maraghat vala hanuman mandir  

maraghat vala hanuman mandir navin rahuja atulitbldhaman hemshailabhdehan dahujvnkri-shanun gyaninamagraganyam. saklgunnidhanan vanranamdhishan raghutipriyabhaktan vatjan namami.. jo atul bal ke dham, sone ke parvat sumeru ke saman sharir vale, daitya rupi van ka dhvans karne ke lie agnirup, gyaniyon men agraganya, sanpurn gunon ke nidhan, vanron ke svami, shri raghunath ji ke priya bhakt pavan putra shri hanuman ji ko pranam karta hun. shriram bhakt hanuman ji ke mandir hamare bharatavarsh men prayah sabhi pramukh jaghon v sabhi ganvon men hain. kintu kuch pramukh sthanon par sthit shri hanuman ji ke mandir vishesh mahatva rakhte hain jinki apni ek alag hi visheshta hai. aisa hi ek ati vishisht hanumanji ka mandir dilli men sthit hai jo maraghat vale baba (jamna bajar hanuman mandir) ke nam se prasiddh hai. purani dilli relve steshan, antarrashtriya bas adda (kashmiri get) v yamuna nadi ke bahut karib men sthit hai. yah mandir kitna purana hai is bat ka pata lagana to bahut mushkil hai par aisa kaha jata hai ki baba yahan murti rup men svayan prakat hue the. ek anokha adbhut aur vismit kar dene vala tej hai baba ki murti men. yun to baba svayan satvik gunon ke nidhan hai. unke charitra smaran matra se hamen brahmacharya vrat palan, charitra-rakshan, bal-buddhi ka vikas, apne isht bhagvan shriram ke prati abhiman rahit dasya-bhav adi gunon ki shiksha prapt hoti hai. parantu yahan baba ke darshan ke bad uchch stariya satvik bhavnaen umrne v prerit karne lagti hain. aisa karishmai jadu hai yahan sthit maraghat vale baba ki murti men. aisa lagta hai jaise baba apne satvik gunon ka pitara khol dete hain. tabhi to najar hatane ka man hi nahin karta aur man karta hai bas bar-bar dekhte hi rahen baba ko. maraghat vale baba ki jay, maraghat vale baba ki jay, subah ya sham kabhi bhi ap mandir pahunche, yah jaykara gunjta hi rahta hai. yun to nitya mandir men bhakton ka jamavra rahta hai. kintu manglvar v shanivar ko vishesh bhir rahti hai. khasakar manglvar vale din to 1 ya 2 ghante se pahle baba ke darshan nahin ho pate itni lanbi lain lagti hai. is din subah 4 baje se lekar ratri 12 baje tak baba ka mandir darshanon ke lie khula rahta hai. samip men nigam bodh ghat (shmashan ghat) hone ki vajah se hi yah ati prachin hanuman ji mandir maraghat vale baba ke nam se jana jata hai. yamuna nadi ke bahut najdik sthit yah mandir apne ap men ek adbhut sanyog rakhta hai, pata nahin yamuna maiya se aisa kya nata hai is mandir ka ki jab kabhi bhi yamuna ka pani charhta hai apne ap is mandir men bhi pani a jata hai aur baba ki murti kandhe tak pani men dub jati hai aur jyon hi yamuna ka pani utrta hai tyon hi mandir ka pani bhi utar jata en hai