grahon ki apni dasha evan antardasha men svabhavik fal nahin milta: laghuparashri ke shlok 29 men ek samanya niyam ka nirdesh diya gaya hai ki sabhi grah apni dasha evan apni hi antardasha ke samay men apna atmabhavanurupi ya svabhavik fal nahin dete.
1 tatparya yah hai ki kisi grah ki dasha men uski antardasha ke samay men us grah ka svabhavik fal nahin milta. karan yah hai ki fal yaugik hota hai. jaise haidrojan evan aeksijan ke milne se jal banta hai, usi prakar sanbandhi ya sadharmi ke milne se fal banta hai. islie ek hi grah ki dasha men usi ki antardasha men us grah ke svabhavik fal ka nishedh kiya gaya hai.
maharshi parashar ne apne brihatparashar horashastra men is or sanket dete hue kaha hai- ”svadshayan svabhuktau ch naranyan marnan n hi.“ arthat apni dasha evan apni hi bhukti men marak grah vyakti ko nahin marta. anuchched 51 men grahon ke atmabhavanurup ya svabhavik fal ka nirnay karne ke mukhya adharon evan parinamon ki vistar se charcha ki gai hai, jinke adhar par grah ke atmabhavanurup ya svabhavik fal ka nirdharan ya nirnay kiya ja sakta hai.
is prasang men ek svabhavik prashn utpann hota hai ki yadi grah ki dasha men usi antardasha ke samay men uska svabhavik fal nahin milta to us samay men kaisa ya kya fal milta hai? is prashn ka uttar hora granthon men diya gaya hai-”sarvaisha falan chaivaspake“ arthat sabhi grahon ki dasha-antardasha men unka sadharan evan yogafal milta hai. grahon ke samanya fal ki jankari unke 40 adharon par tatha yogafal ki jankari unke 22 adharon par anuchched 50 ke anusar prapt ki ja sakti hai
laghuparashri ki vishy-vastu men dashafal uska mukhya pratipadya hai aur laghuparashrikar ne dashafal ka pratipadan niyam evan upniyamon ke adhar par is prakar se kiya hai ki usmen sarvatra niyamitta evan tarkasangti dikhlai deti hai kyonki samanya hora granthon men samanya evan yogafal ke adhar par dashafal batlaya gaya hai jo bhinna-bhinn adharon par bhinna-bhinn sthitiyon men bhinna-bhinn prakar ka hone ke karan anek prakar ki kathinaiyan paida karta hai. vaisi kathinai is granth ke dashafal men nahin hai.
han grah ka svabhavik fal nirdharit karne ki prakriya avashya lanbi hai aur isilie is granth ke praranbhik tin adhyayon men grahon ke svabhavik fal ke nirnayarth adharbhut siddhanton ki vivechna ki gai hai. kaun-sa grah shubh, papi, sam ya mishrit hoga iski vivechna sangyadhyay men aur kaun-sa grah karak ya marak hoga iski vivechna yogadhyay evan ayurdayadhyay men ki gai hai. is prakar in tinon adhyayon men pratipadit adharbhut siddhanton ke anusar grah ka svabhavik fal nishchit ho jane par vah fal manushya ko uske jivnkal men kab-kab milega is prashn par yahan prakash dala ja raha hai.
grahon ki dasha men unke sanbandhi ya sadharmi ki antardasha men svabhavik fal milta hai. dashadhish grah ka jo atmabhavanurup (svabhavik) shubh ya ashubh fal hai vah manushya ko uske jivan kal men kab milega is prashn ka samadhan karte hue laghuparashrikar ne batlaya hai ki sabhi grah apni dasha men apne sanbandhi ya sadharmi grah ki antardasha ke samay men apna atmabhavanurupi fal dete hain.
2 kuch tikakaron ne atm sanbandhi pad ka arth apni kalpananusar is prakar kiya hai -”atm sanbandhi grah ve hote hain
jo paraspar mitra hote hain athva donon uchchasth ya nichasth hote hain. yatha surya-chandra, surya-guru, surya-mangal, mugl-guru, budh-shukra tatha shukra-shani paraspar mitra hain. kyonki ve atm sanbandhi hain. inmen se shani aur shukra abhinn mitra hain. islie kundliyon men jahan-jahan shani kendresh hota hai, vahan-vahan shukra bhi kendresh hota hai aur shani yadi trikonesh ho to shukra bhi trikonesh hota hai.
