स्वास्थ्य संबंधी टोटके

svasthya sanbandhi totke  

Future Point
Views : 3172 | November 2017

- sada svasth bane rahne ke lie ratri ko pani kisi lote-gilas men subah uth kar pine ke lie rakh den. use pi kar bartan ko ulta rakh den tatha din men bhi pani pine ke bad bartan (gilas adi) ko ulta rakhne se yakrit sanbandhi pareshaniyan nahin hotin tatha vyakti sadaiv svasth bana rahta hai.

- kisi bhi ravivar/ manglvar ke din fitkri ka tukra bachche ke sirhane rakh den. bachcha bure svapn ke prabhav se dur rah kar aram se so sakega.

- parantu bachcha akaran rota rahe, to kahin se bakri ki maingni la kar bachche ke sirhane rakh den. aisa karne se bachcha rat bhar aram se soega tatha bina vajah uth kar apni man ko pareshan nahin karega.

- jab kisi ka balak bar-bar bimar hota rahta hai tatha achche daektaron se dava-upchar adi karvane par bhi vishesh labh nahin mil pata hai, to aisi sthiti men manglvar ke din kisi sunar ko asht dhatu ka kara, balak ke nap ke anusar, banvane ko den tatha us kare ko shanivar ke din sunar se ghar le aen. kare ko, ganga jal se dho kar, shuddh karen tatha us kare men thora sa sindur laga den. kare ko apne samne rakh kar yathashakti hanuman chalisa, athva bajanrag ban ka path karen. iske bad us kare ko balak ke dahine hath men pahna den. hanuman ji ki kripa se balak shighra svasth ho jaega.


janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.


- hriday vikar, raktachap ke lie ekmukhi ya solhmukhi rudraksh shreshth hota hai. inke n milne par gyarhmukhi, satmukhi athva panchmukhi rudraksh ka upyog kar sakte hain. ichchit rudraksh ko le kar shravan mah men, kisi pradosh vrat ke din athva somvar ke din, ganga jal se snan kara kar, shiv ji par charhaen. fir sanbhav ho to rudrabhishek karen ya shiv ji par un namah shivay bolte hue dudh se abhishek karaen. is prakar abhimantrit rudraksh ko kale dore men dal kar gale men pahnen. surya bhagvan ka pratidin dhyan karna, surya par jal charhana, aditya hriday stotra ka path karna bhi hriday rog men labh dete hain.

- jin logon ko 1-2 bar dil ka daura pahle bhi par chuka ho ve uparyukt vidhi anusar ekmukhi, ya solhmukhi rudraksh pahnen tatha nimn prayog bhi karen: ek panachmukhi rudraksh, ek lal rang ka hakik, 7 sabut (danthal sahit) lal mirch ko, adha gaj lal kapre men rakh kar, vyakti ke upar se 21 bar usar len tatha ise kisi nadi ya bahte hue pani men pravahit kar den.

- madhumeh ke lie nimn prayog madhumeh ki janch-partal ke bad karen. shravan ke mahine men 11 bilva patra par keshar se ram likhen. un namah shivay kahte hue inhen pratham din shravan mas se shiv ji par charhaen. fir un namah shivay kahte hue inhen vapis utha len. inhen saf kar ke pani se dho kar pis len ya miksi men chala len. kapre se chan kar iska pani (ras) pi jaen. aisa 1 mah tak rojana karen (pure shravan mas men), janch karva kar nirnay svayan len. jis patra men dal kar ras pien, use, ras pine ke bad, ulta rakh den. - kisi bhi somvar se yah prayog karen. bajar se kapas ke thore ful kharid len. ravivar sham 5 ful, adha kap pani men saf kar ke, bhigo den.

pratah somvar ko uth kar ful nikal kar fenk den, pani ko pi jaen. jis patra se pani pien, use ulta kar ke rakh den. kuch hi dinon men ashcharyajanak svasthya labh mahsus karenge.

- kainsar ki sthiti men manglvar ke din ek lal rang ka dhaga hath men, ya kamar men bandhen. jo dhaga n bandhna chahen, ve tanbe ka kara ya challa pahan sakte hain. budhvar ko thore chaval dan karen tatha shanivar ko 3 ratti ya adhik vajan ka nilam suryast ke bad sone men pahnen. apne isht prabhu ka dhyan karen.

- ghar men nitya ghi ka dipak jalana chahie. dipak lagate samay lau purva ya dakshin disha ki or ho ya dipak ke madhya mane bati lagana shubh fal dene vala hai. isi prakar kapur jalane se bimariyan, duahsvapn nahin ate, pitri dosh ka nash hota hai evan shanti bani rahti hai.


apni kundli men rajyogon ki jankari paen brihat kundli riport men


Kya aapko lekh pasand aaya? Subscribe


Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business


.