अमेरिका में प्राकृतिक आपदाएं और सूर्य ग्रहण

amerika men prakritik apdaen aur surya grahn  

Abha Bansal
Views : 2657 | November 2017

jyotish men mana gaya hai ki jis kshetra men surya grahan parta hai us kshetra ke raja ko mushkilon ka samna karna parta hai. vahan par prakritik ya manvjnit apdaen ati hain. apdaon ki gahnta grahan ki gahnta par nirbhar karti hai. iska prabhav ek se tin mas ke andar a jata hai. surya grahan ka adhikatam prabhav chah mas tak rahta hai, taduprant dusra surya grahan kisi dusre sthan par par jata hai.

21 agast 2017 ko amrika men purn suryagrahan para tha. prabhav 2 mas ke andar florida men nete tufan, las vegas men atanki golibari v kailiforniya men bhayanak ag ke rup men parilakshit hua. jyotish men grahnon ka bahut mahatva hai kyonki unka sidha prabhav manav jivan par dekha jata hai. chandrama ke prithvi ke sabse najdik hone ke karan uske gurutvakarshan ka sabse adhik prabhav parta hai. isi karan purnima ke din samudra men sabse adhik jvar ate hain aur grahan ke din unka prabhav aur adhik ho jata hai. bhukanp bhi gurutvakarshan ke ghatne aur barhne ke karan hi ate hain.

yahi bhukanp yadi samudra ke tal men ate hain, to sunami men badal jate hain. bhukanp, tufan, sunami adi men vaise to surya, budh, shukra aur mangal ka prabhav dekha gaya hai lekin chandrama ka prabhav vishesh hai evan grahan ka prabhav aur bhi vishesh hai. grahan adhikanshtah kisi n kisi ane vali vipda ko darshate hain. grahan ek khagoliya ghatna hai jo khagoliya pindon ki vishesh avastha v sthiti ke karan ghatti hai. ve khagoliya pind prithvi, surya v chandrama jaise grah, upagrah ho sakte hain. is dauran in pindon dvara utpann prakash in pindon ke karan hi avruddh ho jata hai.


jivan ki sabhi samasyaon se mukti prapt karne ke lie yahan klik karen !


surya grahan evan chandra grahan ka vyakti evan samashti par nissandeh vyapak prabhav parta hai. surya grahan evan chandra grahan vyakti, samuday evan rashtra ko har drishtikon se shubh athva ashubh rup men prabhavit karte hain. surya grahan ke pahle ya bad men chandra grahan avashya hota hai. jin deshon men grahan dikhai deta hai vahan prakritik apdaen ati hain. vaigyanikon ki manen to grahan ke karan chand aur suraj ke gurutvakarshan bal ek hi disha men ane ke chalte dharti ke bhitar bhari halachal hoti hai jiske chalte jalapralay, jvalamukhi, bhukanp hone ke asar barh jate hain.

jyotishshastra ke anusar surya grahan aur chandra grahan ka bhukanp v sunami par spasht prabhav parta hai. jab kabhi ek paksh arthat 15 din men do grahan parte hain to uske 2 mas ke bhitar bhukanp ate hain. jyotish siddhant ke anusar surya grahan par shani vakri ho to tin paksh ke bhitar bhukanp ane ki sanbhavna barh jati hai. jab kabhi shani ka sanbandh budh ya mangal sthit rashiyon ke svamiyon se ho to prakritik apdaon ki sanbhavna barh jati hai.

7/8 agast 2017 ko chandragrahan hua tha, us samay shani vakri avastha men amerika ke hraday ki rashi vrishchik men vicharan kar rahe the, surya-mangal kark rashi men anshon men nikatatam the. is samay ke grah gochar men jaliya rashi vishesh rup se pirit ho rahi hai. isi prakar 21/22 agast 2017 ko amerika ke madhya men purva surya grahan raha evan surya grahan ke samay shani vakri avastha men vrishchik rashi men gochar kar rahe the. budh bhi vakri avastha men the. 8 grah surya grahan ke din kundli ke kramanusar tin bhavon men simat ae the. kark, sinh aur kanya rashi men sabhi grahon ki shaktiyan ekatrit ho gai thin jinmen sinh rashi amerika ki lagn rashi buri tarah pirit ho rahi thi.

1 aktubar 2017 ko amerika ka las vegas shahar ek bar fir se antkiyon ki goliyon se gunj utha. ek bandukbaj ne andhadhundh golibari ki jismen lagabhag 59 log mare gae aur 500 se adhik ghayal ho gae. is antki hamle ki jimmedari paipai ne li. jis samay yah dardanak ghatna ghati us samay ek prasiddh gayak apni prastuti de rahe the, aur vahan par 22000 shrota maujud the. amerika ke rashtrapti ne ise ek bara atanki hamla kaha hai.


apni kundli men rajyogon ki jankari paen brihat kundli riport men


yah amerika men ab tak ke mas shuting ki sabse bari ghatna hai. isse purva, 16 aprail 2017 ko ek hamlavar ki goli men 32 log mare gae the. jun 2016 ko aise hi ek hamle men 49 logon ki jan gai thi. 25 farvri 2016 ko hue hamle men marne valon ki sankhya 3 rahi thi. isi prakar isse purva bhi hone vali ghatnaon men marne vale vyaktiyon ki sankhya itni adhik nahin rahi thi. par ek ke bad ek jan-mal ki hani hona chinta ka vishay avashya raha hai. yah bhi ek paksh men ek se adhik grahan hone ke parinamon men shamil hai.

