hast rekhaen v bolne ki kala bharti anand vyakti ke chalne firne, uthne baithne, hansne bolne ke dhang se uske vyaktitva ka pata chalta hai. jis prakar uthne baithne, chalne firne men ya kisi anya karya men shishtachar avashyak hai usi prakar hansne bolne men mridulta jaruri hai. isse vyaktitva akarshak hota hai, usmen nikhar ata hai. bolna vastutah ek kala hai aur is kala men nipun vyakti sunne vale ko ek tarah se sammohit kar leta hai. kintu yah kala har kisi men nahin hoti. bahut se logon men atmavishvas ki kami hoti hai aur ve svayan ko prabhavshali dhang se abhivyakti nahin kar pate, aur atmavishvas men yah kami hast rekhaon men vyapt dosh ke falasvarup ho sakti hai. rekhaon, chihnon ungliyon adi ki kin sthitiyon men bolne ki kala men kami ati hai iska sankshipt vivaran yahan prastut hai. mastishk rekha doshpurn ho, usmen janjirnuma rekha banti ho, jivan rekha chahe thik ho aur budh grah unnat n ho to vyakti ke vyaktitva men atmavishvas ki kami hoti hai aur vah dhara pravah nahin bol pata. doshpurn mastishk rekha ko rahu rekhaen katti hon, bhagya rekha jivan rekha ke pas ho, surya ki ungli tirchi ho aur surya par kat fat ho to vyakti bolne ki kala men nipun nahin hota. hriday v mastishk rekha, doshpurn hon, hath men dhabbe hon, ungliyan terhi hon, to vyakti bhashan dene ya apni bat dusron ke samne sahi dhang se rakhne men asamarth hote hain. angutha kam khulta ho, mastishk v jivan rekhaon ka jor lanba ho, hath sakht aur patla ho, sabhi grah dabe hon, to vyakti ki bolne ki kala se koi bhi prabhavit nahin hota. mastishk rekha dvibhajit n ho, guru ki ungli choti, surya ki terhi ho, hriday rekha men dosh ho aur mastishk rekha ko barik rekhaen katti hon to vyakti bolne ki kala se vanchit rahta hai. hriday rekha se moti shakhaen niche ki taraf, mastishk rekha ko katen, jivan rekha men dosh ho, chandra rekha men dvip ho to vyakti kisi ko bhi apni vakshaili se prabhavit nahin kar pata hai. jivan v mastishk rekhaon ka jor lanba ho, surya v budh kshetra kat fat ho aur surya ki ungli hatheli ki taraf ho aur vyakti ke grah surya, budh aur shani bhi uÿam n hane to uski boli men koi akarshan nahin hota hai. bhagya rekha men dosh ho, bhagya rekha mastishk rekha par ruke, mastishk rekha men koi shakha n ho aur usmen dosh ho, hath ka rang kala ho aur usmen moti rekhaon ka jal ho to vyakti dusron se to prabhavit ho jata hai par khud prabhavit nahin kar pata. angutha chota aur mota ho aur ungliyan bhi moti hane to vyakti men bolne ki kala ka abhav hota hai. surya grah daba ho, shani v budh ki sthiti bhi thik n ho to vyakti men atmavishvas men kami hoti hai aur vah mansik tanav se grast rahta hai. faltah dusron ke samaksh apne vichar prabhavshali dhang se nahin rakh pata. vakptu logon ke hathon ke kuch lakshan surya, budh v shani grah uÿam hon, surya rekha mastishk rekha ko chirakar jae, ungliyan patli v sidhi hon, mastishk rekha dvibhajit ho, bhagya rekha sidhe shani kshetra par jati ho, mastishk v jivan rekhaon men koi bara dosh n ho to vyakti ki vani sammohan ka karya karti hain aur vah logon ka dhyan apni or khinch leta hai. mastishk rekha dohri ho, angutha lanba v piche ki taraf ho, ungliyan patli v choti hon, guru grah v uski ungli surya ki ungli se lanbi ho, jivan rekha saf ho to vyakti ki bhasha par pakar hoti hai aur vah bhashan dene men mahir hota hai. hriday aur mastishk rekhaon men koi dosh n ho, budh ki ungli thori terhi ho, surya rekha dohri ya saf suthri ho, mastishk rekha mangal tak jati ho, jivan rekha men koi jor n ho, surya v budh grah unnat hon to aise logon men bolne ki kala hoti hai. shani aur surya ki ungliyon ka adhar barabar ho, jivan rekha ke sath mangal rekha ho, hath ka rang saf ho, hath bhari ho, ungliyan patli hon, guru, surya v budh grah thik hon, aise log apni vakpatuta se sabhi ko prabhavit karte hain kintu unki shaili ghumavdar hoti hai. aganutha lanba ho, guru ki ungli surya ki ungli se lanbi ho, hriday rekha saf suthri ho, mastishk rekha shuru v ant men dvibhajit ho, chandra utha ho, anya grah bhi thik hon, hath bhari ho to aise logon ki vani sammohan ka karya karti hai. inke atirikt kai aur lakshan aise hain jo hamari bolne ki kala ko prabhavit karte hain. kuch doshon ka nivaran karke ham bolne ki thori bahut kami ko saflta purvak dur kar sakte hain.
Kya aapko lekh pasand aaya?
Subscribe