vibhinn kalasarp yogon ke pratifal dati rajeshvar maharaj anant kalasarp yog ke karan vyakti ke jivan men sangharsh, virag, apnon se tana-tani ashyog, grihasth jivan men nirsta cha jati hai. kulik kalasarp yog arthik sthiti ko danvadol karke svabhav ko chirchira bana deta hai aur svasthya men utar-charhav ke sath vaicharik matbhed adi paida karta hai. vasuki kalasarp yog parivarik kalah, sangharsh, rishtedaron v mitron se dhokha tatha bhai-bahan se anaban ka karan banta hai.
shankhpal kalasarp yog ke karan vidya prapti men badha, mansik v gharelu kathinaiyon tatha vishvasghat ka samna hota hai. padm kalasarp yog santan prapti men badha ya vilanb karta hai, parhai men rukavat, dampatya jivan men tanav, sangharsh v shatruon se hani hoti hai. mahapadm kalasarp yog yatraen, chinta, svapn men sanp v shatruon ke shadyantra ke rup men prakat hota hai. takshak kalasarp yog se vaivahik jivan men tanav, sanbandh-vichched ki nauvat a jati hai, asafal prem sanbandh tatha mansik kasht hota hai.
karkotak kalasarp yog se alpayu ka bhay, vani men dosh, gali galauch, shatruon ka janm, dhan ka abhav hamesha bana rahta hai. shankhchur kalasarp yog sarvis seva men avrodh, avnti, mama, nana v sanbandhiyon ke prati chinta bani rahti hai, vyapar men ghata hota hai. ghatak kalasarp yog janm se hi parivar se alag kar deta hai, shatruon ki adhikta ke sath mansik klesh deta hai parantu ant men vah vyakti prasiddhi prapt kar leta hai.
vishadhar kalasarp yog uchch shiksha men badha, smaran shakti men kami, santan ki bimari, nana-nani v dada-dadi se vishesh labh v hani ke rup men falit hota hai. shesh nag kalasarp yog vale vyakti ko janm sthan se dur ijjat, man v prasiddhi milti hai, netra pira, ichcha purti men rukavton ke sath gupt shatru paida ho jate hain, jivan ko rahasyamay banakar kam ka dhang nirala banata hai aur ant men khayati dilata hai.