आप और आपका नववर्ष संकल्प 2017

ap aur apka navavarsh sankalp 2017  

Ank ke aur Lekh | Sambandhit Lekh | Views : 1674 |  
mesh : apki yah visheshta hai ki ap pratyek karya men age rahti hain. jivan ko ujjval banae rakhne ka pratyek gun ap men hai. apne sahas, drirh sankalp, atmavishvas aur utsah ka prayog dusron ko khush rakhne ke lie karen, apni kabiliyat ko barhayen. jahan tak sanbhav ho kabil banen. is sal apko yah sankalp lena chahie ki ap ek samay men ek hi karya ko hath men lengi. karyakshetra men bhi ek pariyojna par karya karna apke lie uttam rahega. isse ap apni urjashakti ka sahi prayog kar payengi. sath hi ap apni adhirta, gusse, aveg par bhi niyantran rakhne ka prayas karen. vrishabh : rashi ke prabhav se ap bahut parishrami aur vishvasniya svabhav ki mahila hain. karyon ko anjam tak pahunchane ka vishesh gun rakhti hain. ghar ka kam ho ya aufis ka, ap karya ko purn pratibaddhata ke sath karti hain. achchi aur sundar chijon se pyar karti hain aur bhautik sukhon se ghire rahna pasand karti hain. sath hi ap dhairyavan, vyavharik, samarpit v jimmedari yukta mahila hanai. is navavarsh par ap yah sankalp len ki ap apni jidd men kami karengi v yojnaon men achanak parivartan karne se bachengi. mithun : apki janmarashi mithun hai. rashi prabhav se ap buddhiman aur jigyasu mahila hain. ap svabhav se milnsar aur vinodi hain. apni jimmedariyon ko bahut ganbhirta, vicharshilta ke sath pura karti hain. sath hi ap komal, snehi, jigyasu, anukulniya, turant sikhne ki kshamata rakhne vali aur vicharon ka adan-pradan karne vali mahila hain. nae varsh ke sankalp ke rup men ap apne vicharon ko dayri men likhna shuru karen. sahaj prayas se hi ap aisa karne men safl rahengi. iske alava ap apni mitrata ko bakhubi nibhane ka prayas karen. nae mitra banane men jaldabaji n karen. kark : kark rashi apko sahaj aur bhavuk bana rahi hai. jivan ke pratyek kshetra men ap vafadar rahti hain. apne nikat ke vyaktiyon se vishesh lagav rakhti hanai. sanvednshilta apko vishesh gun pradan karti hai. sath hi apmen drirh sankalp ke sath karya karne ka gun hai. parivar aur aufis donon men santulan rakh kar chalti hain. is ane vale varsh men ap sadaiv sakaratmak bane rahne ka svayan se vada kar sakti hain. yah sankalp apko nirasha se bachaega tatha jivan men age barhne men madad karega. sinh : apki janmarashi sinh hai. yah apko janmajat neta aur atmavishvasi bana rahi hai. ap ka vyaktitva bahut prabhavshali hai. jatil sthitiyon ko suljhana bhi apke vyaktitva ka ek vishesh gun hai. sath hi yah rashi apko udar aur vafadar bhi bana rahi hai. mushkil samay men bhi ap shant hokar apne dimag ka prayog kar pane ki kshamata rakhti hain. navavarsh men apne jivan ko behatar karne ke lie ap ahan na karne ka sankalp len. abhiman se bachna apke jivan men unnati aur saflta ke nae marg kholega. kanya : kanya rashi apko uttam mitra bana rahi hai. jivan ke prati ap bahut sachet rahti hain. ane vale pratyek avasar ko hath se n niklne dene ka apka drishtikon rahta hai tatha ap vyavharik, vishleshnatmak v yojna banakar karya karna pasand karti hanai. apka vyaktitva bahut suljha hua hai. apne lakshyon aur sapnon ko lekar chintit rahne vali mahila hone ke karan ap kuch mahatvakankshi bhi hain. navavarsh ke din ap sankalp len ki ap rishton men atyadhik vyavharik hone se bachengi. sanbhav hone par dusron ki madad ke lie age ayengi. tula : apka chandrama tula rashi men hone ke karan apki janmarashi tula hai. tula rashi ka prabhav apko shant aur nishpaksh bana raha hai. akele rahna apko napsand ho sakta hai. kala, sangit aur khubsurat chijon se ghire rahna apko achcha