हस्त रेखा विज्ञान के अनमोल सूत्र

hast rekha vigyan ke anmol sutra  

Future Point
Views : 3702 | April 2017

prashna: hast rekha visheshagyaon ke lie sarvadhik mahatvapurn baten kya hain? uttara: hast rekha shastra men mukhyatah samanya aur asamanya do prakar ki baten samne ati hain. jab ek hast rekha visheshagya kisi ke hath ka adhyayan karta hai, to sarvapratham yah dekha jata hai ki us jatak ke sharir ke anupat men hath, hath ke anupat men anguliyan evan angutha, inke anupat men nakhun tatha in sabke anupat men uski rekhaen sudrirh hain, ya nahin. iska anupatik yog uske hath ka adhyayan karne men sahyog karta hai. in sabka anupat thik n hone par vishesh adhyayan ki avashyakta hoti hai tatha anupat thik hone par jatak ke bare men samanya adhyayan se hi kafi kuch jana ja sakta hai. hast rekha adhyayan ke samay sarvapratham bhutkalik ghatnaon ka adhyayan kar ke, uski satyata ki pushti hone par, vartaman ki gatividhiyan jani jati hain.

jab bhutkalik aur vartaman ki baten satya sabit hone lagti hain, to bhavishya ke bare men vishvaspurvak bataya ja sakta hai. vaigyanik taur par dekha jae, to hast rekha parivartit hoti rahti hain. is karan bhavishya ki batayi gayi baten tabhi satya hoti hain, jab unse sanbandhit rekhaen bhavishya men sthir rahane. kuch batane hath ke prakar aur anguliyon tatha anguthe ke prakar evan parvaton ke madhyam se batayi jati hain. ve baten hamesha satya hoti hi hain. prashna: hast rekha adhyayan men hath ke akar-prakar tatha unki rekhaon ki bhinnata bataen? uttara: hast rekha shastra men hath ki rekhaon tatha hath ke akar-prakar ko paraspar do bhagon men banta gaya hai. mukhya rup se hath evan anguliyon ke akar-prakar se jatak ke charitra evan vyaktitva par paitrik prabhavon ka pata lagaya jata hai. hath ki rekhaon se jatak ke jivan men bhut, bhavishya, vartaman ki ghatnaon ko jana jata hai.

atah donon ko dekhna avashyak mana gaya hai. hath ki banavat ka adhyayan rekhaon ki apeksha saral hai. is karan praranbh men ise adhar man kar adhyayan karna chahie. jo bhi gun-avgun hath ke adhyayan se milte hain, unmen do pahlu hote hain, jaise koi kalakar banega, is bat ke do pahlu hain: pahla vah, jo vah kala ke kshetra se sanbandhit anek pramanapatra hasil kar ke bara kalakar kahlaega. dusra, iske viprit vah pramanapatra hasil n kar paega, n hi uski lalsa hogi. parantu vah andar se mahan kalakar hoga. prashna: yadi ungliyan moti tatha bedaul hon, to jatak ka svabhav kaisa hota hai? uttara: jis jatak ki ungliyan moti aur bedaul hoti hain; sath hi ve anguliyan adhikanshtah choti bhi hoti hain, to aise jatak svarthi, krur tatha asanymit hote hain. ye jatak jivan men asafal, ya samanya safal hote hain. prashna: piche ki or adhik jhukne vali ungli ki visheshta kya hai? uttara: piche ki or dhanush ke saman murne vali ungli jatak ke svabhav ko akarshak evan milnsar banati hai. aise jatkon men mitrata ki bhavna adhik hoti hai tatha ve samaj men adhik mitra banate hain aur svayan bhi mitrata nibhate hain. ve har bat ko purn rup se janne ke ichchuk hote hain tatha inmen chalaki bhi adhik payi jati hai. prashna: durghatana ka sanket kin chihnon se prakat hota hai? uttara: shani tatha mangal parvat par tarak chihn, chandra parvat ke madhya ek khari rekha, hath ke sire ki or jati hui, lahrdar, niche ki or jhuki hui mastishk rekha durghatana karati hain. shani parvat ke niche khandit mastishk rekha evan dhabbe se sir par chot lagti hai. surya parvat ke niche khandit mastishk rekha bhi durghatana karati hai.

