हस्त रेखाएं व बोलने की कला

hast rekhaen v bolne ki kala  

Bharti Anand
Views : 4142 | March 2015

angutha lanba ho, guru ki anguli surya ki anguli se lanbi ho, hriday rekha saf-suthri ho, mastishk rekha shuru v ant men vibhajit ho, to aise logon ki vani sammohan ka karya karti hai- inmen bhasha v bolne ki kala ka achcha gyan hota hai. jis prakar uthna baithna, chalna firna pratyek insan janta hai agar ham in kriyaon men shishtachar ka upyog karte hain to usmen char chand svabhavik rup se lag jate hain. thik usi prakar bolna to har koi janta hai lekin bolte samay agar ek ‘bhasha shaili’ ka upyog jismen madhurta, dhara pravah, ras, vakpatuta adi ho to, sunne vala apne ap ko kuch pal ke lie ‘sammohit’ sa mahsus karta hai. bolne ki kala kudarat ne sabko nahin bakhshi hoti hai. agar rekhaon men jara bhi dosh a jata hai to uska prabhav manushya ki bhasha shaili men a jata hai aur ve dhara pravah v atm vishvas ke sath apni bat kahne men asamarth sa mahsus karte hanai. kuch log aise hain ki apni bat ko ek ya do janon tak ki upasthiti men to kah dete hain kintu jab unhen bhashan dene ke lie kaha jata hai to ve usmen apne apko asamarth mahsus karte hain. aisa kin rekhaon v grahon men dosh hone par hota hai? iske kai karan hanai kuch karnon ka vivaran yahan prastut hai:

(1) mastishk rekha doshpurn ho, usmen janjirkar rekha banti ho, jivan rekha chahe thik, budh grah unnat n ho to aise log apni vani men dhara pravah v atm vishvas ki kami pate hain.

2. doshpurn mastishk rekha ko rahu rekhaen agar kat den, bhagya rekha jivan rekha ke pas ho, surya ki ungli tirchi ho, surya par kat-fat ho to bhi bolne ki kala ek lay par nahin hoti hai.

3. hriday rekha v mastishk rekha men dosh, hath men dhabbe, ungliyan terhi-merhi ho, aise log bhashan ya apni bat ko dusre ke samne sahi dhang se nahin rakh pate hain.


for immediate problem solving and queries, talk to astrologer now


4. angutha kam khulta ho, mastishk rekha v jivan rekha ka jor lanba ho, hath sakht ho, patla ho, sabhi grah dabe hon, aise vyakti ki bolne ki kala se koi bhi prabhavit nahin hota hai.

5. mastishk rekha men vibhajan n ho, guru ki anguli choti ho, surya ki anguli terhi ho, hriday rekha men dosh v mastishk rekha ko jab barik-barik rekhaen katti hon to bhi aise log bolne ki kala nahin jante keval bolna hi jante hain.

6. hriday rekha se moti shakhaen niche ki taraf mastishk rekha ko kate, jivan rekha men dosh, chandra rekhaon men dvip ho to aise log kisi ko apni vak shaili dvara prabhavit nahin kar pate hain.

7. jor lanba ho (jivan rekha v mastishk rekha ka), surya kshetra v budh kshetra men kat-fat ho, surya ki ungli terhi ho, angutha hatheli ki taraf ho, aise logon ke surya, budh, shani bhi uttam n hane to aise log apni sadharan shaili men hi apni bat kah pate hain, inki boli men koi akarshan nahin hota hai.

8. bhagya rekha men dvip ho, bhagya rekha mastishk rekha par ruke, mastishk rekha men koi shakha n ho aur usmen dosh ho, hath ka rang kala ho, hath men moti rekhaon ka dosh ho (jal ho) aise manushya dusron se to prabhavit ho jate hain par khud prabhavit karne ki kala nahin jante hain.

9. angutha chota, mota ho, anguliyan moti hon to bhi sadharan bolne ki adat hoti hai.

10. surya grah daba ho, shani ki sthiti v budh grah ki sthiti bhi thik n ho to aise log atm vishvas v mansik tanav ki vajah se apni bat ko kalatmak rup se pragat karne men asamarth hote hain. bolne ki kala men siddhahast logon ke hathon ke kuch lakshana

1. surya, budh v shani grah uttam hon, surya rekha mastishk rekha ko chirakar chali jaye, anguliyan patli v sidhi hon, mastishk rekha dvibhajit ho, bhagya rekha sidhe shani kshetra par jati ho, mastishk rekha v jivan rekha men koi bara dosh n ho to aise logon ki vani sammohan ka karya karti hai, barabas apni or logon ka dhyan khinch lete hain.

2. mastishk rekha dohri ho, angutha lanba v piche ki taraf ho, anguliyan patli v choti hon, guru grah v guru ki ungli surya se lanbi ho, jivan rekha saf ho to aise logon ki bhasha par kafi pakar hoti hai. ye bhashan dene men mahir hote hain.


apni kundli men sabhi dosh ki jankari paen kampalit dosh riport men


3. hriday rekha, mastishk rekha men koi dosh n ho, budh ki anguli terhi ho (thori si), surya rekha dabal ya saf suthri ho, mastishk rekha mangal tak jati ho, jivan rekha men koi jor n ho, surya grah v budh grah unnat ho to bhi aise logon ki bolne ki kala bahut sammohak hoti hai.

4. shani aur surya ki ungli ka adhar barabar ho niche se, jivan rekha ke sath mangal rekha ho, hath ka rang saf ho, hath bhari ho, anguliyan patli hon, guru, surya v budh grah thik hane- aise log apni bhasha shaili se sabhi ko prabhavit karne vale v ghumavdar jivan shaili ke lie hote hain.

5. angutha lanba ho, guru ki anguli surya ki anguli se lanbi ho, hriday rekha saf-suthri ho, mastishk rekha shuru v ant men vibhajit ho, chandra utha ho, anya grah bhi thik hon, hath bhari ho to bhi aise logon ki vani sammohan ka karya karti hai- inmen bhasha v bolne ki kala ka achcha gyan hota hai. iske atirikt anya kai lakshan hain jo hamari bolne ki kala ko prabhavit karte hain. kuch doshon v grahon ka nivaran karke ham bolne ki thori bahut kami ko saflta purvak upay karva kar dur kar sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  March 2015

futuresamachar-magazine

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe


.