gantantra divas ke 68ven varsh pravesh kundli (varsh kundli) men bharat varsh 26 janvri 2017 i., guruvar, chaturdashi tithi, purvasharha nakshatrakalin vrish lagn men pravesh karega. varsh lagnesh shukra dasham bhav men ketu se yukt hai. navam bhav yojna vikas ka hai. vahan surya shatru rashi men sthit hai. us par guru v shani ki shatru v nich drishtiyan par rahi hain. 4 mah kendra sarkar ke liye sanktkalin rahenge. chaturth sthan janta ke bhav sthan men rahu janta men sarkar ke viruddh akrosh panpega. 27 janvri se 30 mai ke madhya guru shukra virodhi grahon ke madhya samasaptak yog rahne se bhajpa sarkar ke lie pareshani ka yog hai. muntha shashth bhav (vikas yojnaon) men hone se vikas yojnaen banengi. muntha-mangal dvara drisht hone se achcha yog ban gaya hai. chin v pakistan 14 agast 2017 mesh lagn men udit hua hai. muntha vyay bhav men gupt, shatru shadyantra men munthesh guru dvara drisht hai. muntha par surya, mangal, shani grahon ki drishtiyan par rahi hanai jisse bharat ki vishva men pratishtha barhegi. budh$rahu v nich ka mangal chaturth sthan men hai isse mahangai barhegi. janta andolit rahegi.
kuch yojnaen janta ko ras nahin ayengi. hartal v andolan ka yog hai lekin vikas teji se hoga. kul milakar grah evan yogon ke falasvarup bharat ki raksha shakti barhegi. pakistan fansega v bharat vishva guru banne ki or agrasar hoga. bharat ki janm kundli men panch grah parakram sthan men hai. lagnesh shukra bhi parakram sthan men hai. bharat hamesha parakramshali raha hai aur rahega chahe 1965 ho, 1971 ya kargil yuddh. bharat vishal hriday vala desh bhi hai. kalasarp yog ke karan pareshniyan bhi ati rahengi. rahu lagn men hone ke karan bhrashtachar, atankvad, hindu muslim vivad aur jativad bhi chalta rahega. san 2017 grah gochr: is varsh ka raja mangal mantri brihaspati hai jo shubh karak hai. 13 jan. 2017 se 10 farvri 2017 tak panch shukravar hone se achchi faslen hongi. striyon ka prabhav barhega. 14 janvri ko shanivari makar sankranti tatha 20 janvri se 28 farvri tak mangal shukra ka sam saptak yog, 26 janvri se shani ka dhanu rashi men ana tatha 27 janvri se 30 mai tak guru, shukra madhya samasaptak yog hone se sankat ka yog. rajnitik aur arthik kshetron men sankat ka yog hai. 6 farvri ko guru vakri hone se anek badlav honge.
grah gochr: 11 mai se 9 jun tak 5 guruvar tatha 5 shukra hone, 26 mai se 19 jun tak mangal shani ke madhya samasaptak yog hone tatha 14 mai ko ravivari sankranti hone se uttar pradesh, jammu kashmir men sampradayik tanav aur hinsa ka yog hai. mahangai barhegi, janta pareshan, andolnon ka yog, 10 julai se 7 agast tak panch somvar honge. 16 julai ko ravivar sankranti hone se rajnetaon men vivad barhega. prakritik apdaon ka yog, badal fatne aur bhukanp ka yog bhi hai. 8 agast se 6 sitanbar tak panch manglvar hai.
16 agast se surya-shani drishti sanbandh tatha 17 agast se 26 agast tak mangal rahu ka yog varsha men kami, kahin barh aur kahin ativarsha karayega isse sankat barhega. 7 sitanbar se 5 aktubar ke bich panch guruvar tatha 14 sitanbar se varshant tak gocharasth kalasarp yog rahne se prakritik prakopon ka yog, janadhan ki hani ka yog, atankvadi ghatnaon ka yog aur vishfot ka yog hai. khappar yog: kartik, margashirsh, evan paush mason men 6 aktubar se 2 janvri 2018 tak panch shani, panch ravivar, panch manglvar hone se anishtakari khappar yog ban raha hai.
desh men mahangai, vivad, atankvad, hinsa aur prakritik prakopane ka yog bhi hai. kul milakar grahon ke karan varsh 2017 men vikas karne ke sath bharat vishva men agrani bhumika lekar pramukhta se ayega kintu atankvad bhi desh men barhega.