mujhe achchi tarah se yad hai 1973 ka mere daulat ram kaelej ka vah varsh jahan mainne bi. e. arthashastra aenars men pravesh liya tha aur vahan ke knain chunav ke lie ek atyant sundar smart shakhsiyat ke sath aya tha ek lanba naujvan jiske bhashan ne hamari puri kaksha ko atyant prabhavit kiya tha. bachapan se ar. es. es ki shakhaon se jure rahne ke karan mera vot bhi nishchit rup se unhen hi gaya tha. ye aur koi nahin hamare purva vitt mantri shri arun jetli hi the. us vakt bahut si railiyon men unke v hamare dusre mantri shri vinod goyal ji ke prabhavpurn vaktavya sunne ko mile aur jitne ke bad pure kainpas men nikali gai unki raili aur fulon ki malaon se saja unka chehra aj bhi smritiyon men jinda hai.
arun ji 2009 se 2014 tak vipaksh ke neta ke rup men rahen aur 2014 se 2019 tak paksh ke neta men karyarat rahen. lagabhag 5 sal inhonne vitt mantri aur raksha mantri ki jimmedariyon ko jis tarah nibhaya vah avdhi itihas ke pannon men svarnim aksharon men ankit ho gai hai.
arun ji ko pratyek kshetra ke bare men kuch n kuch jankari rahi hai, kuch ke lie vo ek kaerporetar the, to kuch ke lie patrakar, vahin kuch unhen ek kriket ke prashansak ke rup men bhi jante hain, karibi mitra unki kalaon se bhi vakif rahe hanai, arun jetli ji ka karyakshetra aur yogyata kshetra itna vyapak raha hai ki kai bar yah kahna mushkil ho jata hai ki arun jetli ki vastavik shakhsiyat kya thi? rajniti ke purodha hone ke bavjud vo sanjida aur sanvednshil vyakti the. aise gun kavi ya kala kshetron se jure vyaktiyon men hi bahudha pae jate hain. ek udar aur sahyogi chehre ke rup men unke sath kam karne vale vyakti unhen sadaiv yad rakhenge.
rajnitik kshetra ki karyashaili aur arun jetli ka vyaktitva donon ek dusre se mel nahin khate the, is par bhi unhonne man, vachan aur karm se apne rajnaitik kartavyon ka palan kiya aur saflta ke nae sopan bhi hasil kie. karib se janne vale unke bare men kahte hain ki rajniti unke lie jarurat jaise ban gai thi, chahe n chahe karni hi pari. parantu vo ek bebak vyakti the, jo paksh men hon ya vipaksh men hon apni upasthiti darj kara hi dete hain.
chole bhature aur dal khane ke shaukin arun jetli vinodi svabhav ke the. ek bar unhonne apne ek intaravyu men kaha tha ki yadi vo rajnitigya nahin hote to nishchit rup se ek uttam shreni ke sanpadak hote. jab mud men hote, to ek alag hi andaj men bat karte the. baki sab ki tarah alochkon ne inhen bhi kabhi nahin chora. ek nam jo unhen unke midiya alochkon ne diya vo ‘‘midiya byuro chif’’ ka nam tha. arun ji bhi apne is nam par vichlit hone ki jagah garvit mahsus karte the. hamen lagta hai ki vo ek vitt chanakya the aur vitt vishyon par unki majbut pakar thi.
age barhne se purva inke parivarik jivan par ek najar dal lete hain-
apne samay ke prasiddh vakil shri maharaj kishan jetli ke ghar men 28 disambar, 1952 ko arun ji ka janm hua. pita vakil the, so apne pita ke padchihnon par chalte hue inhonne dilli vishvavidyalay se kanun ki digri hasil ki. par inke andar ek si.e. chupa tha, ek bar inhonne bataya tha ki sie banna chahte the parantu parivarik prishthabhumi vakalat ka hone ke karan unhen vakil banna para. kaelej ke dinon se hi inka rujhan rajniti men raha islie usi samay se ye akhil bhartiya vidyarthi parishad ke karyakarta bhi rahe. usi samay men inki netritva shakti ko dhar mili aur ye chatra sangh ke adhyaksh ke rup men samne ae. arun ji is dauran 19 mahinon ke lie jel bhi gae.
