bahut chamatkari ratn hai kathla dae. parvesh yah baingni, nila aur shvet adi rangon men paya jane vala paradarshi, snigdh, naram aur chamkdar ratn hai. magar yah jitne gahre baingni rang ka hoga, vah utna hi achcha hota hai. iski khanen brajil, afrika aur bharat men hain. magar yah brajil ka uÿam mana jata hai. yah ratn achanak hone vali durghatanaon se bachata hai. kisi par jadu-tona, kiya-karaya hai, uske lie bhi bahut hi faydemand hota hai. am taur par log kahte hain ki paisa hath men tikta nahin, ata bad men aur chala pahle jata hai. yah ratn fainenshiyal staibiliti ke lie bahut kam ka hai. is ratn ki ek aur visheshta hai ki jo log jyada sharab pite hain, agar unko kathla dharan karaya jae to ve bhi ahista-ahista sharab chor dete hain. dusri buraiyon se bhi admi dhire-dhire chutkara pa leta hai. jin jatkon ka janm 21 farvri se 20 march ke bich hota hai, ve bhi agar ise dharan karen to unke lie bhi achcha hai. min rashi vale jatkon ko to kathla turant dharan karna chahie. agar avivahit larkiyan ise dharan karen to unhen bahut sanudar aur pyar karne vale pati ki prapti hoti hai. grik logon ka vishvas hai ki ise dharan karne vale jatkane ka jivan bahut khushhal hota hai aur unke man men dusron ke prati daya ki bhavna paida ho jati hai. jo log galat adton ka shikar ho jate hain, unke lie bhi yah ratn ramban ki tarah kam karta hai. jo log chikitsak, vaigyanik, ganitagya aur risarch karne vale vidvan hain unke lie bhi yah bahut mufid ratn hai. sarkari karmachari agar apni pasand ki jagah par transafar karvana chahte hain ya pramoshan chahte hain to unke lie bhi yah ratn bahut madad kar sakta hai. jin jatkon ki janm tarikh 3, 4 aur 8 hai, unko bhi yah ratn dharan karna chahie. kunbh rashi valon ke lie bhi yah ratn bahut kam karta hai. agar kaha jaye ki yah ratn gunon ki khan hai to koi atishyokti nahin hogi. vastav men yah bahut chamatkari ratn hai.
Kya aapko lekh pasand aaya?
Subscribe