ainimiya jivit hate haeueu bhi matri ke saman acharya avinash sinh sharir ko rojamarra ke kamkaj layak shakti ke lie lauh, protin, vitamin 'si', faulik aisid adi ki avashyakta hoti hai. ye tatva rakt ko shakti tatha sfurti dene men bahut sahayak hote hain. agar bhojan men in padarthon ki matra adhik nahin hoti, to rakt ki kami ho sakti hai, jise raktalpata, ya ainimiya bhi kahte hain. enimiya, arthat raktalpata ek aisi bimari hai, jo jivit vyakti ko mrit bana deti hai. isse vyakti ki mrityu to nahin hoti, lekin sharir svasth nahin rahta. chakkar ana, sans fulna, kam men ji n lagna, jald thakavat ana adi bhi isi rog ke lakshan hain. ainimiya char prakar ka hota hai :
1. lauh ki kami vala ainimiya.
2. megaloblastik ainimiya.
3. hemolaitak ainimiya.
4. aplastik ainimiya. lauh ki kami vala ainimiya : yah ainimiya lauh ki kami ke karan hoti hai.
paushtik bhojan kam khane ke karan rakt men lauh tatva ki kami ho jati hai, jisse rakt ki koshikaon men himoglobin nahin banta. megaloblastik ainimiya : is tarah ka ainimiya vitamin bi12 aur faulik aisid ki kami ke karan hota hai.
bi12 aur faulik aisid rakt ke lal kanon ki koshikaon ki paripakvata ke lie avashyak hote hain. inki kami ke karan rakt ki lal koshikaon men paripakvata nahin ati. islie apripakva rakt ki koshikaon ke karan hone vali ainimiya ko megaloblastik ainimiya kahte hain. hemolaitak ainimiya : is prakar ki ainimiya rakt ke lal kanon ki koshikaon ke tutne ke karan hoti hai.
iske tin karan hote haiah
1. vanshanugat vikar
2. rakt kanon par aghat
3. maleriya jaise sankraman. aplastik ainimiya : is prakar ki ainimiya tab hoti hai, jab haddiyon men majja banna band ho jata hai. iske karan adhik nashile aur rasaynik padarthon ka sevan aur ghatak bimari hote hain.
jyadatar ainimiya ki shikayat lauh ki kami aur megaloblastik ke karan hoti hai. ismen rakt ke lal kanon men lauh, himoglobin, faulik aisid aur vitamin bi12 ki kami hoti hai. yah bhojan ki galat adton tatha kuposhan ke karan bachchon, burhon aur khas kar garbhavati yuvtiyon ko hoti hai.
upchar : rakt ki vriddhi ke lie aisi vastuon ka upyog karna chahie, jinmen loha aur vitamin bi12 hon. ankurit anaj, dudh, dahi, chilka yukt dal, soyabin, hare patte vali sabjiyon men vitamin bi12 aur loha adhik hote hai. hari sabjiyon men upasthit faulik aisid ka khun ko barhane se sidha sanbandh hai. faulik aisid ki kami bi12 ki kami se pahle ubhrti hai, jisse pachan bigrne lagta hai, jibh par chale evan dimag kamjor parne lagta hai. inki kami se smaran shakti bhi nasht hone lagti hai.
sharabiyon aur vriddhon men faulik aisid ki kami prayah dekhi gayi hai. ankurit anaj ka upyog karne se bhi bari teji se rakt ki vriddhi hoti hai. ankurit anaj jivan shakti ka bhandar hota hai. ismen bhojan ke lagabhag sabhi tatva hote hain. islie bhojan men ankurit anaj ka upyog karen. shahad aur dudh bhi rakt vriddhi men sahayak hote hain.
gharelu upay : munakka : 10-12 munakka dho kar rat ko bhigon den. barah ghante bad munakka ke bij nikal kar chaba kar kha len. ek mah ke sevan se hi khun men vriddhi ho jaegi. isse khun ki safai bhi ho jaegi aur agar garmiyon men nak se khun bahta hai, to vah bhi band ho jaega.
kishmish : kishmish ko bhi garm pani men pratah dho kar saf kar len aur fir unhen kachche dudh men dubo den aur kuch der bad kishmish sahit dudh ubal len aur fir kishmish kha kar upar se dudh pi len. isse rakt men vriddhi hoti hai aur ainimiya thik ho jati hai. isse nimn raktachap, yakrit ki kharabi, badhjmi bhi thik hote hain. angur ka ras ek pyala subh-sham ke bhojan ke ek ghante bad lene se ek mah men rakt ki kami dur ho jati hai. iske alava pachan shakti barhti hai. afra aur dil ke daure bhi thik ho jate hain.
