6 navanbr: surya shashthi vrat (chath puja): kartik shukla shashthi ke din surya shashthi ka vrat tatha puja ki jati hai. is vrat ko karne se ayu-arogya, dhan-yash ki prapti hoti hai. is vrat ko adhikanshtah uttar bharat ke bihar prant evan purvi uttar pradesh men bare dhum-dham se kiya jata hai.
10. navanbar (smarta) 11 navanbar (vaishnava) (hari prabodhini ekadshi vrat): asharh shukla ekadshi se kartik shukla ekadshi paryant in char mason men shri hari vishnu kshirsagar men shayan karte hain. is avdhi mane manglik sanskar adi karya kam matra men hote hain. pauranik manyataon ke anusar bhagvan is din apni nidra ka tyag karte hain. bhakt jan is din ko tyauhar, utsav ke rup men manate hain. bhagavan apne bhakton ko sukh, samriddhi bhakti pradan karte hain.
13 navanbar (vaikunth chaturdashi): kartik shukla chaturdashi ke din vaikunth chaturdashi hoti hai. ek samay bhagvan vishnu ne kashi ke manikarnika ghat par bhagvan shiv ki ek hajar kamal pushpon se brahm muhurt men baikunth chaturdashi ke din pujan kiya tha. ek kamal kam hone se bhagvan rajiv lochan ne hajaron kamal pushp ke rup men apna netra hi charha diya, jisse bhagvan shivji bahut prasann hue tabhi se vaikunth chaturdashi parva ka prachalan hua, is din shiv shakti ki brahm muhurt men kamal pushpon se puja karne se vaikunth lok ki prapti hoti hai.
21 navanbr: (bhaumvti amavasya) manglvar ke din amavasya ka sanyog hone se bhaumvti amavasya hoti hai. is din apne pitron ke nimitt shraddh, tarpan dan karne se kai guna fal milta hai. iske atirikt snan, dhyan, puja-path se vishesh punya milta hai. tantra, mantra sadhna ke lie yah muhutrt siddhi dayak mana jata hai.