रूचिका क्या करे...

ruchika kya kare...  

Abha Bansal
Views : 349 | February 2020

ruchika aur ravish ki sundar jori har parti ki jan hoti thi. jahan sabhi unki ek or prashansa karte nahin thakte the vahin man hi man ishrya bhi karte the ki kaise ye donon apas men itna talmel rakh pate hain aur sosayti ke har fankshan men apni dhak jama lete hain. lekin kahte hain n ki najar to patthar ko bhi for deta hai aur shayad is jori ko bhi jamane ki najar lag gai aur aj donon alg-alag rah rahe hain.

ruchika bahut hi sundar aur bachapan se ati buddhiman thi. dilli ke ati uchchastariya mahavidyalay se usne snatkottar ki. ravish ek bahut hi sadharan parivar se tha lekin parhne men bahut hi tej tha. use jindgi men kuch karne ki lagan thi. usne bhi uchchastariya mahavidyalay se injiniyaring aur embie kiya.

apni parhai ke dauran hi uski mulakat ruchika se hui. donon hi apni kaksha men pratibhashali chatron men gine jate the aur yahin se shuru hua mulakaton ka daur jo dhire-dhire bhavishya men ek sath jivan bitane ke sapne dikhane laga. donon ko hi bahut achchi naukri mili aur shighra hi donon ke parivaron ne mil kar unhen vivah ke bandhan men bandh diya.

ruchika apni ane vali jindgi ke sapne sanjoye sasural pahunchi to use vahan ka rahn-sahan, bolchal kafi bhinn laga. lekin dhire-dhire vah apne ap ko us vatavaran men dhalne ki koshish karne lagi. lekin vahan ki bahut si dakiyanusi baten aur rurhivadi vichar use bahut kasht dete. uski aur ravish ki mata ji ke vicharon men jamin asman ka fark tha. ruchika ne kafi koshish bhi ki ki vah unse talmel bitha sake. lekin unke krodh v garva ki agni men ab use jhulsne ka dar lagne laga to usne unse alag hona hi behatar samjha.

ab ravish ke age ek hi rasta tha ki ya to vah ruchika se alag ho jae ya fir uske sath alag rahe. ravish bhi roj-roj ke jhagron se tang a gaya tha aur usne alag ghar le liya.


apni kundli men rajyogon ki jankari paen brihat kundli riport men


isi bich usne apne apko parhai men jhonk diya tha taki vah is klesh se bach sake aur usne apni lagan se ai. pi. es. ki pariksha bhi uttirn kar li aur use ek achchi posting bhi mil gai. lekin abhi to use chakki ke do patane men pisna tha. jahan ghar men ruchika use tane sunati vahin man ke pas jane par man use apni mehanat ki duhai deti, apne dudh ka vasta deti. bechara ravish donon ki jali-kati sun-sun kar pagla gaya tha. aise men use jyada se jyada vakt aefis men bitana achcha lagta. vahan to use dil ka sukun milta aur naye-naye logon se mulakat hoti. isi bich uski mulakat neha se hui. vah bhi kisi samasya ke chalte thane ai thi aur vahin uski mulakat ravish se hui. uski pareshani dur karte-karte ravish uski taraf khinchne laga aur apna jyada samay uske sath bitane laga.

udhar ruchika ko bhi uske upar shak hone laga aur ab to vah apne ane vale bachche ki khushi mana rahi thi. use is bat ne buri tarah jhakjhor diya aur vah shanti se ravish ko chor kar apne mammi papa ke ghar chali gai. ab ravish use manane men juta hai ki ruchika vapis apne ghar a jae aur ruchika ke man-bap chahte hain ki vah talak lekar dobara apni jindgi shuru kare. ruchika isi peshopesh men hai ki vah kya kare. kya ravish use v uske bachche ko khush rakhega, kya use ek aur mauka dena chahie ya fir apna jivan naye sire se shuru karna chahie.

jyotishiya vishleshn

ruchika ki kundli men makar lagn men shukra sthit hai v chaturth bhav men svagrihi mangal ki sthiti se ruchak yog ke nirmit hone se ye sundar v atyant akarshak vyaktitva ki mahila hone ke sath-sath sosaiti men apni vyavharkushlta v yogyata tatha vakpatuta ke chalte vishesh lokapriya hain.

lagnasth shukra ke prabhav se vah prem ke sanbandh men vishesh ruchi rakhne vali tatha jivnsathi ke bahri v bhitri gunon ki parkhi tatha achcha jivnsathi milne ke mamle men purn saubhagyashali hain tatha jivnsathi ki gatividhiyon par bhi paini najar rakhne vali hain.

