bahudha shastron men vivah men vilanb ke lie shani grah ko hi karan mana jata hai. aisi manyataen hain ki yadi shani saptamasth hoga, saptam bhav par, saptamesh par drishtipat karega ya saptamesh ke sath yuti karega to ati avashyak rup se vivah men vilanb karaega. isi sutra ko maddenajar rakhte hue 26 jatkon ki janmapatriyon ka nirikshan kiya gaya un jatkon men kuch prasiddh film abhineta, abhinetriyan, rajnitik hastiyon ke sath sadharan logon ko bhi shamil kiya gaya.
un sabhi jatkon ke vivah ya to ho nahin pae, yadi do-tin jatkon ka vivah hua to bahut hi deri se hua. prachin kal men larkon ka vivah 23 se 26 varsh tatha larkiyon ka vivah 21 se 24 varsh tak kara diya jata tha. kintu aj ke is adhunik yug men shiksha ke star men vriddhi ke karan, niahsandeh bachchon ke vivah ki ayu men bhi vriddhi hui hai. ajakal larkon ke lie ayu sima 26 se 30 varsh tak tatha kanyaon ki 23 se 27 varsh tak ho gai hai. isi ayu ko upyukt ayu mante hue sarve men keval unhin patriyon ko sammilit kiya gaya hai
jin jatkon ki ayu 30 varsh se adhik ho chuki hai tatha unki patriyon men vivah men vilanb ke karan ka pata lagane ki koshish ki gai. parinam bahut hi hairan karne vale prapt hue. adhikansh patriyon men dekha gaya ki vivah men deri ka mukhya karan badhak grah tha. kuch mamlon men badhak grah saptamasth ya badhak grah ki saptam bhav par drishti thi. kuch mamlon men badhak grah ki saptamesh par drishti thi, badhak grah ki saptamesh ke sath yuti thi. jaisa ki ham jante hain ki vivah milan men tha vaivahik jivan ke lie navmansh patri ka avlokan bhi parmavashyak hai
atah navmansh patriyon ka bhi adhyayan kiya gaya jismen pata chala ki keval ek hi janmapatri men badhak grah ka prabhav nahin mila. atah vivah men vilanb ke lie keval shani grah ko hi jimmedar nahin mana ja sakta. atah kundli milan ke samay jyotishi ganon ko chahie ki kundli men badhak grah ka avashya vichar karen. jaisa ki ham sabhi bhali-bhanti jante hain ki char lagnon ke lie ekadshesh, sthir lagnon ke lie navmesh, dvisvabhav lagnon ke lie saptamesh badhak hota hai.
lagn anusar badhak grahon ka chart ek drishti men dekhte hainah lagn badhak grah lagn badhak grah mesh shani tula surya vrish shani vrishchik chandra mithun guru dhanu budh kark shukra makar mangal sinh mangal kunbh shukra kanya guru min budh udaharan kundli 1- priyanka chopra (abhinetri) uprokt janmakundli mesh lagn ki hai. mesh lagn ke lie shani badhak hota hai. shani chathe ghar men sthit hokar dasham drishti se saptamesh shukra ko dekh raha hai. atah 34 varsh ki ayu hone par bhi priyanka chopra ka vivah nahin ho paya.
udaharan kundli 2- kaitrina kaif (abhinetri) uprokt kundli men shani saptamesh hokar uchch rashi men kendra men sthit hai. fir bhi vivah nahin ho paya. is kundli men shukra badhak hokar lagnasth hai tatha saptam bhav par pun drishti dal raha hai. atah 32 varsh ki ayu hone par bhi vivah sanbhav nahin ho paya.
kundli 3 - ekta kapur (nirmata-nirdeshk) saptamesh shani dvadashasth hai, mitra kshetri hai tatha yogkarak mangal ke dvara drisht bhi hai. kintu badhak shukra svakshetri hokar lagnasth hai tatha saptam bhav ko saptam drishti se dekh raha hai. atah 41 varsh ki ayu hone par bhi ekta kapur ka vivah nahin hua.
udaharan kundli 4- shri atal bihari vajpeyi (purva pradhanmantri) uprokt kundli men chandra badhak hokar lagn men saptamesh shukra ke sath sthit hai jisne saptamesh se yuti karte hue saptam bhav ko bhi grasit kar diya. isi karan se manniya vajpeyi ji vivah bandh an men n bandh sake.
