कैसा है आपका जीवन-व्यवहार!

kaisa hai apka jivn-vyavhar!  

Sambandhit Lekh | Views : 896 |  

apna acharan sudharen

hindu, muslim, parsi, bauddh, isai, jain. maile man dukhiya rahen, kahan nam men chain॥

☆ jati, varn, varg, samuday

dharm ki jati, varn, varg, samuday, desh, rashtra ki simaon men bhi nahin bandha ja sakta. manav samaj ke kisi bhi varg men dharmavan vyakti ho sakta hai. dharm par kisi ek varg vishesh ka ekadhikar nahin hua karta. dharm hamen nek admi banna sikhata hai. nek admi, nek admi hai. vah apne sanpraday ki hi nahin, pratyut sare manav samaj ki shobha hai.

☆ nek hindu ya muslman

jo nek admi hi nahin hai, vah nek hindu ya muslman, nek bauddh ya jain, nek bhartiya ya barmi, nek brahman ya kshatriya kaise ho sakta hai? aur jo nek admi ho gaya vah sahi mayne men dharmavan ho gaya. use koi kisi nam se pukaren, kya fark parta hai?

☆ gulab gulab hi rahega

gulab gulab hi rahega, nam badal lene se uski mahak men koi antar nahin aega. jis bagiya men khilega, n keval use balki aspas ke sare vayumandal ko apni saurabh se surbhit karega. atah mukhya bat hai dharmavan banne ki. nek insan banne ki. nam chahe so rahe. bagiya chahe jis samudayki ho. us par chahe jis nam ka bord laga ho. ful khilne chahie. saurabh bikhrna chahie.

☆ sanpradayik aur jatiyata

sanpradayik aur jatiyata ka rangin chashma utar kar dekhen to hi dharm ka shuddh rup samajh men ata hai. anyatha apne sanpraday ka rang-rogan, nam-lebal hi sari pramukhta le leta hai. dharm ka sar mahatvahin ho jata hai. dharm ki kasauti par kisi vyakti ko kasakar dekhna ho to yah nahin dekhenge ki vah kis sanpraday men dikshit hai? athva kis darshanik manyata ko manta hai? athva kin rurhiyon ko palta hai? varan yah dekhenge ki uska acharan kaisa hai?

☆ jivn-vyavhar kaisa hai?

jivn-vyavhar kaisa hai? kushal hai ya nahin? pavan hai ya nahin? atma-manglkari aur lok-manglkari hai ya nahin? yadi hai to dharmavan hi hai. jitna-jitna hai, utna-utna dharmavan hai. yadi nahin hai to us vyakti ka dharm se koi sanbandh nahin hai. bhale vah apne apko chahe jis nam se pukare, bhale vah chahe jis sanpraday ka, chahe jaisa akarshan billa lagae fire. dharm ka in sanpradayik billon se kya sanbandh? kore nam se, billon se hamen kya milne vala hai? kisi ko bhi kya milne vala hai?

☆ sharab bhari botal par dudh ka lebal

sharab bhari botal par dudh ka lebal laga ho to use pikar ham apni hani hi karenge. yadi usmen pani bhara ho to use pikar pyas bhale bujha len, parantu balvan nahin ban sakenge. balvan banna ho to nikhalis dudh pina hoga. botal ka rang-rup ya us par laga lebal chahe jo ho. in nam aur leblon men kya para hai? sanpradayikta, jatiyata aur rashtriyata ka bhut sir par savar hota hai to keval botal aur botal ke nam aur lebal ko hi sara mahatva dene lagte hain. dudh gaun ho jata hai. dharm gaun ho jata hai.

☆ apne acharan sudharen

ao, in nam aur leblon se upar uthakar apne acharan sudharen. vani ko sanymit rakhte hue jhuth, karvapan, ninda aur nirarthak pralap se bachen. sharir ko sanymit rakhte hue hinsa, chori, vyabhichar aur pramad sevan se bachen. apni ajivika ko shuddh karen aur jan ahitkari vyavsayon se bachen. man ko sanymit rakhte hue use vash men rakhna sikhen.

☆ jagruk bane rahne ka abhyas karaen

use satat savdhan, jagruk bane rahne ka abhyas karaen aur pratikshan ghatne vali ghatna ko jaisi hai, vaisi, sakshibhav se dekh sakte ka samarthya barhakar antas ki rag, dvesh aur moh ki granthiyan dur karen. chitt ko nitant nirmal banaen. use anant maitri aur karuna se bharen. bina nam-lebal vale dharm ka yahi mangl-vidhan hai.

Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.