai, lagnesh par guru ki drishti hai, lagnesh dvadash men bhi hai. pancham bhav shubh kartari men hai, panchmesh par guru evan yogkarak shani ki drishti hai. inse santan utpatti to sunishchit lag rahi hai parantu lagna/ lagnesh par kuch pira hone ke karan kuch deri bhi sanbhav hai. janm kundli ka lagnesh shani, saptamansh kundli men yogkarak hai aur lagn men hi sthit hai, arthat jatak aur santan ke sanbandh bhi achche hi hone chahiye. jatak ke ek putri (vivah ke tin sal bad) evan ek putra hai aur sambandh achche hain.
6. navansh (di-9) upyog: navansh kundli ka prayog janmakundli ke purak ke rup men kiya jata hai. mukhya rup se navansh ko vivah ke hone/n hone, vaivahik jivan ki gunavatta aur jivan sathi ka charitra adi ko janne ke liye kiya jata hai. navmansh ke svami: char rashi men dev, manushya, rakshas, sthir men manushya, rakshas, dev tatha dvisvabhav men rakshas, dev, manushya navansh bhav ke adhipti hote hain. arthat, rashi ke nau hisse hone se yah avritti tin-tin bar hogi.
kuch mukhya niyam:
- janmakundli aur navansh kundli ke lagnesh ke achche sanbandh jatak aur uske jivan sathi ke bich paraspar sahyog, sukhamay sanbandh aur samanvay darshate hain.
- agar janmakundli ka saptamesh aur navansh kundli lagn donon bali hon to vaivahik jivan sukhamay hota hai. navansh men saptama/saptamesh ka nirikshan iski pushti ya matra ko kama/jyada karta hai.
- navansh men raja surya aur rani chandra ka ek dusre se adhikatam duri yani sam-saptak hone ko vaivahik sukhon ki drishti se shubh nahin mana jata hai, jaise apsi vicharon men talmel ki kami, paraspar sahyog ki kami ya paraspar vaimanasya ka bhav adi.
- janmakundli ke saptam, saptamesh aur karak shukra (purush)/guru (stri) ki shubh sthiti vivah hone ki sanbhavnaon ko darshati hai. navansh ka bali lagn vivah hone ki pushti ya matra ko kama/jyada karta hai. adhikatar navansh ka bali lagn vivah ko sunishchit karta hai.
- janmakundli ke lagnesh evan saptamesh ki navansh men shubh sthiti vivah ke hone, samanya umra men hone evan vivah pashchat sukhi sanbandhon ka sanket deti hai. in donon ki sthiti janm evan navansh kundli men paraspar 6/8 ya 2/12 hona ashubh hota hai.
- guru ka saptama/saptamesh se sambandh shighra ya vilamb se vivah ki pravritti deta hai. arthat, samanya umra men vivah nahin hota kyonki guru antim satya ki or pravritt karta hai.
- trinshansh lagn par pira bhi vivah men vilamb karak hoti hai. uprokt udaharan men, janmakundli men lagnesh aur saptamesh ki sthiti paraspar 2/12 haijo ki paraspar samanvay men kami darshati hai, navansh men inki sthiti 5/9 hai jo ki kuch sudhar kar rahi hai, arthat, jatak aur jivnsathi ke apsi sambandh mishrit ya samanya rahenge. janmakundli men saptam bali hai kyonki us par lagnesh aur karak guru ki drishti hai, saptamesh dvadash men hain par do shubh grahon ke sath hai, karak guru tritiyesh men sthit hai aur un par tritiyesh ki drishti bhi hai, navansh ka saptam shubh kartari men, saptamesh ashtam aur panchmesh mangal se drisht, karak guru dvadash men par chandra ke sath aur shukra se drisht, trinshansh ka lagn bhi bali hai. kul milakar shubhta ki adhikta hai aur isiliye shadi samanya umra men hogi, kaha ja sakta hai.
jatak ki shadi 28 varsh men hui jab vah jarmani men karyarat the. vaivahik sanbandhon men aranbhik kuch varshon tak ki badhaon ke pashchat ek lambe samay se paraspar samanjasya aur purn sukh hai.
7. dashmansh (di-10) upyog: dashmansh kundli ka adhyayan jivan vritti evan ajivika se sambandhit upalabdhiyon (saflta, unnati, asflta, badha adi) ke liye kiya jata hai. iske adhyayan se jatak ke vyavsay ki disha bhi ingit hoti hai.
dashmanshon ke svami: visham rashiyon men kram (pratham se dasham dashmansh tak) se indra, agni, yam, rakshas, varun, vayu, kuber, ishan, brahma aur anant svami hai. sam rashi men viprit kram hai arthat pratham dashmansh men svami anant, dvitiya ke brahma adi. grah apne dashmansh svami ke svabhavanusar bhi fal dega.
kuch mukhya niyam:
- dashmansh kundli men lagna/lagnesh ka susthit, bali ya shubh prabhav men hone se jatak ki sakshamata ka gyan hota hai.arthat, ajivika men samasyaon se samna karne ki kshamata.
