योग निद्रा - अनिद्रा का सटीक उपाय

yog nidra - anidra ka satik upay  

Sambandhit Lekh | Views : 5151 |  

duniyan bhar ki apadhapi, vyast jivan, sansarik samasyaen, rog, shok, mansik ashanti, paraspar upaj rahe klesh, dvesh, ishyabhav adi se hammen se adhikansh log grast hain. iska sabse adhik dushprabhav parta hai hamari nidra par aur ham anidra rog se pirit hone lagte hain.

♣ anidra rog ↓

mansik santras, asthirta aur ashanti adi karnon se upje is rog ke karan sharir men sfurti, man men shanti aur chehre ki samast abha aur oj ka palayan ho jata hai. dhire-dhire aisa lagne lagta hai ki ham sadiyon ke bimar hon .

♣ anidra ke karan ↓

anidra ke karan sharir ke anya avyvon par bhi viprit prabhav parne lagta hai aur sharir men parinam svarup anya anekon rog panpne lagte hain . dekha jae to yah koi rog nahin hai. yah to svayan ki paida ki hui ek avastha hai, manahsthiti hai athva kahen ki yah ek manobhav hai jo sharir men gahre paithakar inke dushparinam svarup hamen rogi bana deta hai.

♣ mansikta ↓

apni mansikta yadi ham kisi kram-upakram dvara badal len to is tathakthit rog se mukti pai ja sakti hai. iska ek saral upay to hai ki ham apni mansikta dinacharya se kisi prakar aisi kar len ki sote samay chinta ka koi vishay hi mastishk men n ane pae.

♣ chintamukt yognidra ↓

isko is prakar kahen ki ham svayan ko chintamukt kar len. kyonki multah yah chinta hi hai jo hamko sone nahin deti. parantu jivan men bhari hui asankhya samasyaon aur sabse upar bhautikvadi vichardhara ke karan yah kar pana itna saral nahin hai .
dusra vikalp hai yognidra arthat apne shvasan tantra par niyantran. anidra rog ke lie yah ek aisa ramvan upakram hai jo har koi sahjta, sarlta aur sugmta se apna sakta hai aur vah bhi bina kisi jokhim, bandhan ,aur bina mol ke. iske lie sanyam, atmavishvas aur lagan ke sath bas thora sa abhyas matra karna hai hamen.

♣ yognidra ka abhyas ↓

dharti par athva kisi kathor satah par ek kambal athva koi kapra bicha len. letne ke lie apne anukul aur bhi koi sukhad vikalp dekhe ja sakte hain . apna sir purab, pashchim athva uttar disha ki or karke chit let jaen. man ko ekagra karne ka yatn karte hue gahre-gahre shvas bharte hue pran vayu ko nabhi ke niche tak le jane ka abhyas karen. nabhi ke char angul niche ek bindu sthit hai jisko japani bhasha men 'tanden' kahte hain. unki manyata hai ki sharir men urja ka sabse achcha aur shaktishali srot yah bindu hi hai. jitna adhik shvas is bindu par chot karega utni hi adhik urja shakti sharir ko poshit karne men prakritik rup se utpann hogi. yah kriya isko jagrat karna, iska pura vivaran ek alag vishay hai. yahan hamen abhyas karna hai yognidra ka .

♣ sanymnusar abhyas ↓

shvas andar lene aur bahar chorne ke kram men jab shvas bahar choden to pet ko puri tarah se pichka len aur jab andar khichen to pet ko puri tarah se pran vayu se bhar len. dur se dekhne vale ko bhi lage ki pet ek lay men, ek taratamya men shvas ke ane aur jane men kramshah upar aur niche gatishil hai. apne samay aur sanymnusar yah abhyas das-pandrah minat athva adhik tak dohrate rahen. sara dhyan aur abhyas is bat ka karna hai ki shvas pet ke niche tak ja raha hai kyonki is shvas ki layabaddh gati men hi jivan aur jiv ka gupt aur supt sar-sat chipa hua hai. isko parhna, parkhna, samjhna aur tadnusar atmasat karna hai.