apne kariyar men sthapit ho bhi n pae the ki arun ka vivah kashmir ki sangita dogra se hua. jald hi arun ke ghar men rohan aur sonali nam ke do ful ghar-angan ko mahkane lage. jimmedariyan chahe parivarik hon, samajik hon, desh ya samaj se juri hon ya fir karyakshetra se sanbandhit hon sabhi ko arun ne pure utsah, josh aur chailenj ko svikar karte hue nibhaya. bahuayami pratibha ke dhani arun ji ne apne kariyar samay men anek kanuni kitaben bhi likhin. anek uljhe hue kanuni mamlon ko bakhubi suljhaya bhi. lal krishn arvani jaise rajniti ke mil ke pattharon ke kanuni kes bhi lare aur rajniti men kadam rakhne se pahle kanuni jamen ko alvida bhi kah diya. arun ji ke rajnaitik vatvriksh ka bij to kaelej ke dinon men hi par chuka tha. is vriksh ko vi. pi. sinh sarkar ke samay men khad aur pani mila aur yahan se is vriksh ne apni jaren rajnaitik mitti men majbut kin. yahan se jo iska vikas, vistar shuru hua to yah failta hi chala gaya.
bijepi sarkar ke paracham tale arun ji ka rajnaitik kariyar parvan charha. shuruat parti ke sadasya se hote hue pravakta, mantri pad, rajyasbha sadasya aur 2014 men inhen inka pasandida pad vitt mantri ka mila. yahan se inki yogyata ko nikhar mila aur inhonne modi ji ke sath kam karte hue notbandi par bare kadam uthae. unke is kathor kadam ki har or sarahna hui. inhin ke karyakal men jiesti jaisi kar pranali bhi bhartiya loktantra ko mili. is tarah arun ji ne svayan ko avval darje ka vitt mantri siddh kar diya.
arun ji 2009 se 2014 tak vipaksh ke neta ke rup men rahe aur 2014 se 2019 tak paksh ke neta rahe. lagabhag 5 sal inhonne vitt mantri aur raksha mantri ki jimmedariyon ko jis tarah nibhaya vah avdhi itihas ke pannon men svarnim aksharon men ankit ho gai hai. arun ji ka rajnaitik karyakal chota avashya raha parantu sarahniya aur avismaraniya bhi raha. kam samay men anekanek upalabdhiyan hasil karne ka shrey arun ji ko jata hai. yah sahi hai ki arun ji ko khona bhartiya rajniti ke vitt chanakya ko khone ke saman hai, inki kami koi puri nahin kar sakta. arun ji ke jivan ki kuch anchue pahluon par aiye ek najar dalte hain-
kriket ke prati inki divangi bahut thi aur virendra sahvag aur gautam ganbhir behad pasand the, isi ke chalte inhonne dilli kriket esosieshan aur bisisiai ko bhi apni sevaen din. yah inki ruchi aur pasand ki intihan thi. atal ji inke pasandida rajneta the aur bofors skaindal janch karya ke pepar inhonne apne hathon taiyar kie. aur ek rochak bat ki inhonne apne rajnaitik kariyar men kabhi bhi loksbha ka chunav nahin jita. modi ji ke naron ko pankh dete hue inhonne sabka sath sabka vikas nam se pustak bhi likhi, inke dvara likhi gai anek pustakon men se yah ek khas pustak hai.
arun ji ko itni saflta, prem aur shoharat mili, jald chale bhi gae, akhir kaun se karan the ki yah sab hua. iske lie aiye inki kundli ka adhyayan karte hain-
janm samay ke abhav men ham inki chandra kundli ka adhyayan kar rahe hain-
arun ji ka chandra lagn vrishabh hai. vrishabh janmarashi ne inhen apne iradon par atal rahne ki pravritti di. inka janm surya ke krittika nakshatra men hua. islie hi inke mukh par surya ka tej aur atmavishvas sadaiv dekha gaya. janm nakshatra ka hi prabhav tha ki ye atyant buddhiman, achche salahkar, ashavadi, kathin parishrami tatha apne lakshyon ke lie hathi bhi rahe. shukra ki rashi hone ke karan hi unhen achcha khane ka shauk tha aur achchi chij ke shaukin the. vachan ke pakke, samaj sevi the. yen-ken-prakaren arth aur yash pane ka prayas kabhi nahin kiya. galat tarikon se saflta arjit karne ki koshish bhi kabhi nahin ki. kisi ki daya ke patra banne rahna inhen kabhi achcha nahin laga. paristhiti ke hisab se apne ko badal lene ka sarahniya gun inmen raha. atyadhik imandari inke lie pareshani ka karan bhi bani hogi.