- dashmansh kundli ka dashm/dshmesh ke bali hone par ajivika bina badha/kthinaiyon ke sucharu rup se chalti rahti hai. pira ke anurup hi matra kam ya adhik hoti hai.
- dashmansh kundli men karak surya ka prasiddhi, shani ka naukri, budh ka vyavsay aur chandra ka mansik sablta ke lie nirikshan karna chahiye. uprokt udaharan kundli men, dashmansh kundli ka lagn pap kartari men hai jo ki ashubh hai, lagnesh dasham bhav men adhimitra shani ki rashi men susthit hai, arthat jatak ki sakshamata samanya star ki hai. dasham bhav pap prabhav mukt hai aur usmen lagnesh shukra sthit hai jo ki ek bahut shubh yog hai, arthat ajivika sucharu rup se chalegi. dashmesh shani dhan bhav men hai aur un par surya, mangal aur guru ka prabhav hai.
naukri sucharu rup se nahin chalegi. budh nichbhang men hai aur ay bhav men dushprabhav mukt hai, arthat vyavsay praranbhik badhaon ke bad thik chal sakta hai. surya ki sthiti kamjor hai, arthat unnati aur khyati madhyam star ki hi hogi. chandra, tritiya bhav men svarashisth hokar bali hai, arthat mansik sablta prachur hogi.
8. dvadshansh (di-12) upyog: janmakundli ka dvadash bhav purva janm aur agami janm ki kari ke rup men bhi dekha jata hai kyonki yah moksh ka karak aur janmakundli ka akhiri bhav hai. samanyatah dvadshansh kundli ka prayog mata-pita ki pratishtha (jaise, samajik aur arthik stara) evan unse sambandhit sukh-duahkh ka adhyayan karne ke liye kiya jata hai. dvadshanshon ke svami: pratham char dvadshanshon ke svami kramshah ganesh, ashvini kumar, yam aur sarp hain aur isi karm ki avritti age hoti rahti hai.
kuch mukhya niyam:
- pita ke karak surya aur mata ke karak chandra hain. atah is varg kundli men inki sthiti ka akalan avashyak hai.
- iske atirikt is varg kundli ke lagn aur lagnesh ki sthiti ka vishleshan mata-pita ki samajik evan arthik sthiti gyat karne ke liye karte hain. iske atirikt varg kundli men nirmit dhan evan raj yog bhi samajik evan arthik star ki pushti karte hain.
- pita ki ayu ke liye navam se ashtam (chaturtha) aur mata ki ayu ke liye chaturth se ashtam (ekadsh) ka vishleshan bhi kiya jata hai. uprokt udaharan kundli men, lagn pap kartari men hai, us par guru (ashtamesh/ekadshesh) evan mangal (saptamesha/dvadshesh) ki drishti hai.
isse lagta hai ki mata-pita ka arthik evan samajik star samanya hi hoga. mata ka chaturth bhav shubh kartari men hai aur karak chandra apni adhimitra surya ki sinh rashi men sthit hai, iske atirikt yogkarak shani ki drishti bhi hai. isse mata sambandhit purn sukh dikhte hain. pita ke navam bhav men guru sthit hai aur mangal aur shukra ki drishti bhi hai, navmesh yogkarak hokar dhan bhav men hai. pita sambandhit sukh bhi jatak ko prapt hone chahiye. jatak ke mata-pita svasth evan dirghayu hain, unka samajik evan arthik star samanya hai. videsh men rahne ke karan lagabhag 15 varsh jatak ki mata-pita se duri rahi.
9. shodshansh (di-16) upyog: samanyatah is varg kundli ka adhyayan vahan sukh, jivan ki samanya khushiyan, vilasita adi ke liye kiya jata hai. khushiyon se tatparya chal-sukh se hai jabki di-4 se sthir sukh dekha jata hai. chandra ki solah kalaon ki tarah rashi ke solah hisse hote hain. chandra se sambandh hone ke karanavash is varg kundli se jatak ki mansik sahnshilta bhi dekhte hain.
kuch mukhya niyam:
chan. - di-16 varg kundli men rajyog evan dhanyog atyadhik khushiyan evan aishvarya dete hain.
