विभिन्न रेखाओं के प्रभाव

vibhinn rekhaon ke prabhav  

Tuntun Singh
Views : 2748 | April 2017

manas rekha: manas rekha, matri rekha, mastishk rekha athva buddhi rekha ke nam se prasiddh yah rekha un tin pramukh rekhaon men ek hai, jo prayah sabhi manav hatheliyon men payi jati hain. un tamam rekhaon men is rekha ko vahi mahatva prapt hai, jo sharir men mastishk ko prapt hai. is rekha ka janm brihaspati parvat ke pas ya uske upar se hota hai. adhisankhya hatheliyon men jivan rekha aur manas rekha ka udgam ek hi kendra par dekha jata hai. kabhi-kabhi yah udgam, ek hi n ho kar, alg-alag hota hai. ye rekhaen hatheli ko do bhagon men vibhakt kar rahu aur harshal kshetron ko alg-alag karte hue, budh kshetra ke niche tak chali ati hain. is samuchi rekha ko manas rekha kaha jata hai. ise buddhi rekha athva pragya rekha nam se bhi jana jata hai. vibhinn hatheliyon men is rekha ke alg-alag akar-prakar dekhe jate hain.

jis manav ka mastishk tivra, urvar tatha kriyashil hota hai ya jo manav mukhyatah buddhijivi hote hain, unki hatheliyon men yah rekha lanbi, gahri aur spasht hoti hai. sharirik karya karne vale aur durbal mansik kshamata valon ki hatheliyon men yah rekha dhumil, aspasht aur doshyukt hoti hai. is rekha ke dvara manav ki mansik kshamata ka vichar kiya jata hai. is rekha aur jivan rekha ke bich banne vala kon jitna chota hoga, utna hi manav svabhav men yah charitrik drirhta utpann karta hai. yadi yah kon bahut sankirn ho, to yah manav svabhav men alas, pramad aur nishkriyata utpann karta hai. yadi yah rekha bhang aur shakhaon se yukt n ho, to jatak buddhiman, vicharon men nipun hote hain. is tarah ki rekhaon vale jatak vaigyanik, nyayadhish, shodhakarta tatha arthashastri bante dekhe jate hain. yadi uske viprit rekha bhang shakha vali aur malin, kati-chati ho, to is prakar ki rekha vale manav mandbuddhi, shankalu, janmajat gunge, bahre, buddhihin, pagal hote hain. inke pagalapan ka mukhya karan koi galat sandeh ya bhram hota hai. yadi yah rekha choti ho, shani sthan tak jae, to asamay mrityu hoti hai. yadi yah rekha shrinkhlakar ho, to manav bhavnashunya aur atyant chanchal prakriti ka hota hai. yadi yahi rekha lanbi aur sukshm ho, to vishvasrhit aur dhutrt svabhav vala hota hai. kuch hatheliyon men yah rekha jivan rekha ke pas udgam sthan se nikal kar, jivan rekha ko katti hui, hatheli ke dusre chor par samapt hoti hai. is tarah ki rekha vale jatak ko kai bar jivan men ganbhir durghatanaon ka samna karna parta hai.

kabhi-kabhi to is prakar ki rekha prabal atmavishvasi banati hai. ye jatak arthik drishtikon se durbal, asvasth rahte hain. adhik krodh tatha aduradarshita ke karan ye jivan men apna hi ahit kar baithte hain. aise logon ki jivan rekha ke barabar chalti hui manas rekha kafi age chal kar apna rasta badal leti hai. is prakar ka jatak prabal atmavishvasi hota hai. vah arthik drishtikon se bhi sanpann hota hai. adhikanshtah is prakar ki rekha apradhiyon ki hatheliyon men payi jati haie. yadi is prakar ki hatheliyon men hriday rekha n ho, to jatak apne jivan kal men kai bar hatyaen karte hain, jiske parinamasvarup inka adhikatar samay jel ki chardivariyon men hi vyatit hota hai. yadi yah rekha-terhi-merhi age barhti hai, to jatak jue athva anya prakar ke karya jaise laetri, satta adi men apna sab kuch ganva baithta hai. yadi yah rekha jivan rekha ke sath-sath age barh rahi ho, arthat jivan rekha ke samanantar chal rahi ho, to jatak prem men vishvasghat ka shikar hota hai aur anttah isi virah men uski mrityu ho jati hai. yah agar budh parvat ki or jhuki ho, to jatak apne jivan kal men kai bar atyant uchch pad prapt karta hai. aisa jatak apni bauddhik kshamata tatha pratibha aur gyan shakti ke bal par kshetra vishesh men mahatvapurn pad par sushobhit hota hai. yadi kisi ki hatheli men manas rekha, hriday rekha ki or barhti hui, kai jagah tuti ho, to usko avashya unmad ya mirgi ka rog hota hai. bhavnaon par niyantran n hone ke karan ve kshanik avesh men sab kuch nashta-bhrasht kar baithte hain. hatheli men hriday rekha kamjor hai aur yah rekha aspasht ho, to aise manav ko jivan men kisi bhi umra men dama, naksir, shvans rog, dharakan jaise upadravon se pirit hona parta hai. yadi is rekha par koi chota dvip ho, to mrityu sannipat se hoti hai.

