भाग्यो फलति सर्वत्र न विद्या न च पौरूषम्

bhagyo falti sarvatra n vidya n ch paurusham  

Ank ke aur Lekh | Sambandhit Lekh | Views : 928 |  
koi bhi vyakti chahe vah kitna hi hoshiyar, sahsi v balyukt kyon n hon, yadi uska bhagya balvan nahin hai, to sab bekar hai. bhagyabli hona atyant avashyak hai. grah chalit, navansh, grah dasha kram sabhi prakar se balshali hone par hi grahon ka uttam prabhav jivan men falit hota hai. sumit ki kahani bhi kuch aisa hi bayan karti hai. aksar dekha jata hai ki jyotish men anek vidvan keval janmakundli dekhakar hi bhavishya-kathan kar dete hain. ye keval janmasth grahon ki sthiti ka avlokan karte hi apni ray de dete hain. unka bhavishya kathan anek bar satik baithta hai parantu kai bar bilkul galat bhi ho jata hai. iske kai karan hain. janm patri ke vishleshan men chalit kundli, grahon ki vakra sthiti, stanbhit sthiti, grahon ka balabal adi bhi dekhna avashyak hai. hal hi men aisi hi ek kundli dekhne ko mili. sumit apne mata-pita ki pratham santan hai. uske janm par anek vidvanon ne uske ujjaval bhavishya ke bare men uske mata-pita ko bataya. sumit ke pashchat uski do bahnon ne janm liya. tinon bachchon ka laln-palan unke mata-pita atyant prem se kar rahe the. sumit bachapan se parhai se ji churata tha jabki donon choti bahnen parhne men bahut tej thin. sumit ko uski man khub jabaradasti karke bhi skul nahin bhej pati thi. vah ya to chup kar so jata ya koi bhi bahana bana kar skul nahin jata tha. bahnen parhne men atyant hoshiyar thi. ve lagatar har kaksha men achche nanbro se uttirn hoti rahin aur samay par donoen ne hi snatkottar ki pariksha bhi pas kar li jabki sumit dasvin pas karne men asamarth raha. mata-pita donon hi ab uski parhai ke sath-sath uske bhavishya ko lekar kafi chintit rahne lage. unhen pata tha ki bina parha-likha hone ke karan uske sukhad bhavishya ki kalpana karna nirarthaka-sa lagta hai. fir bhi unhonne use kuch vyapar karane ki koshish ki. use tin-char bar chote-chote vyapar evan kam karae gaye, lekin sumit ko kisi men saflta nahin mili. vah mehanat bhi karta to use uska fal nahin milta tha. sath hi uska atyant kamjor atma-vishvas use koi bhi nirnay lene men asamarth bana deta tha. vyapar nahin chalne ke karan sumit ne naukri karna shuru kiya. naukri men use kafi kam tanakhvah hi mili. aur usmen bhi usko aisi jagah naukri mili jahan par samay par tanakhvah nahin di jati thi athva kisi n kisi karan se uski tanakhvah men kafi katauti bhi ho jati thi aur jo bhi milta, usse do vakt ki roti jutana bhi mushkil ho jata. kahne ka arth hai ki uske bhagya ne n hi vyapar men uska sath diya aur n hi naukri men. mata-pita bichare bachapan men ki gai bhavishyavani ki duhai dete nahin thakte ki unke acharya ji ne kaha kya tha aur ho kya gaya. samay par sumit ka vivah ho gaya aur use kafi sushil patni ruchi mili jisne uska puri tarah se sath diya aur ab unke pas do bachche hain jo parhai men kafi hoshiyar hain lekin sumit ko ab yahi chinta hai ki uski jindgi to jaise-taise bit gai. kya vah apne bachchon ko vah shiksha v arthik sanbal de paega jiske ve hakdar hain aur shayad parh-likh kar ve uske bhavishya ko bhi sudhar saken aur uske bhavishya ka sahara ban saken. aiye, karen sumit ki janmakundli ka vishleshan aur janen ki uski kundli andar khane kya kahti hai. vah apne jivan men un upalabdhiyon ko bhi kyon hasil nahin kar paya jo asan pratit hoti thin. yah uske bhagya ki vidanbna hi hai jo usko jhelni par rahi hai. sumit ki lagn kuundli ka vishleshan karen to kundli atyant prabhavshali pratit hoti hai. grahon ki sthiti lagnesh shukra, saptam bhav, kendra men vakra hokar balvan avastha men hain. dvitiyesh aur panchmesh budh apni uchch rashi kanya men pancham bhav men hi baithe hain. rahu aur mangal donon hi parakram bhav men baithe hain aur parakram bhav men donon grahon ki sthiti atyant shubh hoti hai. sukhesh surya or parakramesh chandra kundli ke shashth bhav men hai, lekin ye budh aur shukra ke shubhakartari yog men hain. kalatra karak grah shukra karak hokar saptam bhav men sthit hain. bhagyesh shani svagrahi hokar apni hi rashi men bhagya sthan men sthit hai aur guru ashtamesh aur labhesh hokar dasham bhav men kendra men hai. kul milakar dekhe to pratit hota hai ki sabhi grah apni uttam sthiti men hai. grahon ki sthiti ka sukshm rup se vishleshan karen to shukra guru se kendra men hain aur saptamesh mangal rahu ke sath shani ki drishti men hai. islie yada- kada ruchi aur sumit ka manmutav to avashya hoga, anyatha danpatya sukh ke