adi anadi kal se mahimamyi bharat desh ki sabhyata-sanskriti men mahatvapurn bhumika nirvahan karne vala bharat ka florij ke nam se vikhyat prachin kaling v bad ke samay men utkal ke nam se prasiddh aj ka odisha pradesh apne kai khyatnam dharohron v prachin devi tirthon ke lie vishvashrut raha hai unmen man tarini ki ganna pradesh ke prachinatam asthavan devi tirth v adhishthatri shakti ke rup men ki jati hai. man tarini ki mahima dekhen ki man ka mul tirth ghatga men rahne ke bavjud sanpurn odisha, bangal, jharkhand v chattisagarh kshetra men man ke kitne hi devalay hain. mandir se jure tathyon ka adhyayn-anushilan, jankaron se li gai jankari v mandir ke vistrit nirikshan, darshan se spasht hota hai ki orisha ki sabhyata sanskriti men man ka vaishishtya ati prachin kal se kayam hai. odisha men devi man ke dvadash sthalon ka khub man hai jo kaktpur men mangla, konark men samachandi, jhankde men sarla, purushottam kshetra men bimla, banki men chachikai, sanblpur men samlai (sanbhleshvari), ajpur men virja, pashchim men hengulai, bhuvneshvar men gauri, vanpur men bhagvti, uttar men chandi v ghatgan men tarini ke nam se pujit hain. man apne harek bhakton ka tarntaran karti hain is karan yahan mata ji ko tarini kaha jata hai jinki rup-svarup v prakriti kai arthon men man kali v man tara ke saman hai. odisha pradesh ka ek jila nagar kyonjhar se 45 kimi. duri tay karke sarak marg se man ke is sthan tak ana sahaj hai jo ispat nagri raurkela se 289 ki.mi. ki duri par hai.
Kya aapko lekh pasand aaya?
Subscribe