prashna: atmahatya darshane vale hathon ke lakshan bataen ? uttara: jis jatak ke hath men jivan evan mashtishk rekhaon ki anek shakhaen chandra parvat ke nimn adhar ke age niche ki or barhti hain, usmen atmahatya karne ki tivra ichcha hoti hai. is prakar ke jatak ki mastishk rekha chandra parvat ke pas yadi vakra hoti hai, to adhik kharab mani gayi hai. prashna: yadi kisi hath men anek rekhaen hon, to jatak par kya prabhav hota hai ? uttara: hath chahe kisi bhi prakar ka ho, yadi hath men sabhi dishaon men jane vali anek rekhaen hon, to jatak jaldabaj, chintapurn tatha sadharan si bat se ghabrane vala evan sanvednshil hota hai. prashna: doshpurn rekha kise kahte hain ? uttara: rekha hatheli men aspasht ho, dhumil ho, terhi-merhi ya khandit ho, to us rekha ko doshpurn rekha kahte hain. iske atirikt jis rekha par koi ashubh chihn hota hai, vah bhi doshpurn hoti hai tatha doshpurn rekhaon ka fal uttam nahin hota hai. prashna: sukhi vaivahik jivan ka vichar kis rekha se kiya jata hai? uttara: hatheli ke vivah kshetra par hi vivah rekha, vaivahik sukh ke lie, uttam hoti hai. brihaspati kshetra se ati hui sidhi rekha ka hriday rekha se milna sukhad vaivahik jivan ka dyotak hai. stri ke brihaspati parvat par nakshatra ka hona prem ki santushti aur sukhad vaivahik jivan ka sanket hai. hriday rekha ki samapti guru par ho tatha shuruat men domanuhi shakhaen hon, to sukhi vaivahik jivan mana jata hai.

prashna: kya yah jana ja sakta hai ki yah jatak sukhi, sanpann aur bhagyavan hoga? uttara: kisi ko adhik bhagyashali kahne ke lie uske hath aur anguliyon mane kuch vishesh shubh lakshan paye jate hain, jaise anguliyan sidhi hon tatha niche ki or moti aur upar ki or thori si patli hon, hath ka rang gulabi ho, jivan rekha kuch ghumavdar ho, hriday rekha gahri ho tatha bhagya rekha ek se adhik ho, hath dekhne men akarshak ho, to jatak sukhi, sanpann evan bhagyavan hota hai. prashna: hath dekh kar bimariyon ke bare men kaise jana jata hai ? uttara: bimariyon ke bare men anek sthanon se jana jata hai, jaise adhik faila hua hath aur chaira nakhun hriday ki bimari utpann karte hanai. hath men anek nasen nili abhayukt dikhne par rakt evan hriday rog ka sanket mana jata hai. yadi lanbi bimari hogi, to hriday rekha aur jivan rekha adhikatar doshi payi jaengi tatha kai sthanon par kati hongie. mukhya rup se hatheli men sikuri hui manspeshiyan tatha ek dusre ki or muri hui anguliyan bari bimari, ya mastishk kshamata ki kami ko darshati hanai. kabhi-kabhi anguliyan asamanya rup se lanbi tatha lachili hoti hain, to bhi bimari ki avastha ka sanket paya jata hai. prashna: videsh se labh dilane vali rekhaon ke bare men likhen. uttara: bhagya rekha chandra kshetra se nikal kar shani kshetra men jae, angutha piche ki or jhuka ho, mashtishk rekha sidhi ho evan upri chandra, ya mangal ko jae, hath men manibandh se chandra rekhaen niklti hon, kuch chandra rekha jivan rekha se milti hon, to videsh se labh ka sanket milta hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  April 2017

futuresamachar-magazine

fyuchar samachar ke hast rekha visheshank aprail 2017 men hast rekha vigyan sambandhit vistrit jankari, vibhinn shodhaparak lekh jinmen anguthe ka mahatva, hatheli men vibhinn rogon ke lakshan, jatak naukri karega athva vyavsay tatha hastarekha se anumanit ayu adi pramukh hain. satya katha men chainnai ki rajneta shashikla ke sitare tatha vichar goshthi men hastarekha evan kundali milan ke atirikt dae. rakesh kumar sinha ka pavan sthal namak sthayi stambh men shri harihar kshetra ka varnan atyant rochak hai. vastu paramarsh men flait ka vastu vishleshan namak vishay par charcha ki gai hai. sampadkiya men yah darshaya gaya hai ki kis prakar hast rekhaon ka gyan svasthya sambandhi jankari ke lie vishesh rup se upyog men laya ja sakta hai. anya sthayi stambhon men di gai jankari bhi niyamit pathkon ke lie upayogi siddh hogi.

Subscribe


.