shukra ki is vishesh shubh sthiti ke karan hi inhen yogya, prem karne vala v guni pati prapt hua.


get detailed kundli predictions with brihat kundli phal


ravish ki kundli men kanya lagn ke svami ki sthiti vishesh shubh hai. shani uchcharashisth hai tatha guru vishesh bali hokar hans yog v gajkesri yog bana raha hai. aisi grah sthiti vale logon ka ai.e.es. athva ai.pi.es. adi hona mukhya gun hota hai kyonki kanya lagn ke jatak kisi bhi prakar ki pratiyogita pariksha athva khelkud adi men vishvaprasiddhi prapt karte dekhe gae hain. aisi kundli men guru ka bali hans yog nirmit hokar pratiyogita pariksha men shreshthastariya saflta ka dyotak hai. inka yah guru islie vishesh bali mana jaega kyonki yah do kendron ka svami hokar tisre kendra par drishti dal raha hai aur yah yog janmakundli v chandra kundli donon men hi ban raha hai sath hi gajkesri yog banne ke atirikt iski navansh men uchch rashi hai.

is kundli men surya, budh v shukra ka shubh yog bhi shubh bhav men ban raha hai sath hi shani ke atirikt rahu, ketu bhi uchch rashisth hain. yahi karan hai ki ravish honhar v vishesh yogyata sanpann hokar bare adhikari bane tatha inke vyaktitva ka akarshan bhi kabile tarif hai. is prakar in donon ki kundliyon men uttam grah yog hone ke karan inki jori bahut achchi v lokapriya hai.

vani v kutunb ke dvitiya bhav men ashtamesh mangal ki shani ke sath yuti hone se ghar men kalah hone ke yog to bante hain parantu talak ka yog nahin hai. abhi vartaman samay men ruchika ki kundli men saptam bhav men rahu ka gochar hone ke karan inke vaivahik jivan men kuch katuta a gai hai parantu in donon ko sanyam se kam lena chahie taki inka sanbandh adhik kharab n ho.

vastav men rahu ka gochar ruchika ke vaivahik jivan ke lie sitanbar 2017 se march 2019 tak kharab rahne vala hai kyonki yah rahu chandrama se bhi ashubh bhav men ja raha hai aur janmasth shukra ko bhi dekh raha hai. march 2019 ke bad yah saptamesh chandrama par to gochar karega parantu saptam bhav aur shukra par sidha prabhav nahin dalega. atah tatpashchat vaivahik jivan men avashya hi sudhar ana aranbh ho jaega.

aktubar 2018 ke bad ruchika ki kundli men gochriya guru ki saptam bhav par drishti a jane se vaivahik rishte ko atirikt bal ki prapti hogi. donon ki janmakundliyon men aisa koi yog nahin hai jiske karan talak ki sanbhavna bhi ban sake. talak ka yog to bilkul bhi nahin hai.

ruchika ki kundli men lagnasth shukra ki sthiti yah batati hai ki yah khud nishchal v nirmal svabhav ki hone ke sath-sath tunak mijaj bhi hai. atah inke lie ravish ko kshama karna kafi kathin hoga. atah ravish ko inhen manane ke lie vishesh prayas to karna hi parega kyonki abhi asthayi algav ka yog bhi ruchika ki kundli men bana hua hai. atah aktubar 2018 tak inhen khud ko manana bhi mushkil par raha hai.


for immediate problem solving and queries, talk to astrologer now


agami sukhad bhavishya ko dekhte hue yahi jyotishiya salah di jati hai ki donon apne rishte men khatai men parte madhurta ko punarjivit karne ke lie athak prayas karen kyonki adhik der ki to tute dhage ko jorne par usmen ganth ka ghav dikhne lagega. shighratishighra apne sanbandhon men nai urja bharen taki akrosh ke badal beasar hone lagen aur halka sa jo bura vakt chal raha hai vah rishte ko bara ghav dene men safal n ho sake.

age talak hona nahin hai atah larai ko lanba karna nirarthak hi hoga. donon ki chidra dashaen chal rahi hain arthat donon ki kundliyon men donon ki mahadshaen antim parav par hain atah ghar men shanti sthapna hetu apne ishtadev ki puja, havan karya sanpann karva kar apne rishte par lagi najar ko utaren.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

farvri 2020 visheshank  February 2020

futuresamachar-magazine

fyuchar samachar ke is visheshank men - naukri, vyavsay, padonnati varsh 2020, talak kyon? jyotishiya karan aur nivaran, mangli dosh kitna manglkari, jyotish se janen-naukri ya vyapar, dilli ki rajniti adi sammilit hain .

Subscribe


.