2012 ke varshaman men ek saikend ki vriddhi is varsh 30 jun 2012 ke din ke samyaman men khagol vaigyanikon dvara ek saikend ki vriddhi darj ki gai hai. iska pramukh karan he ki is din prithvi ne sadharan dinon ki apeksha apni dhuri par ek chakkar pura karne men ek saikend adhik liya. is karan 30 jun 2012 ke madhya ratri 23.59.60 ghante ke pashchat ek saikend aur jora gaya. vaigyanik ise ‘‘lip saikend’’ kahte hain. prithvi ki gati men is aniyamitta ka pramukh karan hai prithvi par apni kaksha men tatha apni dhuri par ghumte samay surya v chandrama ke gurutvakarshan evan samudra men uthne vale jvar bhata ka prabhav. yah prabhav anek bar prithvi ki niyamit gati men kuch saikends ka fark utpann kar deta hai. 30 jun 2012 ko prithvine inhin prabhavon ke karan apni dhuri par ek chakkar pura karne men ek sainkend adhik liya. is karan khagol vaigyanikon ne yah nirnay liya hai ki is varsh ki samyavdhi men ek atirikt saikend jora jaega jisse duniya ke samay evan prithvi ki gati men hone vale parivartan men talmel ho sake. aisa nahin hai ki vishva ke itihas men aisa pahli bar ho raha hai. 1972 men do bar lip saikend jora gaya tha. uske pashchat sat varsh tak pratyek varsh ek saikend jora gaya. is prakar 1972 se 1979 ke madhya 9 lip saikend jore gae. pichli bar yah lip saikend 1999, 2005 evan 2008 men jora gaya tha.
Kya aapko lekh pasand aaya?
Subscribe