शीला दीक्षित: दिल्ली की हैट्रिक मुख्यमंत्री का सफर

shila dikshit: dilli ki haitrik mukhyamantri ka safr  

Abha Bansal
Views : 356 | February 2020

vishva ke sabse bare loktantrik desh ki rajdhani ki mukhyamantri banna bahut bare gaurav ki bat hai. yah gaurav jise ek nahin balki tin bar prapt hua, us shakhsiyat ka nam shila dikshit hai. iske sath hi inhen kangres parti ki varishth neta banne ka samman bhi prapt tha. apne tin bar ke mukhyamantri ke karyakal men shila dikshit ko rajdhani ko ek naya rup-rang dene ke lie vishesh rup se yad kiya jata hai. shila dikshit darshanik evan kushal rajnitigya rahin. saumya, sahaj aur suljha hua vyaktitva unki visheshta thi. dilli valon ke dilon men shila dikshit ne apni jo khas jagah banai, uski vajah unka 90 ke dashak men is shahar ko ek nai pahchan dena, ek naya chehra dena raha. dilli ko anekanek flaiovar dekar ghanton ke jam se is shahar ko mukti dene ke lie yahan ke log shila ko varshon yad karenge. inke dvara karae gae nirman karyon ne hi dilli ki jindgi ko ek nai raftar di aur kaemnvelth gems ke samay dilli ki fiki parti chamak ko fir se nikhara tha.

dilli ko gala ghontu pradushan se rahat dene ke lie sienji bas aur metro ki saugat dene ka shubh karya shila dikshit ne kiya. shila dikshit ne apne lambe karyakal men anek karya kie jinki suchi bahut lambi hai. skul, aspatal, bijli, saf-suthri chairi sarken aur kachre ke lie kuredanon ki vyavastha adi ka shrey shila ji ko jata hai.

shila dikshit ka janm 31 march 1938 ko panjab ke kapurthla jile men hua. dilli ke jisas end meri konvent skul se inki shiksha purn hui aur miranda haus kolej se inhonne mastar star ki shiksha grahan ki. 81 varsh ki ayu men dilli ke logon ke dilon par raj karne vali shila dikshit se chalie aj rubru hote hain-


jivan ki sabhi samasyaon se mukti prapt karne ke lie yahan klik karen !


ek 15 sal ki bachchi rediyo par a rahe pradhanmantri ke bhashan se itni prabhavit hui ki vo unse milne ke lie gharvalon ko bina batae paidal hi tinmurtibhavan pahunch gai. vo pradhanamantri javahrlal nehru aur vo balika shila dikshit thi. is balika ko parhne-likhne ka shauk to tha hi sath hi vo dilip kumar aur shahrukh khan ki filmon ki shaukin bhi thi. use jab bhi mauka milta film dekhne ke lie thiyetar pahunch jati. manpsand filmen dekhti aur sangit sunti. age jakar isi balika ka vivah ek ai.e.es adhikari vinod dikshit se hua. vinod ji aur shila dikshit donon vivah se purva ek-dusre ko jante the, donon ke apsi sneh ki shuruat apne kuch mitron ka jhagra suljhate hue hui thi.

pahli hi mulakat men vinod shila ke vyaktitva se prabhavit hue bina nahin rah sake the, kisi n kisi bahane shila ji ke sath samay bitane aur unse milne ke lie unke ghar jaya karte the. is tarah donon ka sneh pragarh hua aur donon ek-dusre ko samjhne lage. shila ji ke samne apne vivah ka prastav rakhte hue vinod ji ne sankoch bhare shabdon men kaha ki unhonne vivah ke lie ek larki pasand kar li hai, aur yah bat vo apni man ko batane ja rahe hain, yah sun shila ji ne kaha ki kya apne us larki se yah bat kahi hai, is par vinod ji ne kaha ki vo mere pas baithi hai, usse abhi puch leta hun. is prakar vinod ji ne shila ji ke samaksh apna sneh prakat kiya. parantu donon ka vivah hona itna saral nahin tha, jati ki divar donon ke rishte ke madhya lambe samay tak arachan bani rahi. par ant men sab man gae aur shila aur vinod ji vivah sutra men bandh gae. apne ek intaravyu men shila ji ne bataya tha ki ek bar vo vinod ji ki tren chutne par khud draiv kar unhen kanpur chorne gain, aur vapsi men khud hi rasta bhatak gai thin. yah vakya unke chehre par bite dinon ki ek madhur muskan lekar aya tha. vivah ke sath hi shila ne ek rajnaitik gharane men kadam rakha, aur yahin se inki rajnaitik shiksha shuru hui.

