bachchon ke parhai men man nahin lagne ke karan mata-pita chintit rahte hain, jo svabhavik hai. iska ek karan chitt ki chanchlta ho sakti hai. dusra karan man ke karak chandra ka durbal hona hota hai. vahin man ka pratinidhitva karne vale dusre bhav ya uske svami ka pirit hona bhi iska ek karan hai. shiksha ke karan grahon brihaspati (gyan) aur budh (buddhi) ashubh hone ki sthiti men bhi jatak ki shiksha adhuri rah sakti hai.
yahan man ke karak chandra ki un vibhinn sthitiyon ka sankshipt vivaran prastut hai, jinke falasvarup jatak ka man parhai men nahin lagta ya fir uski shiksha adhuri rah jati hai.
- chandra ki kemduram yog (chandrama ke age piche koi grah na ho, rahu, ketu chorkr) men sthiti.
- chandra ki kshinavastha.
- chandra ka ast hona ya papakartari yog men hona.
- chandra ka pap grahon se pirit hona.
- chandra ka grahan yog men hona.
- rahu, ketu, shani aur surya ke sath chandra ki yuti.
kai chatron ko atyadhik parishram ke bavjud ank kam milte hain. iska bhi koi vishesh karan ho sakta hai. is karan ko janne ke lie lagn (sharir), dvitiya bhav (man), tritiya bhav (parakram), chaturth (buiddha), pancham (shiksha) tatha shashth (pratiyogita) bhavon ke alava tritiya bhav tatha surya (manobl) aur chandra (mansik bal) ka vishleshan karna avashyak hai.
shashthesh ki sthiti ka vishesh rup se vishleshan karna chahie. dvitiyesh v chutarthesh shubh hon to jatak prabal smaran shakti ka svami hota hai. dvitiyesh aur chaturthesh ka sanbandh shashthesh, ashtamesh aur dvadshesh se ho, to smaran shakti kamjor hoti hai. chatragan ke labharth shiksha men avrodh ko dur karne aur pariksha men vanchit fal ki prapti ke kuch upay yahan prastut hain.
- ekagrata hetu: nitya man ke charan sparsh karen aur ¬ som somay namah ka jap karen.
- parishram ke anurup ank prapti hetu: kisi yogya jyotirvid ke paramarsh ke anurup lagnesh ya panchmesh ka ratn ya uparatn dharan karen.
- smaran shakti ko sudrirh karne hetu: panna dharan karen aur ¬ ain sarasvatyai namah ka jap karen.
- achche ank ki prapti hetu: lagn (lakshya), surya (manobl) aur chandra (man) anukul hon, to chatra ko achche ank prapt hote hain. atmavishvas ko majbut karne ke lie pita ke charan sparsh karen aur surya ko aghrya den. parhai par adhik dhyan den, kintu sath hi thora samay khel, parivar aur mitron ke lie bhi nikalen. prasannachitt rahen aur shakahari tatha paushtik bhojan len.
- man ki chanchlta dur karne hetu: laung ko apne upar se 7 bar utar kar bahri sarak par fenk den, man ki chanchlta dur aur nirnay kshamata sudrirh hogi.
- shiksha sanbandhi kisi bhi kasht se mukti hetu: ganesh ko pratidin 3 se 5 paÿiayon vali durva charhaen aur unke dvadash namon ka path karen. isse man shant tatha anukul rahega aur shiksha men ane vali rukavten dur hongi.