dipak ka prakash bhagavat prakash hone ke karan jiv, maya aur brahm tinon hi is mahotsav men puje jate hain. atah yah dipotsav bhagvan vishnu ka grihasth rup hai. yadi ganesh ji ka pujan n kiya jae to lakshmi ji bhi nahin tikengi. atah donon ka pujan avashyak hai. is mahotsav ka ‘parvakal’ dhanatrayodshi (dhanters) se praranbh ho jata hai. in tinon dinon men suryast ke uprant ‘pradoshkal’ men dipdan avashya karna chahie. dhanteras ko sayankal ghar ke pravesh dvar ke bahar yamraj ke nimiÿa dakshin disha ki or mukh karke dipdan karne se akal mrityu ka bhay dur hota hai. prakash ki upasna surya, agni aur dipak ke rup men sada hoti rahi hai. surya bhi praniyon ko janm dene ke lie, unhen prakash pradan karne ke lie bhagvan ke dakshin netra se prakat hua. usne apne tej ka adhan agni men kiya aur vah tej agni se dipak ko mila. dipak shabd ki vyutpaÿia dip-diptau namak dhatu se hai, jiska arth hai chamkna, jalna, jyotirmay hona, prakashit hona.
iske atirikt aur bhi anek arth hain. pratyek sanpraday aur majahab men dipak ka mahaÿv svikara gaya hai. lanka vijyoprant bhi ayodhya men ghi ke dipak jalaye gaye the. is prakar sabhi dharmon ki prarthana v upasnaen juri hain. kartik mas ki amavasya ghanghor andhkar se vyapt rahti hai jismen badhaon-vighnon ka ana sanbhav hai. ye vighn adhidaihik, adhibhautik, adhidaivik hain. ye vighn jivatma ko pirit karte hain. atah vighn vinashak svarup ganesh ki avashyakta hui. prithvi, agni, jal, vayu, akash in panch tatvon se dipak ki divyata prakashit hui hai aur ye hi panchatatva srishti ke upadan-karan bhi hain. inmen prakash hone se hi atmatej ki anubhuti hoti hai. tel se bhare hue in dipkon ke prakash se, tel (sneh) ki gandh se vishaile kitanuon ka nash hota hai, vatavaran men shuddhata v pavitrata utpann hoti hai tatha chamk-damak se sfurti aur prasannata milti hai. sabhi ke lie in dipkon ka archan, vandan aur pujan karne ki chut hai.
dipavli ka yah mahotsav ek navin jivantta ka bhi shrignesh karta hai. puranon ke anusar katha yah hai ki vamnavtar men bali ke dvara sanpurn prithvi ke dan se santusht hokar bhagvan vishnu ne unhen yah vardan diya tha ki kartik krishn trayodshi se amavasya tak tinon din prithvi par yamraj ki prasannata ke uddeshya se dipdan karne vale ko yamraj ki yatna nahin bhogni paregi tatha in tinon din dipavli ka dipotsav karne vale ke ghar ko bhagvti lakshmi kabhi nahin tyagengi. nirdhanata dur karne ke lie grihasthajanon ko apne pujagrih men dhanteras ki sham se dipavli ki rat tak akhand dipak jalana chahie. dhanteras se bhaiya duj tak ghar men akhand dipak panchon din prajjvalit rakhne se panchon tatva santulit ho jate hain jisse vastu dosh samapt ho jate hain jiska prabhav pure varsh rahta hai. dipavli vastutah dipotsav ka parva hai, jo bhagvan vishnu ka grihasth rup hai. mantra: ‘ghritavarÿia samayuktan mahotejo mahojvalam. dipan dasyami deveshi’ suprito bhav sarvada..’
yah mantra dipak ke lie hai. prakash ka yah tej panuj to sarva vighnon ka nash karne vala ganesh hi hai. ganesh shabd men ‘ga’ shabd ka arth ‘gyan’, ’na’ shabd ka arth hai, nirvan, in donon shabdon ke sath ish ko jorne par ganesh shabd bana hai. ganesh ji ka ek rup ekdant bhi hai jismen ek shabd balvachak hai. dant shabd ka arth vighn vinashak hai. is prakar ganesh ji ke anek nam prasiddh hain. ved ke ‘gananantva namo ganebhyon’ is mantra se adidev ke rup men srishti men anant ganeshon ki sthapna hui hai. anant vaignesha: is mantra ke adhar par anant ganesh upasniya bane. vighnakarta, vighnaharta ganesh ke donon hi rup hain. ganesh ji vedavyas ke 18 puranon ke lekhak bhi hain. vyapar ke bahi khaton ya lekha-jokha ki vidhi hi atma hai jo lekhni dvara hi sanbhav hai. puranon men ek katha hai. siddhi se shubh aur buddhi se labh nam ke do putra hain. ye donon putra vyapar men sthayitva late hain. isilie vyapar ka shrignesh ganesh pujan se hi aranbh hota hai.
lakshmi ke barah gun hain lan se prithvi, han se akash, yan se vayu ran se amrit ka rup hai. in svarupane ke sath-sath lakshmi ka svarup is prakar hai, hiranyavarna harini suvarn rajtvrijam. chandran hirnmyin lakshmin jatvedon m avhan.. ganesh ji bhagvan vishnu ji ka hi svarup hain aur vishnu ji ki patni ka nam hai lakshmi. lakshmi ji ke do svarup hain, shrishchate lakshminshch patnayan’ ityadi mantron men ‘shrin’ aur ‘lakshmi’ do nam milte hain. ‘shri’ ka sanbandh hathiyon aur kamlon se hai, lakshmi ka sanbandh uluk se hai. hathi hi ganesh ka svarup hai jo ‘shri’ ki seva men rahta hai. ganesh ji ke sir par morpankh laga hua hai, jo bhagvan krishn ka mukhya chihn hai lakshmi aur ganesh ka sanbandh vastav men mata aur putra ka hai. chunki mata lakshmi nirbadh rup se apne bete ke moh men rahti hain isilie donon ki puja ek sath hoti hai. dipavli mahalakshmi puja ka mahaparva hai, islie devi ke avahan, sthapna evan pujan ko shastrokt muhurt men kiye jane par atyant shubhafal prapt hota hai.