kahte hain ki vivah hona ek nae jivan ki shuruat hota hai, shila ji ke lie yah vivah grihasth jivan aur rajnaitik jivan donon men pravesh hone se inke jivan aur kariyar ko ek nai disha mili. shila dikshit honhar chatron men se thin, islie jald hi inhonne apne sasur ke sannidhya men rajniti ke gur sikh lie. shila ji ke sasur umashankar dikshit ji jane-mane rajneta rahe hain. karnatak aur pashchim bangal ke rajyapal ka pad bhi inhonne bakhubi sanbhala aur indira ji ke samay men inhonne grih mantri pad ke dayitvon ko bhi bakhubi nibhaya. apne sasur ke anubhav, gyan aur margadarshan men rahte hue shila rajniti ke kshetra ki kushal khilari ban gain. apne sasur ke disha-nirdesh men shila ji ne 1984 men kannauj ki loksbha sit ka sansad pad sanbhala aur 1986 men kendriya mantri bhi rahin. barhti lokapriyata ke chalte 1998 men chunav jit kar dilli ki mukhyamantri banin. lagatar tin bar mukhyamantri ban inhonne haitrik lagai. apne karyakal ke dauran inhonne mahilaon ke utthan, vikas aur adhikaron ko behatar karne ke lie anek yojnaen, anek sangathan aur anek nitiyan banain. kam karne vali mahilaon ki samasyaon ko samjhte hue kai hostal banvae.

dilli ko gala ghontu pradushan se rahat dene ke lie sienji bas aur metro ki saugat dene ka shubh karya shila dikshit ne kiya. shila dikshit ne apne lambe karyakal men anek karya kie jinki suchi bahut lambi hai. skul, aspatal, bijli, saf-suthri chairi sarke aur kachre ke lie kuredanon ki vyavastha adi ka shrey shila ji ko jata hai. sushma svaraj 52 din ke lie dilli ki pahli mahila mukhyamantri rahin, parantu 15 sal itne mahatvapurn pad ko sanbhalne vali shila dikshit ekmatra mahila mukhyamantri rahi hain. agar ham itihas ke ankron par najar dalen to dilli ke mukhyamantri pad 4 sal se adhik avdhi ke lie sanbhalne valon men bhi shila dikshit agrani rahi hanai.


get detailed kundli predictions with brihat kundli phal


shila dikshit ke yadgar dinon men se kuch din aise bhi hain jab shila dikshit ne mahilaon ko unka adhikar dilane ke lie 23 din jel men gujare the. yah vakya 1990 ka hai jab shila ji samaj men mahilaon par barhte atyacharon ke khilaf khari hui thin aur jiske lie unhen apne anek sathiyon ke sath jel men rahna para tha. mahilaon ke hak ke lie shila ji kai bar samne ai thin. dilli ki mahilaon ke lie vo ek adarsh aikan thin, unhonne mahilaon ko samaj men ek mukammal mukam dilaya. shila dikshit ke 20 julai 2019 ko jane ke bad yun to sare bharat men shok ki lahar hai, parantu sabse adhik dukhi vahi mahilaen hain jinke lie shila dikshit varshon tak larti rahin. 20 julai 2019 mahapaur, sansad, kendriya mantri, mukhyamantri aur rajyapal jaise padon ko sushobhit karti hui, shila dikshit sabhi ki ankhon men ansu chorte hue is duniya se chali gain. unhen jivan men jo mukam hasil hua vah kis vajah se hua? aise hi kuch savalon ka javab ham aj unki kundli se janne ka prayas karenge-

