bhut pret badha pandit ke. ke. sharma bhut-pret ke astitva ke bare men samaj men bhale hi bhinna-bhinn dharnaen prachlit hon lekin mrit vyaktiyon ki atmaon ke ek sharir se dusre sharir men pravesh ki bat sabhi mante hain. gita men atma ke ajr-amar hone ki bat spasht kahi gai hai. is alekh men bhut-pret ke astitva evan unse ane vali badhaon ka parichay diya gaya hai...
ham 21vin shatabdi men ji rahe hain. vigyan ki vibhinn shakhaon men nit nai khoj ho rahi hai. ayurvigyan men bhi khoj jari hai. purane prakar ki mahamariyon (haija, pleg, ti. bi. adi) par kabu pa jane ka dava kiya ja raha hai. parantu eds aur kainsar jaise janleva rogon ka janm ho gaya hai. samy-samay par vibhinn prakar ke parikshan karne ke pashchat chikitsak parikshanon ki riport ke adhar par rogi ka upchar karte hain. bahut bar yah bhi dekha jata hai ki parikshan men vyakti vishesh men koi rog nahin hota, fir bhi vah rugn hi rahta hai. jatak ki kundli bhi rog batane men saksham hoti hai. chathe aur athven bhavon ka jatak ke rog ka prakar, samay aur upay batane men vishesh mahatva hai. prasang janmapatrika aur bhut pret badha ka hai. bhut-pret ke astitva ka jahan tak prashn hai, inke bare men koi bhi sandeh karna vyarth hai.
hindu dharm ki manyataon ke anusar 84 lakh yoniyan is jagat men vidyaman hain jinmen manushya yoni sarvashreshth hai. maharshi vedavyas rachit gita men svayan bhagvan shri krishn ne apne shrimukh se kaha hai ki atma ajr-amar hai, matra sharir marta hai. atma jab ek se dusre sharir men jati hai (chahe kisi bhi yoni men) to pahle vale sharir ki mrityu ho jati hai. darasal pahle se dusre sharir men jane ke bich parne vale samay men hi moh mayavash atma ka bhatkav hota hai aur ye hi atmaen yadi ghar aur parivar tak simit rahti hain to ‘pitri’ (pret/ ahut) kahlati hanai. aur ghar-parivar ki paridhi se bahar jo atma nikal jati hai, vah bhut kahlati hai.
shastron men isi karan pitron/purvajon ki atript atmaon ki shanti ke lie shraddh aur tarpan ka pravdhan kiya gaya hai. pashchatya deshon men, aur ab to hamare desh men bhi, ‘plen chit’ ke madhyam se log mrit vyaktiyon ki atmaon ko bulate hain aur prakriti ke niyamon ke viruddh in atmaon se apni shank.aon ka samadhan karate hain. prakriti ke niyamon ke viruddh main islie kah raha hun ki mere sanpark men aise vyakti bhi ae hain jo atmaon ko svarthavash ya jigyasavash bulate the. ye atmaen aise logon ki shankaon ka samadhan bhi karti thin.
parantu bahut si atmaen vapas nahin gain aur ye log aj tak unke prakop se pirit hain aur apna upchar nahin kara pa rahe hain. ye atmaen un logon ko aur unke parijnon ko mansik, sharirik aur arthik rup se pratarit kar rahi hain. jahan tak vigyan ka prashn hai, bhut-pret badha (vayu vikar) ko vigyan aur vaigyanik nahin mante hain. fir bhi manushya is prakar ki badhaon se grast ho jata hai.
adhunik chikitsa shastra men iska koi ilaj nahin hai kyonki chikitsa shastra men is tarah ki badhaon se pirit vyaktiyon ko mansik rogiyon ki shreni men rakha jata hai. ayurvigyan men kisi parikshan ka avishkar nahin ho paya hai. ye badhaen n to rakt, peshab adi ki janch men ati hain aur n hi i. si.ji., eksa-re, sonografi ya siti skain men. bhut-pret badhagrast log am taur par paglon ki bhanti vyavhar karte hain. bahut bar is prakar ki badha vyakti ke sharir ke ang vishesh (hath, pair, kamar, chati, mastishk, jor adi) par hi prabhav dalti hai aur pratyaksh men sharir ke us ang vishesh par lakva ya pakshaghat ka prabhav dikhai deta hai.
lakh prayas karne ke bad bhi upchar nahin ho pata hai kyonki vastav men vah koi rog hi nahin hota hai. jab rog hi nahin hoga to upchar kaise hoga? mastishk ya sir par badha savar hone par vyakti sust aur khoya-khoya sa rahta hai tatha nirantar ek hi vastu ya sthan ki or niharta rahta hai aur chetnashunya ho jata hai. aisa vyakti bhayagrast rahta hai, ghabrahat aur chakkar ane ki shikayat karta rahta hai. pratyaksh rup men ye lakshan raktachap ke hote hain parantu raktachap ki janch karne par vah samanya paya jata hai.