udaharan kundli 5- shri rahul gandhi (kangres upadhyaksha) uprokt kundli men saptamesh chandra dvadashasth hai tatha badhak mangal ke dvara drisht hai. atah 46 varsh ki ayu hone par bhi vivah karya sanbhav nahin ho paya.
udaharan kundli 6 - karina kapur khan (abhinetri) karina ki kundli men budh badhak grah hone ke sath-sath saptamesh bhi hai jo surya tatha shani ke sath svarashisth hai. karina ka vivah hua 34 varsh ki ayu men tatha shani ki saptamesh ke sath yuti hone ke karan antarjatiya tatha apne se adhik umra ke jatak ke sath hua.
udaharan kundli 7 - tushar kapur (abhineta) tushar ki kundli men badhak budh saptamesh ki bhi bhumika men hai joki surya ke sath baithakar astangat hai. atah 40 varsh ki ayu hone par bhi jatak ka vivah nahin hua.
udaharan kundli 8 - jaen abraham (abhineta) is kundli men shukra badhak tatha yogkarak hai joki dasham bhav men sthit hai jiska saptam bhav tha saptamesh se kisi prakar ka sanbandh nahin ban raha. kintu saptamesh surya guru tatha rahu ke dvara nirmit chandal yog se pirit hai. atah jatak ka vivah san 2015 men lagabhag 43 varsh ki ayu men sanbhav hua. thik isi prakar ki sthiti ek anya kanya ki janmapatri men dekhne men ai.
udaharan kundli 9 - kanya jatak is janmapatri men saptamesh mangal guru tatha rahu ke dva ara nirmit chandal yog se pirit hai atah kanya ka vivah 33ven varsh men 2013 men sanpann hua.
udaharan kundli 10 - sushmita sen (abhinetri) jaisa ki ham jante hain ki tula lagn ke jatkon ke lie surya badhak hota hai. lagn kundli men surya ka saptam bhav, saptamesh se koi sanbandh nahin ban raha. lekin badhak surya kundli ke dvitiya bhav (kutunb bhav) men sthit hai. vahin surya chandra kundli men saptam bhav men sthit hai. isi vajah se 41 varsh ki ayu hone par bhi jatika ka vivah sanbhav n hua. aise hi grah sthiti ek anya kanya ki janmakundli men prapt hui.
kundli 11 is kundli ke anusar navmesh shani badhak banta hai jiska saptam bhav ya saptamesh se kisi prakar ka sanbandh nahin ban raha. kintu vahin shani chandra kundli men uchch rashisth hokar saptamasth hai. atah 32 varsh purn hone par bhi kanya ka vivah sanbhav n ho saka. kundli nan. 10 tatha 11 men ek samanta pai gai. donon hi janm patriyon men shukra nich rashi men sthit hai. kuch kundliyon men gopniyata ke karan kanyaon ke nam pradarshit nahin kie gae. yun to kundli men kisi bhi vishay par vichar karne ke lie bhav, bhavesh, karak, dasha, gochar, yog adi ka adhyayan anivarya hai. kintu ek shodh adhyayan ke uddeshya se hamne 26 kundliyon ka nirikshan kiya jinmen se 16 mamlon men badhak ki saptam bhav par drishti, saptam men sthiti ya saptamesh se koi sanbandh paya gaya. 4 mamlon men badhak ka prabhav chandra kundli men dekhne ko mila.
1 mamle men badhak ka navmansh kundli men kuprabhav raha.
2 mamlon men saptamesh hi badhak tha (dhanu lagn saptamesh budh badhak hota hai) jo ki surya ke sath ast tha tatha 2 mamlon men saptamesh guru tatha rahu dvara nirmit chandal yog se grasit tha. 1 mamle men saptamesh dvadashasth mila. kra. kundliyon men dosh kul patriyan:
1. badhak ki saptam bhav, saptamesh par drishti ya saptam men sthiti 16 61.53
2. chandra kundli men badhak ki saptam bhav, saptamesh par drishti ya saptam men sthiti 4 15.38
3. navmansh kundli men badhak ki saptam bhav, saptamesh par drishti ya saptam men sthiti 1 3.84
4. saptamesh surya ke sath ast 2 7.69
5. saptamesh chandal yog se pirit 2 7.69
6. saptamesh dvadash bhav men sthit 1 3.84 kul kundliyan 26 100ah shodh adhyayan se spasht hai ki jyotishiyon ko chahie ki vivah vilanb ke mamlon men badhak grah ki bhumika ka avlokan avashya karen.
sanbandhit grah ka dan, jap, hom adi uchit upay karakar jatak ki samasyaon ka samadh aan karaen.