पूजा रूम
Ank ke aur Lekh | Sambandhit Lekh | Views : 988 |  
yah brahmand prakriti ki ek adbhut, advitiya evan sundar rachna hai jahan sirf satya evan vastavikta par adharit tathyon ki hi manyata hai. jis prakar manviya pahlu ke har vishay niyamabaddh hain tatha niyamon ke dvara hi shasit evan sanchalit hote hain usi prakar puja-path ke bhi kuch shastra-sammat vidhan hain. jab tak niyamon, vidhanon evan siddhanton ka aksharashah palan nahin kiya jata tab tak puja se milne vala labh sahi evan sakaratmak rup men nahin mil sakta. ajakal ghar ki yojna banate vakt, sthanabhav ke karan ham ek alag puja rum ki avashyakta ko najrandaj kar dete hain. nishchit rup se yah koshish honi chahie ki puja ke lie ek alag rum ho kyonki yah ghar ka aisa mahatvapurna sthan hai jahan roj subah jakar ham ishvar ko yad karte hain tatha vahan ki sakaratmak urja evan tarangon se n hi sirf hamare mastishk, sharir evan atma men sfurti, shakti evan urja ka sanchar hota hai varan ghar evan paros ka sanpurn vatavaran hi urjavan ho jata hai. isse hamari karyakshamata evan srijnshilta men bhi vriddhi hoti hai jo hamare lie pragti, samriddhi evan anttah shanti evan santosh ka marga prashast karti hai. puja rum ka nirman karte vakta kuch savdhaniyan bartne evan vastu ke niyamon ke anurup nirman karya ko anjam dene ki avashyakta hai. puja evan sadhna se hamare man ko shanti milti hai tatha ham urjavan mahsus karte hain. yadi puja rum ka nirman galat disha, pariman athva vastu niyamon ke pratikul karenge to chahe ham jitni bhi puja athva sadhna vahan baithakar karen, hamen koi fayda nahin hoga. vastu ke kuch ahm siddhant hain jinka palan puja rum banate vakt avashya karna chahie. puja rum ke lie upyukta dishaen puja rum ghar ke uttara-purva (ishan) disha men banana sarvashreshth hai kintu vaikalpik taur par uttar ya purva disha men bhi puja rum banana uttama hai. puja karte samay chehra sadaiv purva, uttar athva uttara-purva disha ki or hona chahie. puja rum kadapi sirhiyon ke niche athva besment men na banayen, disha chahe koi bhi ho. vishesh puja brahmasthan men ki ja sakti hai athva bare kshetrafal vale bhavnon men puja rum brahm sthan men bhi banaya ja sakta hai. bedrum men puja rum banana purnataya varjit hai. murtiyan puja rum men rakhi jane vali bhagvan ki murtiyon ki unchai 2’’ se kam tatha 9’’ se adhik nahin honi chahie. in murtiyon ko itni unchai par rakhna chahie ki jab ham puja karne baithen to murtiyon ke pair hamare chati ke levl par hon. yadi khare hokar puja karne ki vyavastha hai tab bhi yahi niyam lagu hoga arthat murtiyon ke pair chati ke stara par hi honge. jis slaib athva kaibinet par devi-devtaon ki murtiyan rakhi hon uske upar kuch bhi nahin rakha jana chahie. ek hi devi/devta ki do murtiyan nahin honi chahie. do murtiyan ek-dusre ke samne bhi nahin rakhna chahie. pravesh dvar evan khirkiyan puja rum ka pravesh dvar evan khirkiyan uttar evan purva disha men honi chahie. darvaja do pallon ka hi hona avashyak hai. ek palle ka darvaja nahin lagana chahie. svayan se band hone vala svachalit darvaja bhi puja rum ke lie vastu sammat nahin hai. puja rum men dahlij banana shubh evan upyukt hai. darvaje evan khirkiyan lakri ke hi hona upyukt hai. loha athva tin ke darvaje evan khirkiyan vastu sammat nahin hain. agnikund agnikund puja rum ke dakshin-purva (agney) disha men hona chahie. agni ko ahuti dete samay munh purva disha ki or hona chahie. samagriyan puja rum men yathasanbhav tanbe ke bartanon ka upyog hona chahie. kalsh athva jalasrot uttar ya purva disha ki or rakhna chahie. dipk athva lainp dakshin-purva men rakhna vastu sammat hai. puja rum men mrit vyaktiyon/purvajon ki foto n lagaen, vedi uttara-purva men rakhen. almari, shokesh athva kabard dakshin ya pashchim ki divar se satakar lagaen kintu dhyan rakhen ki inki unchai murtiyon ke leval se kam ho. lainp staind athva aplaitr dakshin-purva kone men rakhen kintu inki sthiti murtiyon ke thik samne honi chahie taki inka prakash murtiyon par thik prakar se pare. floring puja rum men floring ke lie seramik tails, mojaik evan marbala achche vikalp hain kintu puja rum ke lie shvet marbala adhik anushansit hai. rang puja rum ki divar ke lie lait yelo, safed evan lait blu rang upyukt hai. inmen se koi ek rang chunakar divaron par karvana chahie. kuch avashyak tathya - puja ka sthan kadapi bedrum men nahin banana chahie. puja rum taeylet ke bagal men athva samne nahin hona chahie. puja rum ke thik upar ya niche taeylet nahin hona chahie. - puja rum men kisi bhi prayojn se pravesh karna ho to uske purva hath evan pair avashya dho len. pair dhote samay ek-dusre pair ko apas men ragarakar dhona varjit hai. dayen hath se pani dalen tatha bayen hath se pair saf kar dhoyen. - puja rum men tribhujakar frem men devi/devta ka chitra n banayen. - puja rum men do shatar vala darvaja lagana chahie. khud se band hone vala svachalit darvaja n lagayen. - puja rum men koi bhi bhanjit athva khandit murti nahin honi chahie. - puja rum men koi bhi faltu samagri rakhna ashubh hai. - puja rum men ek hi devi/devta ki do murtiyan nahin honi chahie. murtiyan ek dusre ke amne-samne rakhna bhi upyukt nahin hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.