yah rekha lanbi ho, mangal parvat aur chandra parvat aviksit hon, to mansik rog hone ki prabal sanbhavna rahti hai. bhagya rekha dvara sukh-samriddhi ka vichar: bhagyarekha ka praranbh manibandh, jivan rekha, mangal ke kshetra aur chandra ke parvat men se kisi bhi sthan se ho sakta hai. lekin yah shani ke parvat ki disha men agrasar hota hua dikhai deta hai. is rekha ko shani rekha, prarabdh ya dhan rekha athva takdir rekha ke nam se bhi jana jata hai. yah rekha alg-alag hatheliyon men bhinna-bhinn sthanon se shuru hoti hai. yah rekha sabhi hatheliyon men nahin milti hai. lekin jin hatheliyon par yah rekha milti hai, unke bhagya, bhautik sanpannata aur jivan karm ke vishay men jankari prapt karne ka yah vishvast madhyam hoti hai. surya rekha ke sath payi jane vali yah rekha adhik shaktishali aur saubhagyashali mani jati hai aur nar-nari ko man-samman, yash, labh, vansh, vaibhav pradan karti hai. is rekha dvara arthik sandarbh men nar-nari ke jivan men hone vale parivartanon ka sanket bhi milta hai. jin hatheliyon men yah rekha nahin hoti, ve prayah apni manokamnaon ki purti ke lie jivan bhar bhatkte firte hain aur santushti ki khoj men kathor parishram bhi karte hain. parantu parinam ashantikarak hi hota hai. kintu is rekha ki anupasthiti ka arth durbhagya ya asflta nahin hai. aise nar-nari ko is rekha ki purti apne purusharth aur parishram se karni hoti hai.

yah rekha jitni hi adhik gahri, sundar, spasht aur gulabi rang ki abha se yukt hogi, unka bhagya utna hi shreshth hota hai. anya rekhaen chahe kitni bhi nirbal, doshyukt hon, parantu guru parvat tatha yah rekha purn nirdosh ho, to aise jatak ko bhumi, bhavan, vahan tatha prachur dhan prapti ke madhyam prapt hote hain aur ve sushikshit, uchchadhikari, rashtrapti, pradhanmantri, rajyapal, mukhyamantri evan kisi sanstha ke mahatvapurn pad par asin hote hain. aise jatak ka jivan santoshamay vyatit hota hai aur unki arthik sthiti prayah sudrirh hoti hai. unko karyon men, thore se prayatn se hi, purn saflta prapt ho jati hai. parantu, yadi iske viprit, yah rekha bahut kshin, kati-fati, nirbal aur doshyukt hogi, to jatak ke jivan men dhan ka sadaiv abhav bana rahta hai aur anek bar arthik asfltaon ka mukh dekhna parta hai. inko jivan men kabhi bhi sukh-shanti prapt nahin hota. bhagya rekha tabhi shubh mani jati hai, jab vah shani parvat tak pahunch kar ruk jae. yadi yah madhyama anguli tak pahunch jae, to viprit fal dene lagti hai. kuch jatkon ki hatheli men yah rekha bahut choti hoti hai aur spasht drishtigochar nahin hoti, fir bhi aise jatak jivan men kai bar mahatvapurn saflta pane men kamyab hote hain. aisi sthiti men kuch mahatvapurn baton ki or dhyan dena avashyak hai.