lie kundli uttam hai. uchch ka budh pancham bhav men hote hue bhi sumit ko vidyarjan men bahut taklif ai aur ismen dusron ko apni or akarshit karne ki kshamata ka bhi abhav hai. iska mul karan hai panchmesh budh ka chalit kundli men shashth bhav men nichasth surya aur chandra ke sath hona. budh pancham bhav ke fal dene ke bajay chathe bhav ke fal pradan kar raha hai. isi tarah parakram bhav men rahu aur mangal ki yuti ke karan sumit ko atyant utsahi, sahsi v udyami hona chahie tha. parantu parakram bhav ka svami chandra lagn se shashth, rog bhav men nichasth surya ke sath hai aur chalit kundli men rahu aur mangal donon hi sukh bhav men a gaye hain aur chaturth bhav arthat sumit ke sukh bhav ko pratikul rup se prabhavit kar rahe hain aur chunki tritiyesh chandra purn ast ho kar surya ke sath ek se ansh men sthit hai tatha shani ki purn drishti men hai. islie usmen atm vishvas ki bhi kami hai. chaturthesh surya bhi apni nich rashi men shani se drisht hokar baithe hain tatha kisi bhi shubh grah ki drishti men nahin hai. islie apni or se vah makan, vahan ka koi sukh prapt nahin kar saka. sthir lagn ke lie navmesh badhak grah hota hai. yahan shani badhkesh hokar bhagya sthan men hai tatha chalit men dasham bhav men chale gaye hain. islie yog karak grah hote hue bhi shani ne badhkesh ke hi parinam die hain kyoki ketu shani ke sath navam men sthit hai. islie sumit n to vyapar men safal ho paya aur n hi koi achchi naukri kar paya. uske bhagyesh ne bhagya sthan men baithne ke bavjud use koi shubh fal pradan nahin kiya. dasham bhav ka vishleshan karen to vahan par guru ashtamesh aur labhesh hokar rahu ke nakshatra men baithe hain. brihaspati is lagn ke lie akarak grah hai aur ashubh grah ke nakshatra men hai islie isne prakritik shubh grah hote hue bhi, dasham sthan men baithakar sumit ke karya kshetra ko pratikul rup se prabhavit kiya aur arthik labh bhi pradan nahin kiya. isi tarah sadharan si dikhne vali kundli men anek bar aise raj yog chipe hote hain jinke karan sadharan jindgi jine vala vyakti bhi samay ane par raja ki jindgi jita hai. iske sath dasha ka rol bhi jabaradast hai. janm ke pashchat akarak grahon ki dasha a jae to achchi kundli hote hue bhi shubh fal prapt hone par prashn chihn lag jata hai. aise hi kai bar karak grah ki dasha jivan kal men ati hi nahin, han antrdsha aur pratyantardasha avashya ati hai, par unka prabhav kuch thore samay ke lie hi hota hai. sumit ke janm ke samay rahu ki mahadsha chal rahi thi. rahu parakram bhav men mangal ke sath hai par vah chunki chalit men sukh bhav men chale gaye hain islie use bachapan men pura sukh prapt nahin hua aur vah kafi sust aur alsi bana raha anyatha tisre ke rahu aur mangal ko use atyant chapal, khilari v utsahi banana chahie tha. gyarah varsh ke pashchat guru ki 16 varsh ki dasha chali. is lagn ke lie tatha chandra lagn ke lie bhi guru akarak grah hai. isi dasha men sumit ki parhai aur kairiyar ka faisla hona tha, parantu guru ne kendra men hote hue bhi vanchit shubh fal nahin diya kyonki guru ne akarak hokar dasham bhav men baithakar sthan-hani di arthat uska kairiyar chaipat kar diya. navansh men dasham bhav men svagrahi hone se guru aur bali ho gaye aur unki ashubhta dasham bhav ke lie aur adhik barh gai. iske sath-sath akarak grah mangal bhi guru ko ashubh drishti se dekh rahe hain. iske atirikt kunbh rashi men guru bahut achcha fal islie bhi pradan nahin karte kyonki kunbh men guru apni rashi se barhven v tisre ho jate hain. sumit ki kundli men guru vidya ke karak hokar vidya bhav se chathe bhav men hai islie bhi unhonne vidya prapti men sahyog nahin diya aur iske sath panchmesh budh bhi chathe bhav men chale gaye hain isilie vidya ka sukh nahin mila. guru ke pashchat shani ki mahadsha 19 varsh tak chali parantu is dasha men bhi kuch labh prapt nahin hua kyonki shani yahan yogkarak grah hokar badhak bhi hai aur navansh men apni nich rashi men hai. chalit kundli men ashtamesh guru ke sath dasham mangal v rahu ki drishti men hone se karma-jivan par pratikul prabhav para. iske sath hi shani chandrama ke nakshatra men hai aur chandrama kundli men purn ast hokar nich surya ke sath shani ki drishti men trik bhav men sthit hai, amavasya ka janm hai islie karm jivan men koi shubh labh prapt nahin hua. abhi 2009 se budh ki dasha aranbh hui hai. budh panchmesh hokar chathe bhav men a gaye hain islie is dasha men bhi karma-jivan men vishesh unnati sandehajanak dikhai deti hai.
Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.