- bali shukra (sansarik sukhon ka kark) samast sansarik vilasita (vastra, vahan, stri sukh adi) deta hai parantu ashubh rashi men hone se kuch hani jaise chori, vahan durghatana adi bhi ho sakti hai.
- bali/shubh guru mansik santushti pradan karta hai jisse sukh ki anubhuti svatah hi hone lagti hai. uprokt udaharan kundli men, shukra lagn men shubh dhanu rashi men hai arthat bali hai. jatak ko vahan evan anya sansarik khushiyan prachurta men milengi. lagnesh guru ki shashtham men sthiti ashubh hai jisse praptiyon se santushti nahin hogi. guru, karm evan dhan bhav drisht kar rahen hain, dhan bhav men mangal uchch ke hain aur navmesh surya ki drishti bhi dhan bhav par hai.
arthat, vilasita aur dhan men kami nahin parantu kuch asantushti bhi rahegi.
10 vinshansh (di-20) upyog: samanyatah is varg kundli ka adhyayan un khushiyon ko dekhne ke liye kiya jata hai jo adhyatmikta evan dharmik jhukav ya unse sambandhit kriya-kalapon se prapt hoti hai. kuch mukhya niyam: pratyek jiv men parmatma ka hi ansh vidyaman hota hai parantu uski matra alg-alag ho sakti hai. moksh prapti ki or agrasar bane rahne ke liye adhyatmik evan dharmik unnati nirantar bani rahni avashyak hai. di-20 men nimn tathyon par dhyan dena chahiye.
- di-20 men shubh evan ashubh yogon ko dekhen. jitne adhik shubh yog, utni hi adhik adhyatmikta evan dharmikta ki unnati.
- di-20 men lagna/lagnesh, panchm/ panchmesh aur navm/nvmesh ka vishleshan karna chahiye.
- agar vinshansh kundli ka lagn, janm kundli ke lagn se 6, 8, 12 ki rashi hai to adhyatmikta evan dharmikta ki unnati men badhaen hongi.
- surya evan shani ka bali hona shubh sanket hai.
- bali shukra hone par yaun-jivan par niyantran hota hai jo unnati ki liye avashyak hai. uprokt udaharan kundli men, lagn rahu/ketu ke aksh men hai, lagnesh budh dvadash men hokar mangal, surya aur chandra se drisht hai. arthat, lagna/ lagnesh ki sthiti achchi nahin hai aur adhyatmik evan dharmik unnati men badhaen ati rahengi. pancham men ashubh mangal hai, panchmesh navam men shubh hai aur navmesh shani aur guru se drisht hokar bali hai arthat pravritti, bhavna aur prayas unnati ki or rahegi.
navam bhav par navmesh shani ki drishti, saptamesh/dshmesh guru ki drishti hai aur navam bhav men panchmesh sthit hai jo navam bhav ko bali bana raha hai arthat, jatak dharmik evan adhyatmik kshetra men unnati karega aur samy-samay par badhaen (nich chandra hone se mansik avsadon ki adhikta) bhi ati rahengi.
11. chaturvinshansh (di-24) upyog: samanyatah is varg kundli ka adhyayan shaikshik praptiyon evan gyan se sambandhit falon (saflta, asflta, badha adi) ke liye kiya jata hai.
kuch mukhya niyam:
- shiksha ke liye janm kundli men 4e 4se 5e 5s ke adhyayan ke sath-sath inki sthiti ka di 24 men bhi adhyayan avashyak hai. dashanathon ka akalan bhi donon kundliyon men karna chahiye.
- di 24 ka bali lagna/lagnesh shiksha ke sucharu rup se chalne ko ingit karta hai. - sabse bali grah shiksha ki disha bhi ingit karta hai.
- shiksha ke karak budh aur guru ka bhi janm evan varg kundli men akalan karna chahiye. uprokt udaharan men, varg kundli lagn men hans mahapurush yog nirmit ho raha hai, guru pancham aur navam (pancham se pancham - bhavt-bhavm) ko drisht kar rahe hain jo ki bahut shubh hai.
pancham men aur navam men shubh grah sthit hain. lagn par navmesh aur dvitiyesh ki drishti bhi hai jo ki shubh hai. pancham bhav par ekadshesh aur dvadshesh shani ki drishti hai jo svayan rahu/ ketu ke aksh par hai aur ashubh hai. jatak dath.e chik hai aur videshi bhashaon ka gyan bhi hai. jatak ko skuli aur dath. ki shuruati avdhi men parivarik evan arthik kathin samasyaon ka samna karna para tha parantu akhir men saflta prapt hui.