hath ka akar-prakar adi lanba aur dekhne men sundar ho, to uparyukt rekha, doshyukt hote hue bhi, shubh falkarak mani jati hai. is rekha par jitni hi ari-tirchi rekhaen hoti hain, unke jivan men utni hi bar badhaon ka sath-sath chalna ek ashubh lakshan hai. aise jatak arthik rup se kafi kamjor hote hain tatha dhan ke abhav men nirash aur hatash rahte hain. aisi rekhayukt jatak gomed, nav ratn ka laeket, sfatik ki mala, shani kavach ka laeket avashya dharan karen. aise jatak kabhi-kabhi anaitik karya bhi kar baithte hain, jiske parinamasvarup unhen jel ki chardivari ke andar din katne ke lie majbur hona parta hai. atah aisa jatak munga aur gomed avashya dharan kare. ve khatrnak chijon, jaise astra-shastra, visfot samagri, vish, madak padarth adi ke karyon se vishesh labh arjit karte hain. is tarah ki rekha vale kuch jatak nyayadhish, pulis, senapti, prashasnik adhikari hote dekhe gaye hain. madhyama anguli men 5 ya 6 lakiren hon, bhagya rekha mangal parvat se uth kar madhyama ungli tak pahunch gayi ho, to aise nar-nari apne jivan kal men kanun ke prabhav se jel yatra karte rahte hain, jiske karan ve udas, nirash hote dekhe gaye hain. yadi yah mangal parvat ke as-pas a kar ruk jae, to aise jatak ko shiksha ke kshetra men vishesh saflta prapt hoti hai.

parantu mangal krur, ghatak, vidhvansak hone ke karan kabhi-kabhi ghatak ghatna chakra bhi upasthit karta hai, jisse kabhi-kabhi aise log ran bhumi men shahid ho jate hain. yah ati shubh aur ashubh duryog chihn hai. yadi bhagya rekha chandra parvat se uth kar shani parvat ko jae, to jatak pani ke jahaj sanbandhi karya, ghi, chini, chaval, tel adi ka vyapar tatha yojna vibhag, nyayalay, suchna evan prashasan vibhag men naukri ya vyapar se apna jivikoparjan karte hain. parantu unhen ankh, nak, gala evan fefre se sanbandhit choti-moti bimari hone ki ashanka rahti hai. yah rekha manibandh sandhi se uth kar manas rekha par ruk jae, to vyakti apni shakti ka galat mulyankan karta nhai, jiske karan vah apne sukh-saubhagya ko apne hi hathon se durbhagya men badal deta hai aur pachtata hai. lakhon-karoron ka svami bhi kuch hi dinon men khakpti ban kar baith jata hai tatha chinta, bhay nirasha, nirutsah jaisi dushpravrittiyan use har samay ghere rahti hain aur antrik kshamataon ko nashta-bhrasht kar, usko dayniya sthiti men pahuncha deti hain. kai bar dushpravriittayon ke karan jivan men manomalinya aur virodhabhasi sthiti paida ho jate hain.

hatasha aur nirasha ki ganbhir sthiti men aise log atmahatya kar baithte hain. is tarah ki rekha jyadatar aise logon men payi jati hai, jo, thore se prayas se hi, lakhon-karoron ke svami ban jate hain. hriday rekha ka mahatva: yah rekha angreji men ‘hart lain’ aur hindi men hriday rekha ya bhavna rekha ke nam se prasiddh hai. yah rekha manas rekha se upar guru parvat, guru aur shani ke parvaton ke madhya se, athva shani ke parvat se praranbh ho kar, shani, surya aur budh ke parvaton ki nichli sima banati hui, pashrva bhag men budh aur udhrva mangal ke bich men samapt hoti hai. hriday rekha manushya ke bhavnatmak vyaktitva ka pratinidhitva karti hai aur sharir, charitra tatha svabhav ki un tamam vrittiyon ke lie uttaradayi hai, jinhen hriday paksh ke antargat samjha jata hai. mitrata, grihasth jivan men prem, saflta, asflta, anya manvon se pyar, nirdayata, krurta, badle ki bhavna athva har prakar ke lobh, moh, sanvednshilta evan samast manviya visheshtaon adi ka anuman bhi isi rekha ke dvara lagaya jata hai. yah rekha jitni gahri, komal, sabal evan gulabi abha lie hue, doshrhit hogi, manav utna hi svachch hriday vala, sanvednshil, paropkari, manviya gunon se ot-prot, dayalu evan adarshavadi hoga. aise praniyon ka grihasth jivan, danpatya jivan evan samajik jivan bahut safal hota hai.