3 kintu laghuparashri men mitra grahon, uchchasth ya nichasth gahon ko sanbandhi nahin mana gaya hai. yahan sanbandh ya atm sanbandh ka abhipray sthan, drishti, ekantar evan yuti sanbandhon se hai.
4 yadi is granth ke kisi bhi prasang men is granth ki vishesh sangyaon ko chorakar anya hora granthon ki sangyaon ke adhar par unka vichar evan nirnay kiya jaega to grahon ke shubhatva, papatva, samatva, mishrit, karakatva evan marakatva ke nirupan evan nirnay men anek bhrantiyan utpann ho jaengi. atah atm sanbandhi ka arth mitra grah, uchchasth grah ya nichasth grah manna tarkahin kalpana matra hai kyonki is vishay men laghu parashrikar ne yogadhyay men niyam evan udahrnon dvara batlaya hai ki ukt char prakar ke sanbandhon men se apas men kisi bhi prakar ka sanbandh rakhne vale grah paraspar atm sanbandhi hote hain.
5 is vishay men yahi mat maharshi parashar ka bhi hai.
6 islie kisi bhi grah ki dasha men uske sanbandhi grah ki antardasha ke samay men us grah ka svabhavik fal milta hai. yadi dashadhish grah ka kisi bhi grah se sanbandh n ho to uske sadharmi grah ki antardasha ke samay men uska svabhavik fal milta hai. sadharmi grah ka abhipray hai saman gun-dharm vala grah. arthat jin grahon ka gun-dharm saman ho ve sadharmi kahlate hain yatha-kendresh-kendresh, trikonesh-trikonesh, trishdayadhish -trishdayadhish, dvidrvadshesh-dvidrvadshesh apas men sadharmi hote hain. isi prakar marak evan karak grah bhi apas men sadharmi hote hain.
yahan dharm ka arth hai dharnaddharm ityahu arthat jise dharan kiya jae us gun ko dharm kahte hain yatha trikonesh hone ke karan shubhta evan trishdayadhish hone ke karan ashubhta adi. bhavadhish hone se grahon ke gunadharmon men antar ata hai kyonki ek hi grah bhinna-bhinn bhavon ka svami hokar shubhatva, papatva, samatva, karakatva ya marakatva dharm dharan kar leta hai. islie saman gun-dharm ko dharan karne vale grah paraspar sadharmi hote hain aur dashadhish grah ka atmabhavanurupi (svabhavik) fal uske sadharmi grah ki antardasha men milta hai.
jaisa ki kaha gaya hai ”prapte sambandhivarge na sadharmini samagte. svadhikarflan ke'pi darshayanti dishanti ch.. iti sandrishyate loke tatha grahgna api. sambandhyantardashasvev dishanti svadshafalam..“ antardashafl: anuchched 14 men batlaya gaya hai ki grah apsi sanbandh ke adhar par mukhya rup se do prakar ke hote hai.n sanbandhi tatha asanbandhi. ye donon gun-dharmon ke adhar par char-char prakar ke hote hain-sanbandhi-sadharmi, sanbandhi-viruddhadharmi, sanbandhi-ubhayadharmi tatha sanbandhi anubhayadharmi aur asanbandhi-sadharmi, asanbandhi - viruddhadharmi, asanbandhi-ubhayadharmi evan asanbandhi-anubhayadharmi. jo grah chaturvidh sanbandhon men kisi prakar ke sanbandh se paraspar sanbandhit hon, ve sanbandhi tatha jo paraspar sanbandhit n hon, ve asanbandhi kahlate hain.
saman gun-dharmon vale grah sadharmi hote hain. shubh evan ashubh donon prakar ke gun dharmon vale grah ubhayadharmi aur n to shubh aur n hi ashubh gun-dharmon vale grah anubhayadharmi hote hain. sadharmi grah: kendreshon ka kendresh, trikoneshon ka trikonesh, trishdayadhishon ka trishdayadhish ya ashtamesh, karkon ka karak tatha markon ka marak ya dvidrvadshesh sadharmi hota hai.
viruddhadharmi grah: trikonesh ka trishdayadhish, yogkarak ka marak, ashtamesh ya labhesh viruddhadharmi hota hai. ubhayadharmi grah: chaturthesh, saptamesh evan dashmesh ubhayadharmi hote hain. anubhayadharmi grah: dvitiya ya dvadash men svarashi men sthit surya evan chandrama tatha akele rahu ya ketu anubhayadharmi hote hain. in ath prakar ke grahon men se sanbandhi- sadharmi, sanbandhi-viruddhadharmi, sanbandhi -ubhayadharmi, sanbandhi-anubhayadharmi evan asanbandhi-sadharmi in panchon ki antardasha men dashadhish ka atmabhavanurupi fal milta hai. in panchon men antardashadhish ya to sanbandhi hai athva sadharmi aur shlok sankhya 30 ke anusar dashadhish apne sanbandhi ya sadharmi ki antardasha men apna atmabhavanurup fal deta hai.