palak ka ras 125 gram ki matra men kuch din tak pine se ainimiya thik ho jati hai. tamatar men lauh tatva dudh se dugna hota hai. islie iske sevan se rakt ki pratirodhak shakti barhti hai, jisse yakrit ki sfurti barhti hai. angur, palak, tamatar, ke atirikt anvla, pipar, gajar, chukandar, bathua, chaulai, methi, anar, muli ki pattiyan, seb, santra adi sabhi raktavardhak hain. gajar, anvla, chukandar ka ras ek pyala din men do bar pine se khun ki har prakar ki kami dur hoti hai aur chehra lal ho jata hai, jisse khubsurti barhti hai.
jyotishiya drishtikon : jyotishiya drishti se kal purush ki kundli ka pancham bhav yakrit, arthat livar ka hai. yahan par rakt banta hai. chandra grah sharir men taral padarthon ka karak hai aur khun bhi taral padarth hai. mangal grah sharir ki haddiyon men majja ka karak hai, jo rakt ke lal kanon aur himoglobin ko sunishchit karta hai. guru grah livar ka karak hai. in sabhi ka sanbandh khun se hai. islie inka dushprabhavon men hona vyakti ke rakt men vikar utpann karta hain, jinmen ek ainimiya, arthat raktalpata hai.
vibhinn lagnon men raktalpata rog :
mesh lagn : budh pancham bhav men, lagnesh ekadash bhav men shani se drisht ho aur surya shashth bhav men guru-rahu se drisht, trik bhavon men ho aur chandra ast ho, to raktalpata jaisa rakt vikar hota hai.
vrish lagn : shani ashtam bhav men, guru rahu, ya ketu se yukt pancham bhav men, panchmesh aur lagnesh surya se ast hon, aur chandra par shani ki drishti ho, to raktalpata jaisa rog hota hai.
mithun lagn : mangal ki drishti pancham bhav, panchmesh aur lagnesh par ho, chandra mangal se yukt ho, lagnesh surya se ast ho kar tritiya, ya shashth bhav men ho aur guru par shani, ya rahu ki drishti ho, to raktalpata hoti hai.
kark lagn : mangal trik sthanon men shani se yukt, ya drisht ho, lagnesh chandra rahu se drisht, ya yukt ho, lagn par bhi rahu, ya ketu ki drishti ho, guru shashth bhav men ho, to raktalpata hoti hai.
sinh lagn : lagnesh surya shashth bhav men, budh pancham bhav men, rahu ketu se yukt, ya drisht ho, shani pancham bhav par drishti rakhe aur chandra bhi shani se drisht, ya yukt ho, to rakt vikar ho kar raktalpata hoti hai.
kanya lagn : pancham bhav, panchmesh par mangal ki drishti ho, chandra pancham bhav men guru se drisht, ya yukt ho aur usapar rah-u kate u ki drii sht ha e tatha lagnashe a magan l se yukt ho, to raktalpata hoti hai.
tula lagn : guru lagn, ya pancham bhav men mangal se yukt ho, lagnesh shukra aur budh donon surya se ast ho kar shashth, ya ashtam bhav men hon, chandra rahu, ya ketu, ya shani se yukt, ya drisht ho, to raktalpata jaisa rog hota hai.
vrishchik lagn : budh pancham bhav men ho aur ast n ho, surya shashth bhav men rahu-ketu se drisht ho, chandra shani se yukt, ya drisht ho aur lagnesh mangal bhi shani se prabhavit ho raha ho, guru trik bhavon men ho, to raktalpata dete hain.
dhanu lagn : shukra pancham bhav men, budh saptam men, surya ashtam men shani se yukt ho, guru shashth bhav men rahu-ketu se drisht, ya yukt ho, mangal aur chandra yukt ya ek dusre par drishti rakhen, to raktalpata hoti hai.
makar lagn : guru pancham bhav men, ya pancham bhav par drishti rakhe, lagnesh trik bhavon men aur chandra nich rashi men mangal se drisht ho aur mangal shani se drisht, ya yukt ho aur panchmesh ast ho, to raktalpata hoti hai.
kunbh lagn : panchmesh budh shashth bhav men aur shashthesh pancham bhav men guru se drisht, ya yukt hon, lagnesh shani ashtam bhav men rahu se yukt, ya drisht ho, to rakt vikar se raktalpata hoti hai.
min lagn : shukra lagn, ya pancham bhav men ho aur lagnesh shashth, ya ashtam bhav men ho aur rahu-ketu se yukt, ya drisht ho, mangal pancham bhav men aur panchmesh ashtam bhav men hon tatha lagn, ya pancham bhav par shani ki drishti ho, to raktalpata hoti hai.
uparyukt sabhi yog chalit kundli par adharit hain. rog ki utpatti sanbandhit grah dasha-antardasha aur gochar grah ke pratikul rahne se hota hai. jab tak dasha-antardasha pratikul rahenge, sharir men rog rahega. uske bad thik ho jaega. lekin thik avastha men bhi pachan sansthan men koi vyadhi rahegi.