aise manav apne jivan men kai mahatvapurn pad prapt karte hanai. inke karya aur vicharon men samanjasya rahta hai. aise manav dvandvarhit, shighra nirnay lene vale, avasar ko pahchan kar karya karne vale, atyant kushagra buddhi ke hote hain tatha sharir se hrishta-pusht, balvan, karya karne ki shakti se paripurn, samathrya vale, parakrami, sahsi hote hain aur anek yatraon ke madhyam se apne jivan men saflta prapt karte hain. yadi yah rekha chinna-bhinn, shrinkhlayukt tatha doshyukt hogi, to manav alsi, kartavyahin, kamuk, anaitik charitra ka, mans-madira ka sevan karne vala hota hai aur sadaiv raktachap, madhumeh, anidra aur hriday rog se pirit rahta hai. yah rekha jahan par samapt hoti hai, us sthan par yadi iska jhukav niche ki taraf ho, to vah manav apne jivan men apni ichchaon ko purn nahin kar pata hai. yadi yah rekha upar ki or uthi hui ho, to purva rekha ke viprit, aisa manav apna lakshya prapt karne men safal hota hai. kuch hatheliyon men yah rekha budh parvat ke niche se praranbh ho kar surya parvat par hi samapt ho jati hai. aisi choti rekha vala manav kunthagrast tatha aduradarshi hota hai. chirchira svabhav, jhunjhlahat tatha dayahinta inke svabhav ke pramukh gun hote hanai. aise manav dusron ki sahayta n kar ke, parninda men adhik sanlagn rahte hain.

aise manav madhyavastha men hriday rog se pirit hote hain tatha adhikanshtah raktachap, mansik rog athva dil ke daure se hi marte hain. yadi shani kshetra se praranbh hone vali yah rekha janjirakar ho aur chairi bhi ho, to manav viprit yoni se nafarat karta hai. yadi yah rekha pile rang ki ho, to manav ke man men prem ki bhavna janm hi nahin leti. jab yah rekha praranbh men do shakhaon men vibhajit hoti hai aur ek shakha brihaspati kshetra ki or tatha dusri pahli aur dusri ungli ki or jati ho, to yah yog santulit, sukhad prem purn svabhav ka parichayak hai. aisi paristhiti men manav apne sanbandhon men bahut sukhi aur bhagyashali hota hai. jab karatal men yah rekha n ho, to manav nishthur svabhav ka aur aveshhin hota hai. yadi shukra ka kshetra ati viksit ho, to manav atyant kamuk hota hai.

aise jatak mans, madira ka sevan karne vale aur veshyagami hote hain. yadi yah rekha tuti-futi ho, to manushya ko prem sanbandhon men, kisi bhi umra men, bahut duahkh uthana parta hai. aise yogdharak jatak apne perami ya premika ko sada ke lie kho baithte hain aur ve jivan men kisi aur se fir prem sanbandh sthapit nahin karte. hriday rekha haldi ke saman pit varn ki ho, to manushya yakrit rog se pirit hota hai. jab yah rekha manas rekha se yukt ho, to manushya dhan ka lobhi, hinsak aur thag hota hai. yahi rekha shani sthan se uthti ho aur shakhaon se rahit ho, to manushya alpayu hota hai aur uski achanak mrityu hoti hai tatha yahi jab guru sthan se uthe aur atyant sukshm ho, to manushya anek kashton se pirit hota hai. kabhi-kabhi yah rekha budh parvat se shuru ho kar tarjani aur madhyama ke madhya mane samapt hoti hai. is tarah ki rekha vale manushya ganbhir svabhav ke, ekant premi, antarmukhi, mitbhashi, atmakendrit tatha apne ap men khoye rahne vale hote hain. yadyapi aise manav nishchay hi drirh, bare parakrami aur lagnashil hote hain, fir bhi inko inki mehanat ke anusar saflta nahin milti. jivan ke madhya kal tak pahunchte- pahuchante is prakar ke manav apne ap se hi ubne lagte hain. sangharsh, asflta aur ekantapriyata ke karan ye buri tarah kunthagrast ho jate hain.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  April 2017

futuresamachar-magazine

fyuchar samachar ke hast rekha visheshank aprail 2017 men hast rekha vigyan sambandhit vistrit jankari, vibhinn shodhaparak lekh jinmen anguthe ka mahatva, hatheli men vibhinn rogon ke lakshan, jatak naukri karega athva vyavsay tatha hastarekha se anumanit ayu adi pramukh hain. satya katha men chainnai ki rajneta shashikla ke sitare tatha vichar goshthi men hastarekha evan kundali milan ke atirikt dae. rakesh kumar sinha ka pavan sthal namak sthayi stambh men shri harihar kshetra ka varnan atyant rochak hai. vastu paramarsh men flait ka vastu vishleshan namak vishay par charcha ki gai hai. sampadkiya men yah darshaya gaya hai ki kis prakar hast rekhaon ka gyan svasthya sambandhi jankari ke lie vishesh rup se upyog men laya ja sakta hai. anya sthayi stambhon men di gai jankari bhi niyamit pathkon ke lie upayogi siddh hogi.

Subscribe


.