fyuchar samachar ke janvri 2014 ke alekh men apko apna pakshi gyat karne ki vidhi samjhai gai hai tatha apki suvidha ke lie sarni bhi sanlagn kiya gaya hai taki apko koi asuvidha n ho tatha ap apne janmapakshi ka nirdharan asani se kar saken. panch pakshi shastra se do bhinn vyaktitva ke var evan kanya ke agami jivan ke apsi sanbandhon ka vishleshan kiya jata hai.
pratyek pakshi ka dusre pakshi ke sath ek khas prakar ka sanbandh evan apsi vyavhar hota hai. do pakshiyan apas men mitra ho sakte hain, ek dusre ke lie sam arthat n to mitra aur n hi shatru athva ek-dusre ke kattar shatru ho sakte hain. aie dekhen ki do bhinn pakshiyon ke var evan kanya ke bich vivahoprant kaisi samrsta athva samanjasya ki bhavna hoti hai athva nahin hoti hai. panch pakshi se vaivahik milan var-giddha: kanya-giddh yadyapi ki ap donon ke svabhav evan gun ek jaise hain kintu yah samanta vaivahik jivan ke lie thik nahin hai kyonki ap donon sakht, laprvah, bachchon jaisi harkten karne vale, jimmevari se munh morne vale hain.
apne sakht bartav ke karan ap hamesha ek-dusre ki bhavnaon, ichchaon evan avashyaktaon ki avhelna karenge tatha anavashyak rup se larte-jhagrte rahenge. kathin paristhitiyon men ap ek-dusre ka sath nahin denge. yadi apko vaivahik samanjasya banae rakhna hai to ek-dusre ka samman karen, uttaradayitva ko samjhen. aj pati-patni ke bich men talmel avashyak hai. bhagvan shiv ki aradhna apke lie shreyaskar hai.