12. saptavinshansh (di-27) upyog: is varg kundli ko nakshatransh bhi kahte hain kyonki iske bhi 27 bhag hote hain. is varg kundli ka adhyayan jatak ki sharirik evan mansik shakti ko dekhne ke liye kiya jata hai.
sharirik shakti se tatparya hai, rog pratirodhak kshamata ka aur mansik shakti se tatparya hai, mansik sablta ya sahnshilta. nakshatron ke svami hi (ashvini kumar, yam, agni adi) saptavinshansh ke svami hote hain. ?
kuch mukhya niyam: - pratyek grah apne karak tatvon ke adhar par fal deta hai.
suryah samanya svasthya, pet, haddi, dahini ankh adi.
chandra: rakt sambandhit, bayin ankh, mansik vikar adi.
mangl: raktachap, durghatana, sarjari, haddi ki majja adi.
budh: tvacha sambandhit, vani, snayu tantra adi.
guru: madhumeh, motapa adi.
shukra ah yaun vikar adi. shani vayu sanbandhit, kainsar, nasen, pet ke rog adi.
rahu/ketu: vish, kitanu sambandhit, chale adi.
- varg kundli men pirit grah sambandhit sharirik evan mansik avsad dete hain. uprokt udaharan men, lagn, saptamesh/dshmesh, guru aur ashtamesh/nvmesh shani se drisht hain jo ki samanya svasthya ke liye mishrit parinam dega kyonki saptamesh marak bhi hota hai aur ashtamesh ka sambandh bhi shubh nahin hai. lagnesh budh, rahu/ketu aksh men hai, ashtam men hai aur shashthesh/ekadshesh mangal dvara drisht hai. yahan bhi purn shubhta nahin hai.
arthat, jatak ko koi dirghakalin bimari (shani evan guru ki kuch ashubhta aur lagnesh par pira ke karn) ho sakti hai. jatak ko madhumeh hai parantu samanya svasthya uttam hai.
13. trinshansh (di-30) upyog: is varg kundli ka adhyayan jivan ki durghatanaen, badhaen, asflta, durbhagya adi ke adhyayan ke liye kiya jata hai. is varg ka adhyayan jatak ke naitik acharan ko dekhne ke liye bhi kiya jata hai. is varg kundli men lagn par pira hone par vivah men deri bhi ho sakti hai.
kuch mukhya niyam:
- is varg kundli men surya aur chandra ka vishleshan nahin hota.
- baki grah apni bhav sthiti evan karakatvon ke anusar badhaon (pirit hone par) ko ingit karte hain. mangl: krodh / gussa / akramkta), budh: ishrya, guruah ahankar, shukra: kamukta, shaniah nasha/lat, rahuah lobh/lalach, ketuah galat soch adi.
- bali lagn aur lagnesh badha rahit jivan dete hain.
- chaturth bhav pirit hone par naitik charitra men kami hoti hai.
- apne hi trishansh men sthit grah apne karakatvon men vriddhi karte hain.
- trinshansh lagn par pira vivah men vilamb karak hoti hai. uprokt udaharan kundli men, lagnesh ki lagn par drishti hai, lagn shubh kartari men hai, guru se drisht hai, arthat bali hai. shani, ekadash men thik hai. chaturth bhav par pira hai kyonki mangal vahan sthit hai, surya dvara drisht hai aur rahu/ketu ke aksh par hai. jatak ke mata sukh men kami a sakti hai, jaise ghar se dur rahna adi. chaturth bhav pirit hone se jatak ke naitik charitra men bhi kami ki sambhavna hai. surya (digbali, mitra rashi)-shubh, rahu/ketu dasham men-ashubh, aur dasham bhav dashmesh mangal dvara drishta-shubh. arthat, samanyatah shubh hai parantu kuch ashubhta hone se karya sambandhit pareshaniyon ka samna bhi karte rahna hoga.
14. khavedansh (di-40) upyog: is varg kundli ka adhyayan shubhashubh falon ki matra gyat karne ke liye kiya jata hai. uprokt trinshansh varnan men jatak ke ashubh falon ka adhyayan tha aur khavedansh men shubh falon ka adhyayan hota hai.
khavedanshon ke svami: vishnu, chandra, marichi, tvashta, dhata, shiv, ravi, yam, yaksh, gandharva, kal v varun ye bari-bari se khavedansh ke adhipti hote hain.
kuch mukhya niyam: - lagn aur lagnesh ke bali hone par shubh ghatnaen adhik hoti hain.
- trikon ke svami bhi susthit evan shubh prabhav men ho to shubh fal adh iak hote hain.
