jo jatak navagrah ki pira se mukti pana chahte hain, unke liye navagrah shanti hetu aushdhi snan bhi hamare shastriya vidhan men varnit hain. samagri: 100-100 gram pratyek samagri- jaise chaval, nagrmotha, sukha anvla, sarson tatha dub iske atirikt 51 tulsi ke patte, 21 patte belapatra, 10 gram pisi haldi, 21 hari ilaychi, thora gomutra, 10 gram lal chandan, 10 gram gorochan, 50 gram kale til, 5 gram laung, 10 gram guggul aur 5 gram hing. vidhi: yah snan shukla paksh ke pratham somvar se kiya jata hai, is liye ravivar ki ratri men kisi mitti ki handi men sari samagri ko shuddh jal men bhigo den.
somvar ko pratah kal sari samagri ko hath se masal kar mila den. ek ghante ke bad ismen lagabhag ek samanya map ke gilas jitna jal nikal kar snan vale jal men mila den tatha hanri men punah ek gilas shuddh jal mila dane. handi vale jal ka prayog ap lagabhag tin bar kar sakte hain. tisre din ki rat ko punah yah aushdhi jal taiyar kar len. pratidin ek gilas aushdhi yukt jal nikal kar punah ek gilas shuddh jal mila den. ab ap is jal se navagrah ka smaran kar snan karen. apko lagatar 43 din tak snan karna hai. iske bad yadi handi men koi samagri bache, to use kisi bhi vriksh ki jar men dal den. is aushdhi snan ke dvara vyakti ke navagrah tatha navagrah pira shant hoti hai aur navagrahon ka shubh fal prapt hota hai.
grah dosh nivaran tantra sadhna grah janit pira ke nivaran evan sarva grahon ki shanti ke lie hamare shastron men sarvagrah nivaran tantra sadhna ka bhi vidhan hain.
vidhi: sabse pahle ak, dhatura, chirchira (chirchira ko apamarg, latjira, undakata, aunga namon se bhi jana jata hai), dudh, baragad, pipal in chah ki jaren; shami (shishm), am, gular in tin ke patte, ek mitti ke nae patra (kalsh) men rakhakar gay ka dudh, ghi, mattha (chach) aur gomutra dalen.
fir chaval, chana, manug, gehun, kale evan safed til, safed sarson, lal evan safed chandan ka tukra (pisakar nahin), shahad dalakar mitti ke patra (kalsh) ko mitti ke hi dhakkan se dhak kar, shanivar ki sandhya-kal men pipal vriksh ki jar ke pas lakri ya hath se gaddha khodakar prithvi ke ek fut niche gar den. fir usi pipal vriksh ke niche baithakar gay ke ghrit ka ek dipak evan agarabatti jalakar niche likhe mantra ka keval 108 bar (ek mala) jap karen. amuk ke sthan par grah pirit vyakti ka nam len ya fir apna nam len (yadi ap grah pirit hai to). mantra: un namo bhaskaray (amuk) sarva grahnan pira nash kuru-kuru svaha.
is kriya ko karte samay nimnalikhit baton ka avashya dhyan rakhen.
- is kriya ko keval shanivar ke din sandhya kal men hi karen.
- vriksh ki jaron ko ikttha karte samay jaren keval hath se hi toren ya kisi anya vyakti se bhi turvakar manga sakte hain.
- kate-fate prithvi par pare hue patte n len.
- sanpurn kriya ko gopniya rakhen.
- is kriya se samast grahon ka upadrav nasht ho jata hai, mahadridrata ka nash hota hai, rog, kashta- asfltaen bhag jati hain tatha jivan bhar vyakti ko grah pira ka bhay nahin rahta.