‘‘tyaktva'dho manibandhan ya rekha syat kar gamini. suvarn ratn rajyashri dayika sa n sanshyah.. ‘‘skandh sharirik’’ granthon ke anusar manibandh se yadi bhagya rekha ka praranbh ho aur jivan rekha se milti hui age barhti jay aur shani parvat ke ant tak pahunch jaye to aisi bhagya rekha uttam mani jati hai. sabhi prakar ke sukh aise jatak ko prapt hote hain.
- yadi yah rekha anguthe v tarjani ke mul men samapt ho to yah rekha rajyadhikar deti hai.
- yah bhagya rekha yadi shani parvat par jakar samapt hoti hai to jatak bahut dhani banta hai kintu rekha bar-bar kati hui nahin honi chahie.
- yadi bhagya rekha anamika ke mul tak jaye, surya rekha men mil jaye to uchch padasth adhikari ya bara vyapari hota hai.
- yadi yah bhagya rekha kati-fati n hokar kanishtha anguli ke niche tak jaye to jatak bhagyashali hota hai aur uske pas bahut sona hota hai.
- bhagya rekha ka aranbh kai sthanon se hota hai.
1. manibandh se
2. chandra kshetra ke niche bhag se
3. shukra parvat se
4. jivan rekha se
5. hatheli ke madhya bhag se
6. keval shani kshetra se.
- manibandh ke pratham bhag se bhagya rekha ka aranbh ho to balyavastha se hi parivar ki jimmedari kandhon par a jati hai. yadi yah rekha hriday rekha tak a jaye to prem sanbandh ke karan jivan bhar kathinaiyan sahan karni parti hain.
- yadi bhagya rekha shani rekha par shani anguli ke tritiya por par charh jaye to bhagya men gahra fer hota hai. anya chihn hatheli men uttam ho to kuch vishesh jivan men ghatit hoga.
- manibandh se praranbh rekha vale jatak svayan apne parishram se purn saflta pate hain.
- chandra kshetra se yadi yah rekha shani parvat par jaye to kisi purush ki sahayta se unnati karta hai. yadi purush ho to stri ki sahayta se unnati hoti hai. yah apna jivnsathi bhi ho sakta hai.
- shukra parvat se aranbh hone vali bhagya rekha batati hai ki apke parivar vale ya mitragan apka sahyog karenge aur ap jivan men unnati karenge.
- jivan rekha ko chukar niklne vali bhagya rekha ho to parivar vale itna sahara dete hain ki vah svayan khara ho jata hai.
- hatheli ke madhya men aranbh bhagya rekha batati hai ki jivan ka aranbhik kal achcha nahin raha.
- yadi keval shani parvat par hi bhagya rekha ho to jatak ke jivan ka madhya bhag bahut kathinai se bitta hai. bhagyoday pachas varsh ki avastha men hota hai.
- gahri bhagya rekha unnati men vishesh sahayak hoti hai. patli aur halki rekha bhagya banane men bahut kam sahayak hoti hai.
- chairi bhagya rekha ka fal achcha nahin hota. aise jatak ko jivan men ek ke bad ek kathinaiyon ka samna karna parta hai.
- bhagya rekha par dvip-chihn bhagya vriddhi men rukavat ke lakshan banati hai.
- jis avastha men dvip chihn hoga jivan ka vah bhag kashtamay hoga. bhagya rekha jis kshetra se gujar rahi hogi vahi bhag dvipyukt vala jivan men kisi bhi prakar ka sankat jarur dega. kasht arthik, mansik, samajik koi bhi ho sakta hai. - jivan rekha ko katti hui rekhaen bhagya rekha ko bhi kate to jivan men chinta, kasht ke karan vikas nahin hota, bhagyoday nahin hota.
- bhagya rekha se nikalakar upar jane vali rekhaen unnati karak hoti hain aur niche ki or murne vali pragti men badhak, musibat ya koi anhoni ghatna deti hain.