jab bhi samuhik jan-mal ki hani hoti hai to uska jyotishiya vishleshan mediniya jyotish ke sutron se kiya jata hai. 8 agast 2017 ko jaliya rashi prabhavit hui aur thik 2 mah men 8 aktubar 2017 ko nete namak tufan tabahi banakar samne aya, jismen is tufan ne bhayanak chakravat ka rup lekar darjanon logon ko apni chapet men le liya tha. nete tufan madhya amerika men bare paimane par tabahi ka karan bana. yah tufan maiksikan tat ki or teji se barh gaya hai, isse maiksikan kshetron men bhi tabahi ki ashanka se inkar nahin kiya ja raha.

itne bare tufan se hone vali tabahi se amerika abhi ubra bhi nahin tha ki 10 aktubar 2017 ko kailiforniya ke janglon ki ag ne vikral rup dharan kar liya hai. 21/22 agast 2017 men sinh rashi par jo kasht bana tha, vah 10 aktubar 2017 ko janglon ki bhayanak ag banakar samne aya. yah ag itni bhayanak hai ki ise ab tak ke itihas ki sabse bhishan ag kaha ja raha hai. is ag ke karan 17 se adhik logon ki maut ho chuki hai, 15 lapta hain v 100 se adhik log ghayal hain, karib 2000 logon ke ghar jalakar rakh ho chuke hain.

ehtiyat ke taur par 20000 logon ko surakshit sthan par le jaya gaya hai. ek mote anuman ke anusar is ag se lagabhag 115,000 ekar ka kshetra jalakar nasht ho chuka hai. amerika ko ek hi saptah men do-do prakritik apdaon v atankvadi hamle ka samna karna par raha hai. achanak se amerika ek sath itni apdaon ka shikar kyon ho raha hai? vishva ke sabse shaktishali aur viksit desh amerika par ek hi mah men achanak se itni bhayanak prakritik apdaon ke ane ka karan kya hai? pure vishva par amerika apni dhak rakhta hai.

bare-bare desh usse bhay khate hain. aise shaktishali desh ka prakritik apdaon par purn niyantran n hona, yah spasht karta hai ki prakriti par vijay pana abhi shesh hai. jyotishanusar suryagrahan ke 1 se 3 mahine ke andar prakritik apdaen ati hain. surya grahan ke madhya bindu ke upar se hi nete ka gujrna ittafak nahin hai. amerika men bhi uske bad hi vikral ag aur vinashkari tufan ke rup men prakriti ka khaufnaf chehra samne aya hai. bhartiya vaidik jyotish ki shakha ’mediniya’jyotish ke anusar surya grahan v chandra grahan ka prakritik apdaon se sidha sanbandh hota hai.


get detailed kundli predictions with brihat kundli phal


aisi khagoliya ghatnaon ka parashar v varahmihir jaise rishi hajaron varshon se adhyayan karte ae hain. vaigyanik yug men abhi bhi prakritik apdaon ki satik ganna lagana asanbhav hai. iske viprit surya grahan aur chandra grahnon ka sukshmata se adhyayan karne par yah bat spasht hoti hai ki is prakar ki ghatnaon ke lie bahut had tak surya grahan ki purnata ghatna ki bhayavhta ko darshati hai. purn surya grahan ko ek prakritik chetavni mante hue, isse bachav ke upayon par dhyan dena chahie.

viksit hona bhi prakritik apdaon se nahin bachata aj hamen yah samjhne aur svikar karne ki jarurat hai ki prakriti ke bal par hi hamara jivan hai. jivan ke lie prakriti ki anukulta aur sahyog jaruri hai. manushya ko kabhi-kabhi bhram ho jata hai ki usne prakriti par vijay prapt kar liya hai aur isi bhram men prakriti ko tahs-nahas karne lagta hai. prakriti ko tahs-nahas karne ki saja use samy-samay par milti rahti hai.

svarth ne manushya ko prakriti ka dushman bana diya hai. iski chapet men n keval vikasshil desh balki viksit desh bhi a rahe hain. vibhinn deshon men ai prakritik apdaon par kie gae sarvekshan se samne aya hai ki aj tak prakritik apdaon se hui tabahi se amerika aur japan ka sabse jyada nuksan hota hai. lekin eshiya ki ubhrti hui takton chin, bharat aur indoneshiya ko amerika aur japan ki tulna men prakritik apdaon ke karan jyada khatra hai.

briten ke jokhim mulyankan karne vale mepalakraeft ne 196 deshon ko bhukanp, sunami, jvalamukhi, bhuskhalan, barh, tufan aur jangal ki ag se hone vale arthik jokhim ke adhar par raink die hain. rainking men amerika pahle sthan par hai uske bad japan, chin aur taivan hain. ye desh ‘ati jokhim’ bhare hain. iska matalab ye hai ki agar koi prakritik apda hoti hai to punarnirman men jo lagat aegi vah kahin jyada hogi.

Kya aapko lekh pasand aaya? Subscribe


Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business


.