कार्यालय में कैसा रखें व्यवहार

karyalay men kaisa rakhen vyavhar  

Sambandhit Lekh | Views : 869 |  

apne kariyar men har koi tarakki chahta hai. is tarakki men jahan behatar kam ki mahatvapurn bhumika hai, vahin behatar vyavhar bhi bahut jaruri hai. yahan aise hi binduon ko spasht kiya gaya hai, jo apki tarakki men mil ke patthar sabit ho sakte hain.

ham apne jivan ka bahut bada hissa karyasthal par gujarte hain. aise men hamara vyavhar hi sabse pahle hamare kam ata hai, parantu kai log anjane men kuch galtiyan kar jate hain, jo unki tarakki ke marg men badhak ban jati hain. janie karyasthal par achche vyavhar ko banae rakhne ke kuch gur.

apki saflta aur vikas men bahut kuch apke dvara khud ki banai chavi par nirbhar karta hai aur apki chavi matra apke kam se hi viksit nahin hoti, balki yah karyasthal par apke vyavhar se bhi banti hai. yah bat aksar log bhul jate hain aur pramoshan ke samay unhen is bhul ki yad ati hai, islie kathor parishram ke sath-sath yah bhi jaruri hai ki ap apne sathiyon ke sath achcha bartav karen aur logon par apne vyavhar se sakaratmak asar dalen.

karyasthal par vyavhar ke kuch buniyadi pahluon ki ek suchi ham yahan de rahe hain, jise hamesha dhyan rakhna chahie.

☆ dres kod ka palan karen

apki veshbhusha apke profeshnlijm aur atmavishvas ko banane ya bigadne men bahut badi bhumika nibhati hai. daftar ke dres kod ka palan n karna n keval sahakarmiyon ki nigah men apko gair-jimmedar banata hai, balki profeshanal chavi ko bhi nasht karta hai.

☆ samay ki pabandi

samay ka paband n hona anya logon ko bura lag sakta hai aur apki profeshanal chavi ko to nuksan pahunchata hi hai. kam ya apointments men deri hona yah darshata hai ki ap karya ke prati ganbhir nahin hain. sath hi yah n keval apke, balki dusre logon ke kam par bhi asar dalega. anya logon ke samay ki ijjat karen aur mitings aur apointments adi ke lie samay par pahunchen.

☆ sahakarmiyon aur varishthon ki ijjat

anya logon ki ijjat karna buniyadi shishtachar ka hissa hai. dusron ki ijjat n karne se keval nakaratmakata aur nafarat hi upjti hai. ap kam karne men kitne bhi kushal kyon n hon, lekin yadi ap apne sathiyon ki ijjat nahin karte to apki saflta ki sanbhavna samapt ho jati hai. yahan tak ki aise mahaul men rahna, kam karna bhi dubhar ho jata hai. islie apne sahakarmiyon ki ijjat karte hue karyasthal par apsi sahyog ki sanskriti ko majbut karen.

☆ daftar ki maryada banae rakhen

chillana, tej bolna, kisi ki bat katna, bebat shor machana, mobail ki ghanti ko bajte rahne dena adi daftar ki maryada ko bigadte hain. aise karyo se bachen, jo daftar ka mahaul kharab karte hain. yad rakhen ki vahan aur log bhi kam karte hain, jinhen apki in adton se dikkat hogi. hamesha daftar ki garima ka khyal rakhen aur sabke lie mahaul shantimay aur svasth banane men sahyog den.

☆ afvahen n failaen

afvahon ka apki profeshanal chavi par viprit asar padta hai. sabhi profeshanals ko is adat se dur rahna chahie. har jagah aise log jarur hote hain, jo afvahon aur gapbaji men apna sara samay barbad karte hain. aise logon ko kabhi ijjat ki nigah se nahin dekha jata. yahan tak ki kuch kanpniyon men to aise afvah failane valon ke khilaf kadi nitiyan bhi bani hui hain. sabki sunen par kabhi afvahen failane ka hissa n banen. kai bar daftar ek praimri skul ki bhanti bhi hota hai, jahan apko achche vyavhar ke nanbar bhi milte hain.

halanki, karyasthal par achche vyavhar ki koi niyamavli nahin hoti, fir bhi apki tarakki aur chavi ko uncha uthane men mahatvapurn bhumika nibhata hai. islie kadi mehanat ke sath-sath achcha vyavhar bhi darshaen. ap paenge ki pramoshan ke samay yah gur kis tarah apke paksh men kam karta hai.

Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.