manochikitsak aise logon ko nind ki goliyan de dete hain, yah manakar ki unke dimag par koi bat asar kar gai hai, ve sadma kha baithe hain, bijli ke shaets laga dete hain, fir bhi unki vyadhi kam nahin hoti. bhut-pret badhagrast log ugra hi hane yah katai avashyak nahin hai. in badhaon se grast logon ke sharir par bhi vyapak asar dekhne ko milta hai aur vyavhar bhi badal jata hai jo badha ka samay lanba hone par aur gahra hota jata hai.
bhut-pret badha se grast vyaktiyon men samanyatah nimn lakshan pae jate hain. man uchchatit aur ura-ura rahne lagta hai. anavashyak ghabrahat mahsus hone lagti hai. samanya sthiti se nind ane ka anupat kam ya jyada ho jata hai. ubasiyan ya hichkiyan, visheshakar subah aur sham ki arti ke samay, ani shuru ho jati hain.
kai bar muchrcha ki shikayat bhi rahti hai. yadi vyakti ugra atma ke prakop se grast hota hai, to uski avaj men bhi parivartan ho jata hai. ankhon ka rang apni vastavikta kho deta hai aur ve ya to nashili (lal rang ki) ya safed ho jati hain. chehre par sujan a jati hai aur kai bar chehra pila par jata hai. rat ke samay pirit vyakti ko apne ghar men bhi anavashyak ghabrahat rahti hai aur bhay lagta hai.
mansik santulan bigar jata hai aur uska vyavhar uski samanya sthiti se ekadam viprit ho jata hai. uski nind aur khan-pan ki matra men kami ya barhotri ho jati hai. kai bar pirit vyakti chalte samay apna bhar nahin jhel pata hai aur sharabi ki tarah larkhrata hai. kai bar pirit vyakti men bhav a jate hain aur us par ane vali atma apne ap ko devi, devta ya pir batakar prasad grahan karti hai.
pirit vyakti par subah ke samay anavashyak bharipan rahta hai aur sfu rti khatm ho jati hai. sadharntya atma sharir ke ang vishesh p r a p n a adhikar jama leti hai aur pirit vyakti kamar, hathon ke joron, kandhon, pairon, ghutna¬en, kamar ke niche pairon ke joron men dard ki shikayat karta rahta h ai . y h nishchit nahin hai ki dard ek hi sthan par sthir ho, vah sthan badlta bhi rahta hai.
sharir bina kisi rog ke sukhta jata hai aur pila par jata hai. sansarik moh-maya, bhog-vilas aur badle lene ki pravritti ke karan hi mrityu ke bad atmaen bhatkti hain, islie ye atmaen bhog-vilas ke lie bhi pirit vyakti ke sharir ka upyog karti hain. mere sanpark men aise koi pirit striyan aur purush ae hain jinke sath atript atmaen nidravastha men sanbhog karti hain. sabse bari bat yah dekhne men ai hai ki ye atmaen pirit logon ke najdiki rishtedarane ya mitron (viprit ling) ke rup men hi sharirik sanbandh sthapit karti hain. aise pirit vyaktiyon ke pairon men dard ki shikayat rahti hai.
atmaon ki vasna ki shikar striyon men prayah yah bhi dekha gaya hai ki chikitsakiya drishti se svasth hone ke bavjud ve man nahin ban pati hain aur 15 din se do-dhai mah ki avdhi tak garbhavati rahne ke bavjud 4-6 bar tak lagatar garbhapat ho jate hain. aur bhi lakshan hain jo ham pirit logon ke vyavhar men dekh sakte hain.
ham jyotish shastra ke anusar janmapatrika ke adhyayan ke adhar par ukt pira ke vishay men bat kar rahe hain. falit jyotish men bhut-pret badha par jyada sahitya meri jankari men nahin aya hai. mansik rogon ke lie kundli ke panachven bhav, chandrama (man ka kark), budh (buddhi aur vivek ka kark) tatha guru (panchven bhav ka kark) ki kundli men sthiti ka adhyayan avashyak hai. yadi uparyukt grahon aur pancham bhav men se ek bhi dushit ho to mansik rog hota hai. mainnen apne adhyayan men shukra grah ko in badhaon ke lie jyada jimmedar mana hai.
lagnesh ke balvan hone ki sthiti men badha ka prakop kam rahta hai. falit jyotish men shukra grah sund¬rta ko pratibinbat karta hai. saundarya prasadhan aur sugandhit dravya, itra adi ka karak grah bhi shukra hi hai. hamare parivar men bade-burhe shayad inhin karan aon se samy-samay par itra lagakar ghar se bahar niklne ke lie mana karte hain.
vyavharik rup men prayah yah dekha jata hai ki sundar striyan aur larkiyan hi adhikatar in badhaon ki shikar hoti hain. jatak par tantrikon dvara bhut-pret badha lagai gai hai ya prayog kiya gaya hai ya nahin iski jankari ke lie janmapatrika ke chathe bhav ka adhyayan ati avashyak hai. kalai men nari ki sthiti bhi bhut-pret badha batane men saksham hai.
janm kundli ke vishleshan ke lie bat karen desh ke prasiddh jyotishiyon se keval fyuchar point par