lagega. ane vale sal men bhagya ka sahyog pane ke lie ap navavarsh men har sthiti ka sahas ke sath samna karne ka sankalp len. nae sal men apko bhagyavadita, anishchay aur avishvasniyata se bachna hoga. vrishchik : ap vrishchik rashi ki mahila hanai. ap bhavuk aur mukhar svabhav ki hain. drirh nishchayi aur nirnay lene ka gun rakhti hain. apka svabhav khoji kism ka hai. islie sachchai ka pata lagane tak khoj karti rahti hain, sthiti se hamesha avagat rahti hain, apne niji jivan ke rahasyon ko gupt rakhti hain. navavarsh ki purva sandhya par svayan se vada kar sakti hain ki ap atyadhik jiddi nahin hongi aur logon ke sath mel-milap barhayengi. sath hi ap shanka, ishrya, ekantapriyata se bhi bachengi. dhanu : ap ashavadi aur prafullit rahne vali mahila hain. dhanu rashi apko khula man aur darshanik drishtikon de rahi hai. yah apko bahirmukhi, ashavadi, utsahi aur parivartanon ko pasand karne vala bhi bana raha hai. vibhinn logon se jurne ke lie ap utsuk rahti hain. vibhinn sanskritiyon aur darshan ki talash apko rahti hai. nae sal men vada karen ki ap atyadhik adhirta se bachengi tatha vyavhar kushal rahengi. iske sath hi apko svayan ki abhivyakti ki kala sikhni hogi. makar : makar rashi apko atm niyantrit bana rahi hai. ap vyaktigat aur vyaparik donon jaghon par saflta prapt karne men safal rahne vali mahila hain. yah rashi apko vyavharik aur jimmedar bana rahi hai. bhavishya ko lekar ap sachet rahti hain, karyon ko kushlta ke sath karne ka vishesh gun rakhti hain. dhan sanchay sahjta se kar leti hain. nae sal men ap sankalp len ki ap alochnaon ko bhi saharsh svikar karengi. kumbh : janmarashi kumbh hone ke karan ap pragtishil, svatantra vichardhara ki mahila hain. gahan vichar aur atyadhik buddhimatta ke sath karya purn karti hain. iske sath hi ap sahjta se samasyaon ka samadhan nikal leti hanai. apne duradarshi svabhav se ap soch-vichar kar nirnay leti hain. ap bahut achchi vicharak, pragtishil aur manvtavadi vyaktitva ki svamini hanai. navavarsh sankalp ke rup men ap samay ane par bhavnaon ki abhivyakti se piche n haten aur kie vadon ko avashya pura karen. min : ap min rashi ki mahila hain. kuch pane ki ummid ke bina ap dusron ki madad ke lie sadaiv taiyar rahti hain. ap sahaj aur kalatmak pratibha ki mahila hain. udar, dayalu aur behad vafadar rahti hain. akele hi bare karyon ko pura karne ka gun rakhti hain. pyar aur rishton men ankhen band karke vishvas karne vali mahila hain. is navavarsh ap apne se yah vada kar sakti hain ki bahut adhik vishvas nahin karengi v vastaviktaka samna karengi. shanti, khushhali aur dosti se bhare nae sal ke lie meri or se bahut sari shubhkamnaen - jaise-jaise naya sal khilta jae, asha hai apki sari ichchaen puri hoti jaen. nae sal ki dheron shubhkamnaen!! uprokt lekh men apne bare men janne ke lie apne lagn anusar parhen. yadi lagn n malum ho to chandra rashi anusar parhen. yah bhi n malum ho to janm tarikh anusar surya rashi gyat kar lekh parhen. lagn jo ki janm tarikh, samay v sthan par nirbhar karta hai apki chavi ko 100 pratishat charitarth karta hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ko darshati hai.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2017

jyotishiya patrika fyuchar samachar ke is vastu visheshank men bahut achche navavarsh se sambandhit lekhon jaise 2017 navavarsh manglkari kaise ho !, vyaparik drishtikon se navavarsh 2017,2017 men surya v chandra grahan, baelivud ke lie kaisa rahega sal 2017,2017 men bharat ki rajniti, arthavyavastha aur sheyar bajar,ank jyotish se janen 2017 adi.

Subscribe

Apne vichar vyakt karein

blog comments powered by Disqus
.