- shubh falon ke liye surya evan chandrama ka bhi susthit hona avashyak hai. uprokt udaharan men, varg kundli ka lagn navmesh guru se drisht hai-shubh, rahu/ketu ke aksh men-ashubh, lagnesh mangal ekadash men shubh. arthat, shubh falon ki adhikta. panchmesh surya digbali hokar dasham men hokar ati shubh hai parantu shatru rashi men hone se unnati to dega parantu shikhar ki nahin. navmesh guru navam bhav men svarashi evan mitra rashisth hokar bali hai.
arthat, trikoneshon ki sthiti achchi hai jo shubh falon ki matra men vriddhi darshati hai. surya bali hai (uprokt varnit) atah avashyak sahas evan disha dega. chandra, ashtam men nich hai, kisi bhi shubh prabhav ke bina hai, jo mansik badhaon ki matra men adhikta darsha raha hai. jatak ke shubh falon ki matra men adhikta rahi hai halanki 12 se 35 varsh tak ki umra men mansik avsadon ki bhi koi kami nahin thi.
15. akshavedansh (di-45) upyog: is varg kundli ka adhyayan jatak ke charitra, vyavhar, acharan evan samanya shubhashubh prabhavon ke adhyayan ke liye kiya jata hai.
akshavedanshon ke svami: char rashiyon men kramshah brahma, mahesh, vishnu, sthir rashiyon men mahesh, vishnu, brahma evan dvisvabhav rashiyon men vishnu, brahma, mahesh adhidev hote hain.
kuch mukhya niyam:
- surya, atma ka pratinidhitva karte hain. shubh rashi evan shubh prabhav yukt surya satvik atma ke gun darshayega aur ashubh surya usse viprit.
- chandra, man ka karak hone se mansik naitikta ya anaitikta pradarshit karte hain.
- lagnesh, tritiyesh, shashthesh evan navmesh ka shubh rashi men hona jatak ki soch men shuddhata evan pavitrata darshata hai. uprokt udaharan men, surya kendra men adhimitra ki shubh rashi men hai parantu mangal se drisht bhi hai. arthat, jatak men ek achchi atma ke gun vidyaman hain parantu purn satvikta nahin hai.
chandrama, ekadash men svarashisth hokar bali hai parantu rahu/ketu aksh men bhi hai. arthat, mansik naitikta ki adhikta parantu purn naitikta nahin hogi.
16. shashthyansh (di-60) parashar ji ne is varg kundli ko janmakundli evan navansh kundli se bhi adhik mahatva diya hai, parantu iske prayog ka adhik prachalan nahin hai kyonki iske liye janm samay ka bilkul sahi hona avashyak hota hai. lagabhag 2 minat ke antar se shashthyansh kundli badal jati hai. upyog: is varg kundli ka adhyayan janmakundli ki bhanti sabhi pahluon par vichar ke liye kiya ja sakta hai. shashthyanshon ke svami: ek rashi men kul sath shashthyansh hote hain. parashar ji ne visham rashiyon men ghor, rakshas, dev, kuber adi kram se tis aur sam rashiyon indurekha, bhraman, payodhi adi kram se tis adhipti varnit kiye hain. ye sabhi adhipti nam tulya shubhashubh fal dene vale hote hain.
kuch mukhya niyam:
- is varg men banne vale yogon ka adhyayan bhi karna chahiye.
- kisi bhi parinam ke purvanuman ke liye tinon arthat janm, navansh evan shashthyansh kundli dekhakar hi falit karna chahiye. uprokt udaharan kundli men, di 60 men bhi shash mahapurush yog hai. arthat shani bali hai aur jatak shani pradhan vyaktitva ka hoga.
guru ki navam men shubh sthiti hai, navam men nirmit gajkesri yog shubh hai, lagnesh ka pancham men hona shubh parantu rahu/ ketu aksh men kuch ashubhta bhi, budh ekadash men bali hai. shani pradhan hone se jatak ekantapriya, alpabhashi, adhyaynshil adi hai. saptam men bali shani hone se vaivahik jivan men aranbhik pareshaniyan bhi thin. guru ne susthit hone se svachch pravritti rakhi aur badhaon ke bachav men suraksha kavach ki tarah karya kiya.
4. nishkarsh uprokt sankshipt varnan se shodash vargon ka falit ke drishtikon se vishesh mahatva spasht hota hai. ek achcha jyotishi, jo manav seva ko apna dharm manta hai, sadaiv varg adhyayan ke bad hi falit karta hai jisse rishiyon dvara diye gaye gyan ka niyamon sahit upyog ho aur falit ki satikta rahe aur jyotishi ka dharm purn ho.