7 udahrn: sanbandhi -sadharmi
û prayah yogkarak grahon ki dasha evan antardasha men unse sanbandh n rakhne vale trikonesh ki pratyantar dasha men rajyog ghatit hota hai.
8 û yogkarak grah ke sanbandhi trikonesh ki dasha aur yogkarak ki bhukti men kabhi-kabhi yogajafal milta hai
9 sanbandhi-viruddhadharmi û svabhav se papi grah bhi yogkarak grah se sanbandh hone ke karan yogkarak ki dasha aur apni antardasha men yogajafal dete hain.
10 û yadi yogkarak grah ki dasha men marak grah ki antardasha men rajyog ka praranbh ho to marak grah ki antardasha uska praranbh kar use kramshah barhati hai.
11 sanbandhi-ubhayadharmi kendresh apni dasha evan apne sanbandhi trikonesh ki bhukti men shubhafal deta hai. sanbandhi-anubhayadharmi: yadi rahu evan ketu kendra ya trikon men sthit hon to anyatar ke svami se sanbandh hone par yogkarak hote hain.
13 asanbandhi-sadharmi: yogkarak grah ki dasha aur unke asanbandhi shubh grah ki antardasha men yogkari grahon ka fal saman hota hai.
14 asanbandhi-anubhayadharmi: navam ya dasham bhav men sthit rahu ya ketu sanbandh n hone par yogkarak grah ki bhukti men yogkarak hota hai.
15 asanbandhi-viruddhadharmi û yadi dashadhish pap grah ho to uske asanbandhi shubh grah ki antardasha pap faldayak hoti hai.
16 û yadi dashadhish pap grah ho to uske asanbandhi yogkarak grahon ki antardashaen atyadhik pap faldayak hoti hain.
17 asanbandhi-ubhayadharmi: dashadhish ke viruddh faldayi anya grahon ki bhuktiyon men unke gunadharmon ke adhar par dashafal nirdharit karna chahie.
18 apvad: jis prakar koi bhi siddhant ya vad, chahe vah darshan ka ho ya vigyan ka, apvad se achuta nahin rahta, usi prakar laghuparashri ke dasha-siddhant men kuch apvadon ka samavesh hai. shastra ka svabhav hai ki vah siddhanton ke sath-sath uske apvadon ka bhi pratipadan karta hai.
shastra ek anushasan hai aur is anushasan ki do pramukh visheshtaen hoti hain- pahli yah ki yah anushasan niyamon evan adharbhut siddhanton ko samanvay ke sutra men bandhta hai tatha dusri yah ki yah kisi bhi niyam ya siddhant ko vyarth nahin hone deta. islie sabhi shastron men niyam, vad evan siddhanton ke sath-sath apvad avashya milte hain. laghuparashri ke 42 shlokon men pahla shlok manglacharan aur dusra prastavna ka hai.
37 shlokon men niyam evan siddhant tatha 3 shlokon men apvadon ka varnan aur vivechan kiya gaya hai. apvad un niyamon ko kaha jata hai jo kisi vad ya siddhanton ki sima men n ate hon aur jo vad ya siddhanton ke saman tathyapurn evan upyogi hon. islie apvad ke niyam sadaiv siddhanton ki sima se pare hote hain. laghuparashri men nimnalikhit 3 apvad milte hain, jinka dashafal ke vichar prasang men sadaiv dhyan rakhna chahie.
û marak grah svayan se sanbandh hone par bhi shubh grah ki antardasha men nahin marta. kintu sanbandh n hone par bhi pap grah ki dasha men marta hai.
19 û shani evan shukra ek dusre ki dasha men aur apni bhukti men vyatyay se ek-dusre ka shubh evan ashubh fal vishesh rup se dete hain.
20 û dashmesh evan lagnesh ek-dusre ke bhav men sthit hon to rajyog hota hai aur ismen utpann vyakti vikhyat evan vijyi hota hai.