♣ dhyan shvas par kendrit ↓

shvas-nishvas ki is kriya men usko samjhte hue man ko ekadam shunya kar le. koi bhi achar-vichar man men shesh n rah jae. is sthiti men ate hi anubhut hone lagega ki ap puri tarah se tanav mukt hain aur sharir ke samast ang tatha snayu tantra shithil athva nirhal ho gae hain. apni gardan ko is nirhal avastha men daen athva baen apni aram ki suvidhajanak sthiti men jhuka len . sab dhyan apni ane-jane vale shvas par kendrit kar len. ap dekhen ki kya apka man shvas par kendrit hone laga hai. vah sath-sath uske nishchit path par chalne laga hai. ek samay bad aisi sthiti a jaegi ki apka man shvas ke anurup sthan par kendrit hone laga hai arthat shvas aur man men taratamya sthapit ho gaya hai. jahan shvas hai vahan ap apne man ko le jane men samarth hone lage hain.

♣ dhyan kramshah alg-alag pair ki ungliyon par kendrit ↓

abhyas karke shvas ko pairo ki ungliyon men anubhav karen. dhyan kramshah alg-alag pair ki ungliyon par kendrit karen. ek-ek ungli ko anubhav karen ki pran urja ke vahan tak pahunchne par vah chaitanya ho rahi hai. svabhavik hai ki prarambhik avastha men shvas par niyantran nahin hoga. aur chitt par to bilkul bhi nahin. kyonki hamara sara abhyas aur prakritik kram shvas ko keval fefron tak hi bharna hota hai usse niche nahin. thore se abhyas se yah usse aur niche tak ja sakta hai aur ek avastha aisi bhi ane lagegi ki uska pravah pair ki ungliyon tak spasht hone lagega. ungliyon ko ab nirhal chor den. shvas ko ab kramshah upar ki aur tak lane aur us sthan vishesh par anubhav karen ki ab vah sthan bhi nirjiv ho gaya hai . kramshah upar barhte rahen . ghutne, pet, chati daen aur baen hath ki ungliya,n gardan adi aur pran vayu ko vahan anubhav karen aur nirjiv kalpana karen ki vah ang bhi nirhal aur nirjiv hote ja rahe hain. ek sthiti aisi a jaegi jab apko lagne lagega ki samast sharir halka, shant shithil aur nirhal hokar nirjiv ho gaya hai. asthi, mans aur bhajja ka putla banakar nirhal para hai-nirjiv jaisa.

♣ bhautik sharir ek divya punj ↓

is avastha men pahunchne par apko anekon anubhutiyan hona prarambh ho jaengi. lagega ki samast bhautik sharir ek divya punj ban gaya hai. sharir aur brahmand ka rang ek hi ho gaya hai. athva kahen ki donon ek dusre men hi sama gaye hain, ek hi ho gae hain. abhritavarsha ka anubhav karenge to lagne lagega ki sara pind bhig kar sarabor ho gaya hai aur romanch se bhare hue divyatar lok men halka hokar bhraman kar raha hai. yahan ghante, ghariyal aur shankhnad bhi sunai dene lage hain. ap aur kuch nahin ab ek divya punj banakar rah gae hain aur itne halke ho gae hain ki kahin bhi bhraman kar sakte hain. kabhi lagega ki sharir punj ek surya ki lalima yukt pind ban gaya hai jo ki urja, chaitanyata aur divyata se bhara hua hai. isse age ki avasthaen pana nirbhar karega apki sadhna, astha, jivan jine ki shaili aur bhautikvadi athva adhyatmavadi adi vichar dhara par.

yahan se hi samadhi aur nidra ke do rah prashast hone lagenge. anidra rog to is abhyas ke bad purnataya samapt hi ho jaega. ab yah apke upar purnataya nirbhar hai ki sukhad nind ke agosh men chale jaen athva divyata bhari samadhi avastha men.

Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.