shila dikshit ki kundli ka vishleshn

shila dikshit ji ki kundli kark lagn aur min rashi ki hai. shila ji ki kundli men sabhi grah pancham bhav se lekar ekadash bhav ke madhya sthit hain. grahon ki is sthiti ko kalasarp yog ka nam bhi diya jata hai. is yog ka nam padm kalasarp yog hai. janmapatri men chandra uttarabhadrapad nakshatra men hai. is nakshatra ne inhen akarshak aur chunbkiya vyaktitva diya, inhen buddhiman, gyanvan aur samjhdar banaya. sabhi ke sath sam vyavhar karne ki yogyata di, nirdosh vyaktiyon ko kasht dene se bachne ka svabhav diya, kshanik gusse vala banaya, man se svachch aur nirmal banaya. jinse sneh kiya unke lie har samay maujud rahin. vani men madhurya diya, shatruon par vijay pane ka sahas diya aur isi sahas ne inhen uncha pad diya, achchi shiksha di evan anek vishyon ka gyata banaya. 20 julai 2019 ko mrityu ke samay inki rahu mahadsha men shani ki antardasha prabhavi thi. mahadshanath rahu inke pancham bhav men sthit hain, aur gochar men is samay inke dvadash bhav par gochar kar rahe hain, antardashanath shani saptamesh aur ashtamesh hokar bhagya bhav men dvitiyesh evan lagnesh ke sath yuti sanbandh men hai.

antardashanath shani ka ashtamesh hona aur vartaman men gochar men chathe bhav par hokar ashtam bhav (ayu bhav) ko prabhavit karna inke lie shubh faldayak nahin raha hai. janmapatri men guru nichasth hokar saptam bhav men sthit hai, dasham bhav men budh, shukra aur mangal svarashi men sthit hai. ketu ekadash bhav men sthit hai. inki kundli ki khas bat yah hai ki chaturth bhav par chaturthesh shukra ka purn drishti prabhav hai, is prabhav se chaturth bhav bali ho gaya hai, karmesh mangal svarashi ka hokar dasham men hai, yah inhen sahsi lidar, utsahi aur dusron ko sath lekar chalne ka gun de raha hai. mangal yahan panchmesh aur dashmesh hone ke karan yogkarak grah hai aur mangal ka prabhav dasham aur pancham donon par hai atah dasham bhav aur pancham bhav donon hi apne svami ka prabhav prapt karne ke karan bali ho gae hain. iske atirikt saptamesh shani aur navmesh guru men rashi parivartan yog ban raha hai, kendra v trikon ke svamiyon ka apas men rashi parivartan hona kundli ke shubh yogon men vriddhi kar raha hai.

grah yogon, rajyogon aur anya shubh yogon ne kundli ko bahut bal pradan kiya hai. 1998 men jab shila dikshit ji mukhyamantri pad par asin huin, us samay inki kundli men shani sarhesati ka dvitiya charan chal raha tha, us samay shani inki janmarashi aur janmashani par gochar kar raha tha. shani sarhesati aur shani gochar ne inhen bharat varsh ki rajdhani dilli ki mukhyamantri banne ke avasar pradan kie. 15 varsh tak mukhyamantri rahne ki avdhi men inhen surya, chandra aur mangal ki mahadshaen prapt huin. mangal mahadsha samapt hone ke sath hi inhen mukhyamantri pad se hatna para. rahu mahadsha men shani ki antardasha inke jivan ki antim dasha sabit hui. is prakar dilli men sienji lane vali ek pavitra atma si. en. ji yukt dahsanskar ke sath panchatatva men vilin ho gai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

farvri 2020 visheshank  February 2020

futuresamachar-magazine

fyuchar samachar ke is visheshank men - naukri, vyavsay, padonnati varsh 2020, talak kyon? jyotishiya karan aur nivaran, mangli dosh kitna manglkari, jyotish se janen-naukri ya vyapar, dilli ki rajniti adi sammilit hain .

Subscribe


.