dipavli ka parva prachin kal se hamare desh men manaya jata hai. lakshmi ki utpatti ke sanbandh men vedon, upnishdon, puranon aur sanhitaon men ullekh hota hai. pauranik granthon ke anusar lakshmi ki utpatti samudra se hui hai. devon aur danvon ne milakar jab sagar manthan kiya to usmen se chaidah ratn prapt hue lakshmi ji unmen se ek hain. dipavli aur manokamnaon ka apas men gahra rishta hai. tantra shastra men dipavli ko sabhi prakar ki sadhnaon ke liye sarvadhik upyukt mana gaya hai. tabhi to ise mahanisha kaha gaya hai. aisi nisha jo varsh bhar men sarvadhik mahan hai. dipavli ki rat man lakshmi ke pujan ke sath-sath lakshmi prapti ke totke, upay karne se kabhi bhi dhan ki kami nahin hoti aur man lakshmi ki kripa bani rahti hai. dipavli par kiye jane vale kuch vishesh totke karke man lakshmi ki kripa prapt kar sakte hain.
1 dipavli ke din pratahkal man lakshmi ke mandir jakar lakshmi ji ko poshak charhaen, khushbudar gulab ki agarabatti jalaen, dhan prapti ka marg khulega.
book shani shanti puja for diwali
2 dipavli ke din pratah ganna lakar ratri men lakshmi pujan ke sath ganne ki bhi puja karne se apki dhan sanpatti men vriddhi hogi.
3 dipavli ki rat pujan ke pashchat nau gomti chakra tijori men sthapit karne se varshabhar samriddhi aur khushhali bani rahti hai.
4 agar ghar men dhan nahin rukta to narak chartudshi ke din shraddha aur vishvas ke sath lal chandan, gulab ke ful v roli lal kapre men bandhakar pujane aur fir use apni tijori ya paise rakhne ki jagah men rakhen. dhan ghar men rukega aur barakat bhi hogi.
5 dipavli se aranbh karte hue pratyek amavasya ko sham men kisi apang bhikhari ya viklang vyakti ko bhojan karaen to sukh samriddhi men vriddhi hoti hai.
book laxmi puja online
6 kafi prayas karne ke bad bhi naukri n mil rahi ho to dipavli ki sham lakshmi pujan ke pashchat ya pujan ke samay thori si chane ki dal lakshmi ji par chirak kar bad men ikatthi karke pipal ke per par samarpit kar den. naukri shighra hi lag jayegi.
7 dukandar, vyavsayi dipavli ki ratri ko sabut fitkri lekar use dukan men charon taraf ghumaen aur kisi chairahe par jakar use uttar disha ki taraf fenk den. aisa karne se jyada grahak aenge aur dhan labh men vriddhi hogi.
8 dipavli par pujan ke samay man lakshmi ko kamalagatte ki mala pahnaen aur agle din savere lal kapre men vah mala bandhakar ghar men paise rakhne vali jagah par rakhen, 3 bar un mahalakshmyai namah bolen.
9 dipavli ki rat panch sabut supari, kali haldi v panch kauri lekar gangajal se dhokar lal kapre men bandhakar divali pujan ke samay chandi ki katori ya thali men rakhakar puja karen. agle din savere sara saman dhan rakhne vali jagah men rakhen. hamesha man lakshmi ki kripa bani rahegi. pathakagan dipavli ki ratri men upay karke dekhen, man lakshmi ki kripa avashya hogi.
jivan men jarurat hai jyotishiya margadarshan ki? abhi bat karen fyuchar point jyotishiyon se!