janmapatri ke parakram bhav men kark ka ketu inhen atirikt sahas de raha hai kyonki jyotish shastron men mangal ko ketu ke saman kaha gaya hai. karmesh aur navmesh shani ka uchchasth hokar chathe bhav men hona inhen vakalat aur kanuni mamlon ka jankar bana raha hai. saptam bhav men dvitiyesh budh ki upasthiti ne inhen ojpurn vani aur kushal vakta ke gun die. atmashakti ka karak grah surya inke ashtam bhav men hai. isse rogon se larne ki shakti badhit hoti hai. navam bhav men rahu aur shukra ki yuti shani ki makar rashi men hain aur mangal apni uchch rashi se nikalakar kumbh rashi ke prarambhik anshon ke sath karm bhav men sthit hai aur ayesh guru mangal ki rashi mesh men dvadash bhav men sthit hai.
janmapatri ki yah visheshta hai ki yahan bhagyesh shani aur shashthesh shukra men rashi parivartan yog ban raha hai jo inke vakalat ke karyakshetra ko pita ka karyakshetra bhi hone ka sanket de rahe hain. chatha bhav kort kachhri aur adalti mamlon ka hai. yahan karmesh uchchasth hon aur shani hon to vyakti uttam star ka vakil hota hai, shani ka saptam drishti se dvadash bhavasth labhesh guru ko prabhavit karna inhen uchch koti ka vitt visheshagya bana raha hai.
arun jetli ko yun to jivan men chote-bare kai rogon ka samna karna para. 2018 ke madhya men inki kidni ka pratyaropan bhi hua. vahan se rahat mili to inhen kainsar rog ne gher liya, madhumeh rog aur anek rogon ne anttah inki jan le li. arun ji ek surya the jinhen kainsar nam ke grahan ne ast kar diya. ek ke bad ek anek rog arun ji ko lage hue the, mrityu se purva hart ataik hone ki pushti bhi chikitsakon ne ki. fir bhi inki mrityu ka mukhya karan kainsar hi raha.
jyotish men iska karak rahu grah ko mana jata hai. yadi rahu kark rashi men sthit ho ya kark rashi ko pirit kare athva kark rashi men ho aur pap kartari yog men sthit ho to vyakti ko samanyatah kainsar rog hone ki sanbhavnaen banti hain. lekin shani v mangal bhi yah rog dete hain. jyotish men chathe bhav ke svami ko rog ka svami kaha jata hain. in donon ka sanbandh hone par rog avashya hota hai aur inka sanbandh rahu se ho raha ho tab kainsar jaise asadhya rog hote hain.
inki janmapatri men rashish aur rogesh donon shukra hain aur vah rahu ke sath yuti men hone ke falasvarup pirit hain. surya bhi pirit avastha men hai. kark rashi aur kark rashi ke svami chandra par kai ashubh evan papi grahon ka prabhav hone ke karan asadhya rog hue aur ashtamesh guru ka dvadash men jana aur ashtam bhav ka apne bhavesh guru se drisht hona, lambe rogon ke karan mrityu ki vajah bana. mrityu ke samay guru ashtamesh inke saptam bhav par gochar kar rahe the aur ashtam bhav par shani ka gochar tha. shani ki dhaiyya bhi inki janmarashi par 2017 se prabhavi thi, evan rahu ka gochar inki janmarashi par tha. janmarashi par atirikt pap ane se inhen is jivan se mukti mili. arun ji ka asamay chale jana pratyek bhartiya ki ankhon men ashru de gaya. vitt chanakya ko ham sabhi ki bhavpurn shraddhanjli !